ISAÍAS 49:16 - Biblia Guarani Tumpa Iñee

¹⁶ Mase, chepombɨte re etei ko nderee aikuatía areko, nekësea re amae avei ko.

ISAÍAS 49:16 ပူးပေါင်းရင်းမြစ်များ

ÉXODO 13:9

Kuae toiko pepoapɨ re ani peresɨva re mbae ikañɨmaa vae rami, pemaendúa avei vaerä yandeYa iporookuai re; jae perenoe imbaepuere yae ete rupi Egipto güi vae jeko pegua.

CANTARES 8:6

Cherenoi avei ndepɨa pe, ¡ndeyɨva reikuatía rami! Echa mboroaɨu, ipɨ̈rata yae ko mano rami; tägüɨro, ñamomɨimbae ko tëogüe-rɨru rami. ¡Mboroaɨu, tata jendɨ rami ko!

ISAÍAS 26:1

Jókuae ara otairari retata kuae tairari ɨvɨ Judá pe: “Ñanoi tëta guasu jëguambae, yandeYa yandereepɨ vaerä oñono tëta guasu ikësea, omboyokupe oñono.

ISAÍAS 54:12

neventana reta ayapota ita ipöra vae pegua katuai, neröke reta ita ipöra vae carbunclo jee vae pegua katuai, opaete nekësea ayapota ita ipöra vae pegua katuai.

ISAÍAS 60:18

Ndeɨvɨ pe ngaraa ma jërakua tekorai, ngaraa ma vi oime susere ndeɨvɨ pe, jaeño nekësea rembojeeta ‘Yereroasayepe’, jare neröke reta ‘Mbaemboete’.

ISAÍAS 62:6

Jerusalén, nekësea reta re añono omae vae, ara pe jare pɨ̈tu yave ngaraa etei kïrii, jei retata: “Agüɨye tikïrii yandeYa omboete vae.

ISAÍAS 62:7

Agüɨye etei pekuérai chugüi, omopüa pɨau ye regua Jerusalén, opaete ɨvɨ pegua reta pe omboeteuka regua.”

JEREMÍAS 17:1

Tëtaguasu Judá, ndeyoa oyekuatía oï tapiyu pe oyekuatía rami, jare ita täta yae vae itï pe rami oyekuatía oï ndepɨa re, jare mɨmba oyeyuka oyeapɨ jese vae re guakarätiecha oï vae re.

JEREMÍAS 22:24

YandeYa jei Jeconías, Joacim taɨ, mburuvicha guasu Judá pegua pe: “Tae cheyé aeño: Yepe tëi nde metei moäka-vera mborookuai pegua cheakatu kotɨgua rami chepoäka re, joko güi roekɨta ko,

HAGEO 2:23

Jókuae ara roepɨta Zorobabel, Salatiel taɨ chemborɨa, ayangarekota nderé chepoäka-vera re rami; echa che roparavo, jei yandeYa Imbaepuere yae ete vae.’ ”