ISAÍAS 48:8 - Biblia Guarani Tumpa Iñee

⁸ Nde mbaetɨi ko reendu kuae regua, jare mbaetɨi reikuaa, echa ndeapɨsa oyeokenda avei oiko. Che rokuaa ko nde mbaetɨ jupi, ndei rea güive voi ma rombojee ‘ipɨarai vae’ pe.

ISAÍAS 48:8 ပူးပေါင်းရင်းမြစ်များ

SALMOS 40:6

Mɨmba oyeyukagüe jare mbota mbaetɨ ndembopɨakatu; mɨmba oyeyukagüe opaetei oyeapɨ vae jare ñɨ̈ro pegua mbaetɨ reeka oreve, ërei reipea cheapɨsa.

SALMOS 51:5

Mase, ikavimbae pe akuakuaa, iyoa vae ko che chesɨ jɨe peve.

SALMOS 58:3

Mbaeyoa iyapoa reta, ichɨ jɨe güive voi ma jökorai ou; apu imiari vae reta oa ramo güive voi jökorai.

ISAÍAS 21:2

Yavaete ko, Tumpa oechauka cheve vae: Omaepɨ̈ro vae, omaepɨ̈ro; oporomboai vae, ombaemboai. ¡Pepüa, ɨvɨ Elam pegua reta! ¡Peporepeña, Media pegua reta! ¡Jäse vae reta amokïrii ma!

ISAÍAS 26:11

CheYa, ndepo remopüa ma renoi reinupa reta vaerä, ërei jae reta mbaetɨ oipota oikuaa jókuae regua, ërei oecha reta ndeporoaɨu, tëta ndembae vae kotɨ yave, imarata jókuae imotareɨa reta. ¡Mbae mona ndearasɨ opa omboai reta!

ISAÍAS 33:1

¡Ndeparavete, nde remaepɨ̈ro avei vae, ërei mbaetɨ kia omaepɨ̈ro ndegüi! ¡Reyapo ikavimbae, ërei mbaetɨ kia oyapo ikavimbae ndeve! ¡Opa remaepɨ̈ro yave, oñepɨ̈rota vi mbae ndegüi, opa reyapo ikavimbae yave, oyeapota vi ikavimbae ndeve!

ISAÍAS 42:25

Jáeramo ko oitɨ iyarasɨ jese reta ñeraro yavaetegüe rupi, opa oapɨ rami opɨta reta, ërei jeseve mbaetɨ oipota reta oendu.

ISAÍAS 46:8

Iyoa vae reta, pemaendúa kuae re, agüɨye peyembotavɨ pe aeño, peyemongeta kavi jese;

ISAÍAS 47:11

Ërei outa mbaesusere nderé, ngaraa ndepuere reyeopia mbɨrae reta pe; resusereta, ngaraa ndepuere reyopia; susere outa ndeve neparanoe.

ISAÍAS 48:4

Rokuaa ndepɨa täta yae ko, jiero täta rami, jare jiero iyu vae rami vae,

ISAÍAS 48:7

jaeramo etei ko jae kuaekuae, jaeramo etei ko reendu kuae regua. Agüɨye vaerä rere: ‘Aikuaaño mai ko jókuae.’

ISAÍAS 50:5

YandeYa Tumpa omee arakuaa katu cheve, jare mbaetɨ ayembopɨapochɨ, mbaetɨ ayerova ye cheraɨkue kotɨ chugüi.

ISAÍAS 57:4

¿Kia re pa pepuka puka? ¿Kia pe pa pekü pemoë moë? ¿Kia re pa pemiari kaviä? Pe reta ¿jaeä pa ko ipɨapochɨ vae reta, jare iyapu vae reta?

JEREMÍAS 3:20

Ërei metei kuña jeko kavimbae oeya ime rami, jökorai mbaetɨ ndereko ikavi cheve. Che peYa, jae.

JEREMÍAS 5:11

¡Israel pegua reta jare Judá pegua reta oyembopɨapochɨ chekotɨ! Che peYa, jae.”

JEREMÍAS 5:21

Peendu kuae, pe yarakuaambae jare ipɨa täta vae reta, oime tëi peresa reta, ërei mbaetɨ peecha, oime tëi peapɨsa reta, ërei mbaetɨ peendu.

JEREMÍAS 6:10

Che jae: “¿Kia pa oenduta cheñee, amoërakua yave kuae re? Oyeapete ko oï iyapɨsa reta, cheYa, mbaetɨ ipuere oendu reta, oyóyai yoyaiño ko neñee reta, mbaetɨ oaɨu reta iyeupe.

OSEAS 5:7

Mbaetɨ jupi rupi yogüɨreko reta yandeYa pe, imembɨ reta ambuae kuimbae pe. Jáeramo, metei yasɨ peño omokañɨtei retata iɨvɨ ndive.

OSEAS 6:7

Ërei jae reta Adán ramiño, morogüɨrökuavee päve oyapoä, oikuaa reve mbaetɨ oyapo jupi vae.

OSEAS 7:9

Ketɨgua reta opa omboai chugüi imbaepuere, ërei jae mbaetɨ oikuaa. ¡Iñäkatï ma, ërei jae mbaetɨ oikuaa!

MALAQUÍAS 2:11

Judá iñemuña reta oyapo ikavimbae vae, Israel pe jare Jerusalén pe oyeapo pɨ̈chɨi yae vae. Echa Judá iñemuña reta omongɨa tupao guasu yandeYa oaɨu yae vae; jare omenda reta tumpa-raanga imboetea reta tayɨ ndive.

Efesios 2:3

Tenonde yave opaete yande vi yaiko yandesoo jemimbota reño jae reta rami. Yayapo yepi yandesoo jemimbota reta jare yandeyemongeta retaño. Jáeramo Tumpa iyarasɨ igüɨ pe yaiko, opaete ïru reta rami.

DEUTERONOMIO 31:16

Jayave yandeYa jei Moisés pe: “Remanota ma, jare kuae tëta oikomeguata tumpa ambuae kuae ɨvɨ pegua reta rupi, jókuae ɨvɨ yogüɨrajata yogüɨreko pɨpe vae pe; chereeya retata, omboaita morogüɨrökuavee päve ayapo jae reta ndive vae;

DEUTERONOMIO 31:18

Ayerova eteta ko chugüi reta jókuae ara, ikavimbae jae reta oyapo vae jeko pegua, omboete reta tumpa ambuae reta jeko pegua.