ISAÍAS 49:23 - Biblia Guarani Tumpa Iñee

²³ Mburuvicha guasu reta ñogüɨnoita ndeangareko vaerä, jare tayɨ reta ñogüɨnoita oyangareko vaerä nemichia reta re. Oyetavatɨka retata nderóvai ɨvɨ re ndemboete, jare ndepɨ oipɨte retata. Jare chekuaata che ko jae peYa vae, jare kërai cheré güɨrovia vae reta ngaraa oñemomaraiuka.”

ISAÍAS 49:23 ပူးပေါင်းရင်းမြစ်များ

GÉNESIS 27:29

Toyeokuai ndeve opaete vae, Tëtaguasu reta toyetavatɨka nderóvai; eporookuai nerëtara reta re. Ndesɨ imembɨ reta toyetavatɨka nderóvai. Yepopeyu toï, oyepopeyu nderé vae re, jare mborerekua toï jei ñee kavi ndekotɨ vae reta re.”

GÉNESIS 43:26

Jare José ou jo pe yave jae reta güeru chupe mbota oäro güɨnoi pɨpe vae, jare itindɨasɨ reta ɨvɨ re jae jóvai.

SALMOS 138:4

CheYa Tumpa, opaete mburuvicha guasu reta ɨvɨ pegua ndemboeteta, echa oendu reta neñee.

SALMOS 25:3

¡Añetete, ngaraa etei oñemomaraiuka nderé oyeko vae reta! ¡Ërei oñemomaraiukata oyembopɨapochɨ jupimbae reve ndekotɨ vae reta!

SALMOS 34:22

Ërei yandeYa güɨroasayepe jembiokuai reta jekove, ¡ngaraa oiporara jese oyeko vae reta!

SALMOS 68:31

Yogüeruta mburuvicha reta Egipto pegua, Etiopía jarembae voita ipo omopüa Tumpa pe.

SALMOS 69:6

CheYa Tumpa Imbaepuere yae ete vae, agüɨye timara chereko pegua, nderé oyeko vae reta, agüɨye toyembojopa chereko pegua, ndereeka vae reta, cheRu, Israel iTumpa.

ÉXODO 6:7

Jare poapota tëta chembaerä jare che aikota peTumparä; jare pe reta peikuaata che ko jae peYa Tumpa vae, pogüɨnoe mbaravɨkɨasɨ katu peyapo Egipto pe vae güi.

ISAÍAS 14:1

YandeYa oipararekota Jacob iñemuña reta. Jekuae oyapo yeta imbaerä Israel iñemuña reta, güeru yeta oñono reta vaerä iɨvɨ ae pe. Ketɨgua reta oyemboyata jese reta, oñemoïruta Jacob iñemuña reta ndive.

ISAÍAS 14:2

Jeta tëtaguasu reta omboresive kavita Israel iñemuña reta, jare omoïru retata yogüeru ye jëta kotɨ yave, jare Israel iñemuña reta oyapota jembiokuairä yandeYa iɨvɨ pe. Jökorai Israel iñemuña reta oyapota tembipɨɨrä arakae jökoraise oyapo vae, güɨnoi retata mbaepuere, arakae güɨrekose mbaepuere jese reta vae re.

ISAÍAS 25:9

Jókuae ara jei retata: “Kuae ko jae ñaneTumpa ñaäro yaiko vae, jese yarovia jare jae yandemborɨta. Yayerovia jare yavɨa, echa jae ko yandemborɨta.”

ISAÍAS 26:8

OreYa, roguata ko orepɨakatu reve kavi ndeporookuai jei vae rupi. Ndekotɨño ko orepɨa oyemongeta.

ISAÍAS 29:22

Jáeramo, yandeYa, Israel iTumpa, oepɨ Abraham vae, jei Jacob iñemuña reta kotɨ: “Añave güive Jacob ngaraa ye ma oñemomaraiuka, ngaraa ye ma jova pɨ̈ta imara güi,

ISAÍAS 41:20

opaete vae pe reta peecha vaerä jare peikuaa vaerä, kërai che peYa ko ayapo chembaepuere rupi kuae, che, Tumpa Iyoambae Israel pegua ko ayapo kuaekuae.”

ISAÍAS 43:10

YandeYa jei: “Pe reta ko jae pemombeu cheregua vae, cherembiokuai che aiparavo vae, chekuaa vaerä, perovia vaerä cheré, jare chekuaa vaerä kia ko che vae. Mbaetɨ yé ïru tumpa tenonde voi ma oiko chegüi vae, jare cheraɨkue rupi ngaraai vi oime ïru.

ISAÍAS 45:14

YandeYa jei körai Ciro pe: “Egiptoɨgua reta iparavɨkɨ reta, Etiopíaɨgua omaemee vae reta, Sabáɨgua reta, kuimbae ipuku vae reta, opata oñemee ndeve jare yogüɨrekota nderembiokuairä; reñapɨtita opa reraja nderaɨkue, oyetavatɨka retata nderóvai jare nemoñera retata körai: ‘Añetete oime Tumpa oï nde ndive, mbaetɨ ïru Tumpa chugüi.’ ”

ISAÍAS 45:17

Ërei yandeYa oepɨta jekuae avei pegua tëtaguasu Israel, jare ngaraa oñemomichiuka ani oñemomaraiuka reta opɨta jekuae avei rupi.

