ISAÍAS 48:3 - Biblia Guarani Tumpa Iñee

³ Mbaembae oasa vae iyɨpɨ güive voi ma ko amombeu peve, che etei ko aikuaauka. Güɨramoiño amboɨpɨ ayapo jare opa oyembopo.

ISAÍAS 48:3 ပူးပေါင်းရင်းမြစ်များ

ISAÍAS 29:5

Ërei güɨramoiño, outa yandeYa Imbaepuere yae ete vae oiporarauka vaerä nderovaicho reta pe ara rɨapu rupi, ɨvɨkana rupi, mbae täta jɨapu vae rupi, ama ɨvɨtuai reve jare kusumirou guasu rupi, jare tata yavaetegüe rupi. Jare jókuae nderovaicho jeta yae vae opɨtata ɨvɨkúi rami, jare jëia yae vae reta opɨtata ɨtɨ rami.

ISAÍAS 30:13

jáeramo, kuae mbaeyoa oï ko peve, metei ovapetea ɨvate vae oyekagüe jeieteño oyeka rami, jare güɨramoiño opata osururu vae rami;

ISAÍAS 37:29

Aikuaa ko ndearasɨ jare ndepɨayemboete, añonota cheargolla netï re, mɨmba re oñeñono rami, jare rombokayurupeguata, jare romboyerova yeta tape reyúa rupi.”

ISAÍAS 37:7

Mase, che amondota aenduka chupe metei mbae, ojo ye vaerä jëta kotɨ jare joko pe ayukaukata.’ ”

ISAÍAS 41:22

Peyu pemombeu oreve mbae oasata vae, ani pemombeu oreve mbaembae iyɨpɨ güive oasa ma vae, jare toroyeapɨsaka jese; pemombeu oreve mbaembae oasata vae, toroikuaa mbae pe opata iyapɨ vae;

ISAÍAS 41:27

Che ko amoërakua kuae regua Sión pe iyɨpɨ güive, che ko ambou metei ñee jerajaa omoërakua vaerä ñee kavi Jerusalén pe.

ISAÍAS 42:9

Mase, kërai oyembopo opaete mbaembae amoërakua iyɨpɨ güive voi vae, jare añave amoërakua ye mbae ipɨau vae, amombeu peve ndei oyekuaa mbove.”

ISAÍAS 43:9

Toyemboatɨ opaete tëtaguasu reta jare opaete tëta reta. ¿Kia pa chugüi reta arakae omombeu kuae mbaembae oasata vae, ani arakae mbaembae oasagüe reta ndei oasa yave voi ma omoërakua reta vae? Oime kia oecha jae reta jeigüe oyembopo ko vae yave, tou jare timiari kuae pe añetete ko vae.”

ISAÍAS 45:21

Pemiari oyoupii jare peikuaauka oyoupe, peparandu oyoupe: ¿Kia ra omombeu kuae regua iyɨpɨ güive voi? ¿Kia ra jei arakae güive voi ma? Che ko, che peYa ko ayapo jókuae. Mbaetɨ yé ko ïru Tumpa chegüi. Mbaetɨ yé ko chegüi ïru Tumpa jupi vae jare oporoepɨ vae.

JOSUÉ 21:45

Mbaetɨ metei ave ñee oyeapombae, opaete ñee ikavigüe yandeYa jei Israel iñemuña reta pe vae, opaetei oyeapo.