ISAÍAS 48:6 - Biblia Guarani Tumpa Iñee

⁶ Nde reendu jare reecha opaete kuae mbaembae; ¿mbaetɨta pa rere añetete ko vae? Añave tamombeu ndeve mbae ipɨau vae, jare mbaetɨi reikuaa vae;

ISAÍAS 48:6 ပူးပေါင်းရင်းမြစ်များ

SALMOS 107:43

Yarakuaa katu vae, ngaraa ñakañɨ kuae güi, jare oikuaa katuta yandeYa iporoparareko reta.

SALMOS 119:13

Chemiari, opaete ndeporookuai reta reregüe.

ISAÍAS 21:10

Tëta chembae, trigo oyembopiriri jare oyembovevegüe rami vae, amombeu ndeve aendu yandeYa Imbaepuere yae ete vae güi vae, jae ko Israel iTumpa.

ISAÍAS 42:20

Echa oecha tëi jeta mbaembae, ërei mbaetɨ mbae jei; oendu tëi, ërei mbaetɨ oendu vae ramiño.

ISAÍAS 42:8

Che ko ndeYa, kuae ko jae cheree; ïru vae pe ngaraa amee cheyemboetea, jare tumpa-raanga reta pe ave ngaraa amee cheyemboetea.

ISAÍAS 42:9

Mase, kërai oyembopo opaete mbaembae amoërakua iyɨpɨ güive voi vae, jare añave amoërakua ye mbae ipɨau vae, amombeu peve ndei oyekuaa mbove.”

ISAÍAS 43:19

mase, ko ayapota mbae ipɨau vae, jare peechata añave voi. Aipea yeta tape ñuu rupi, jare ɨvɨ otini vae rupi ɨ̈aka reta.

ISAÍAS 48:7

jaeramo etei ko jae kuaekuae, jaeramo etei ko reendu kuae regua. Agüɨye vaerä rere: ‘Aikuaaño mai ko jókuae.’

JEREMÍAS 2:31

Israel iñemuña reta añave pegua, peyeapɨsaka che peYa iñee re. ¿Ñuu pa ko che ndeve? ani, ¿metei ɨvɨ pɨtumimbi vae pa? Tëta chembae vae: ¿Maera pa rere: ‘Nderembipɨɨä ko ore; ngaraa ye ma royerova ndekotɨ’?

JEREMÍAS 33:3

Eyerure cheve jare aenduta ndeve, amombeuta ndeve mbae tuicha vae jare oñemi oï ndegüi vae, nde reikuaambae vae.

JEREMÍAS 50:2

“Emoërakua kuae, tëtaguasu reta rupi, eikuaauka chupe reta. Emopüa bandera remokañɨmaa vaerä ñemoñee, agüɨye nekïriiño epɨta. Ere: ‘¡Babilonia oñepɨ̈ro! ¡Tumpa-raanga Bel opɨta ñemomarai pe, tumpa-raanga Merodac opa oyemboai! ¡Itumpa-raanga añetembae, opa oyemboai!’

AMÓS 3:6

¿Mimbɨguasu oñemoñee tëta guasu pe yave, ngaraa pa oiämondo tëta guasu ipo reta? ¿Oimeta pa tëta guasu pe mbaesusere, yandeYa omboumbae reve?

MIQUEAS 6:9

YandeYa ombou iñee tëta guasu pe; iyarakuaa katu ko nderee güi oipoɨu vae. “Peyeapɨsaka peï mbae outa vae re, jökorai vi jókuae iñee ombou vae re.

San Mateo 10:27

Pɨtumimbía pe che jae peve vae pemoërakua tembipe pe etei. Jare che jae vɨari peve vae pemoërakua opaete vae pe o iárambo ipe kavía güi.

San Juan 15:15

Ngaraa ma tembiokuai reta jae peve, echa tembiokuai mbaetɨ oikuaa mbae ko iya oyapo vae. Ërei che jae ma peve pe reta ko jae chevɨa-ïru. Echa opaete cheRu omombeu cheve vae aikuaauka ma peve.

Hechos 1:8

Ërei pe reta penoita mbaepuere ou yave Espíritu Santo peré, jare pemombeuta cheregua Jerusalén pe, opaete Judea rupi, Samaria rupi jare opaete ɨvɨ rupi.

1 Corintios 2:9

Ërei oyekuatía oï: “Mbaetɨ kia oecha jare mbaetɨ kia oendu vae, mbaetɨ vi kia oyemongeta jese vae, jókuae mbaembae omokätɨro ma Tumpa oaɨu vae reta pe vae.”

Apocalipsis 1:19

Eikuatía opaete mbaembae reecha vae regua, añave pegua jare oikota kuri vae.

Apocalipsis 4:1

Kuae jaɨkue rupi amae jare aecha metei öke oyepea oï ara pe. Jare ñee tenonde yave aendu mimbɨguasu iñee rami vae imiari cheve vae jei cheve: “Eyeupi kuae pe jare aechaukata ndeve mbaembae oasata kuae jaɨkue rupi vae.”