ISAÍAS 49:7

YandeYa, oPoroepɨ vae, Tumpa Iyoambae Israel pegua, jei oñemotareɨuka ïru tëtaguasu reta pe vae pe, ipɨarai vae reta jembipɨɨrä oiko vae pe: “Mburuvicha guasu jare mburuvicha reta ndereecha yave, opüata jare ndemboeteta; echa che ndeYa, Tumpa Iyoambae Israel pegua jupi vae ko, che ko roparavo.”

ISAÍAS 50:7

Echa, cheYa Tumpa ko chemborɨta, jáeramo, ngaraa ko chemara; jáeramo, amotäta cherova, ita rami, echa aikuaa ko ngaraa añemomaraiuka.

ISAÍAS 52:15

Jökoraita jae omopɨakañɨ, jeta tëtaguasu reta; mburuvicha guasu reta ngaraa etei iñee omoë jóvai, echa oecha retata mbaetɨi kia omombeu chupe vae, jare oikuaa retata mbaetɨi oendu vae.

ISAÍAS 52:6

Ërei kuae jeko pegua, tëta chembae vae, metei ara chekuaa kavita; echa añave che etei chemiari aï vae, aïta joko pe.”

ISAÍAS 60:14

Jare oñemomichi reve yogüeruta ndekotɨ oiporaraukase ndeve vae taɨ reta, jare nemotareɨse vae reta, oyetavatɨkata nderóvai, jare nereenɨi retata ‘YandeYa Jëta guasu’, ‘Sión, Iyoambae Israel pegua jëta’.

ISAÍAS 60:16

Tëtaguasu reta omeeta ndeve tembíu ikavigüe jare mburuvicha guasu reta güeruta ndeve imbaeyekou reta; jayave peikuaata che peYa ko jae pereroasayepe vae, che, Imbaepuere yae ete vae Jacob pe vae, che ko jae ndeReepɨ vae.

ISAÍAS 60:3

Jare nderembipe kotɨ yogüeruta tëtaguasu reta, mburuvicha guasu reta yogüeruta vi nderembipe kotɨ.

ISAÍAS 62:2

Jayave jeta vae reta oechata ndeporogüɨroasayepe, jare opaete mburuvicha guasu reta oechata ndeyemboetea. Jayave ndembojee pɨauta, tee ipɨau pe, yandeYa etei ndembojeeta.

ISAÍAS 64:4

Mbaetɨi oyeendu kuae nunga, mbaetɨi oyeecha Tumpa nde rami vae, kërai oyapo avei mbaembae, jese güɨrovia vae reta peguarä vae.

EZEQUIEL 37:6

Pekägüe reta ambojayɨ yeta, añono yeta pesoorä jare pepirerä; amee yeta pepɨ̈tuerä, peikove ye vaerä. Jare peikuaata che ko jae peYa vae.’ ”

JOEL 2:27

jökorai peikuaata oime ko tëta Israel ipɨte pe che aï vae, jare che ko, jae peYa Tumpa jare mbaetɨ ye ko ïru; ¡jare chembae vae reta ngaraa ye ma oñemomaraiuka!

MIQUEAS 7:17

¡Ɨvɨ toere reta mboi rami, ipɨtía re oguata vae reta rami! ¡Torɨrɨi toñogüɨnoe jare tokɨɨye reve toyogüeru ndekotɨ, cheYa Tumpa!

NÚMEROS 11:12

¿Che pa ko jae tu ani ichɨ, rerajauka vaerä cheve, avoɨ vaerä araja michia raɨ okambu vae oyevoɨ rami, ɨvɨ rerökuavee nderee re iñemuñagüe reta pe vae pe?

San Mateo 25:16

Jayave jókuae pandepo talento omboresive vae omboɨpɨ omombaravɨkɨ, jare jökorai omoïru ye pandepo.

Romanos 10:11

Echa Tumpa Iñee pe jei körai: “Opaete güɨrovia jese vae, ngaraa oñemomaraiuka.”

Romanos 5:5

Jare jókuae ñaäro yayerovia reve vae, ngaraa yandembotavɨ. Echa Tumpa iporoaɨu oime ma yandepɨa Espíritu Santo oñemee yandeve vae rupi.

Romanos 9:33

Echa Tumpa Iñee pe oyekuatía oï körai: “Mase, che añono Sión pe, ita pɨ̈sa-yeyuka pegua jare ita guasu oporoitɨ vae, ërei güɨrovia jese vae, ngaraa oñemomaraiuka.”

1 Pedro 2:6

Echa Tumpa Iñee jei vi: “Mase, ko añonota Sión pe metei ita, o ekina iguapɨka okúembae, ita oyeparavogüe, ikavi yae vae, jese güɨrovia vae ngaraa oñemomaraiuka.”

Apocalipsis 3:9

Mase, aruta nderóvai oyetavatɨka vaerä Satanás imbae reta, jókuae judío jei iyeupe vae reta, ërei mbaetɨ ko, iyapu reta ko. Toikuaa reta che poaɨu ko vae.