ISAÍAS 49:22 - Biblia Guarani Tumpa Iñee

²² YandeYa jei: “Ayokuaita opaete vae tëtaguasu reta, güeru reta vaerä iyɨva re nemembɨ reta, jare nememɨkuña reta iyatiɨ re.

ISAÍAS 49:22 ပူးပေါင်းရင်းမြစ်များ

SALMOS 102:22

oyemboatɨ yave opaete tëtaguasu reta ketɨ ketɨ güi, metei rami oyeokuai reta vaerä yandeYa pe.

SALMOS 22:27

Imaendúa retata jare yogüeruta yandeYa kotɨ, opaete ɨvɨ pegua reta, opaete tëtara ñavo tëtaguasu reta pegua; ¡ombaemboete retata!

SALMOS 72:17

¡Mburuvicha guasu jee toiko avei! ¡Tijërakua avei jee toiko, kuaraɨ oime ramboeve! ¡Jese toyekou opaete tëtaguasu reta! ¡Jese timiari kavi opaete tëtaguasu reta!

SALMOS 72:8

¡Togüɨnoi mbaepuere ɨguasu güive ïru ɨguasu kotɨ, jare ɨ̈aka Éufrates güive ketɨ ɨvɨ iyapɨ kotɨ!

SALMOS 86:9

Opaete tëtaguasu reta nde ko reyapo, yogüeruta omee mbaemboete ndeve cheYa, jare omboete yae retata nderee.

ISAÍAS 14:2

Jeta tëtaguasu reta omboresive kavita Israel iñemuña reta, jare omoïru retata yogüeru ye jëta kotɨ yave, jare Israel iñemuña reta oyapota jembiokuairä yandeYa iɨvɨ pe. Jökorai Israel iñemuña reta oyapota tembipɨɨrä arakae jökoraise oyapo vae, güɨnoi retata mbaepuere, arakae güɨrekose mbaepuere jese reta vae re.

ISAÍAS 18:3

Pe reta, opaete ɨvɨ pegua reta, bandera oñemopüa ɨvɨtɨ re yave pemae jese, jare mimbɨguasu oñemoñee yave peyeapɨsaka jese.

ISAÍAS 43:6

Ɨvɨtuguasu kotɨgua reta pe jaeta: ‘Opa ye embou’, jare arayevɨ kotɨgua reta pe jaeta: ‘Agüɨye emombɨta. Eru mombɨrɨ ɨvɨ iyapɨ kotɨ güi cheraɨ reta jare cherayɨ reta,

ISAÍAS 49:12

Mase, amogüe reta yogüeruta matɨ güi, amogüe reta yogüeruta ɨvɨtuguasu kotɨ güi, amogüe reta yogüeruta kuaraɨ oikea kotɨ güi, amogüe reta yogüeruta ɨvɨ Sinim jee vae kotɨ güi.

ISAÍAS 62:10

Peasa, peasa öke reta rupi, peipea tape chembae vae reta peguarä. Peñono kavi tape oyeguata jupi vae, pembosɨrɨ tape güi ita reta, peupi bandera, oecha vaerä opaete vae tëtaguasu reta.

ISAÍAS 66:19

Jare amokañɨmaata chupe reta: Chugüi reta ojoyepegüe, amondota tëtaguasu reta kotɨ, jae ko: Tarsis, Fut jare Lud pe; kuae tëtaguasu Lud pegua reta oikatu oiporu uvɨ, Tubal jare Javán kotɨ, jare matɨ rupi tëtaguasu reta ñogüɨnoi ɨguasu jembeɨ rupi vae, jókuae mbaetɨ oendu reta cheregua vae, jare mbaetɨ vi oecha reta cheyemboetea; jae reta omoërakuata cheyemboetea tëtaguasu reta pe.

ISAÍAS 66:20

Jare güeru retata opaete perëtara reta, tëtaguasu ñavo pe oime vae, güeru retata kavayu re, käretou pe, voɨka pe, mburika guasu re jare camello re. Güeru retata mbotarä cheve tëta Jerusalén pe, ɨvɨtɨ oñeñono tee vae re. Israel iñemuña reta güeru chero pe mbota mbae ikɨambae vae pe rami.” Che, peYa ko jae kuae.

ZACARÍAS 8:22

Jare jeta vae jare tëtaguasu reta imbaepuere yae vae yogüɨrajata oeka yandeYa Imbaepuere yae ete vae Jerusalén pe, oiporu vaerä yandeYa iporerekua.

MALAQUÍAS 1:11

Opaete tëtaguasu ñavo rupi chemboete, jare oipota rupi kuae ɨvɨ pe oapɨ reta ikäti kavi vae incienso cheree re jare omee reta mbota ikavi vae cheve, echa cheree jërakua opaete tëtaguasu reta rupi.

San Lucas 13:29

Yogüeru retata opaete ketɨ ketɨ güi, jare oguapɨ retata mesa pe Tumpa iporookuaía pe.