ISAÍAS 48:20 - Biblia Guarani Tumpa Iñee

²⁰ Peë Babilonia güi, petekuarai Caldeaɨgua reta ipɨte güi. Pesapúkai pemoërakua kuae, peyerovia reve, pemoërakua ɨvɨ iyapɨ rupi ave. Pere: ‘¡YandeYa oyora jembiokuai Jacob iñemuña reta!’ ”

ISAÍAS 48:20 ပူးပေါင်းရင်းမြစ်များ

2 SAMUEL 7:23

Jare Israel tëta ndembae vae, mbaetɨ yé ïru tëta jae rami vae kuae ɨvɨ pe; echa nde ko reyora ndembaerä Egipto güi, ïru tëtaguasu reta güi jare itumpa reta güi, jare remoërakua yae reta, reyapo ramboeve chupe reta mɨakañɨ tuichagüe jare yavaetegüe, reaɨu tëta ndembae vae ramo,

ESDRAS 2:1

Jae kuae Israel iñemuña reta ɨvɨ Judá pegua, mburuvicha guasu Nabucodonosor güɨraja Babilonia pe vae, jare añave amogüe oyerova reta ye Jerusalén pe jare Judá pe jëta jëta ae rupi vae.

SALMOS 126:1

YandeYa güeru ye yave tembipɨɨ güi Sión, ¡ropaɨuecha rami ko!

ISAÍAS 12:1

Jókuae ara rupi retairarita körai: “Yasoropai amee ndeve cheYa, echa yepe tëi ndearasɨ chekotɨ, ërei oasa ma ndearasɨ chembopɨakatu ye ma.

ISAÍAS 12:4

Jókuae ara rupi petairarita körai: “Pemee yasoropai jare peyerure yandeYa pe, pemoërakua tëtaguasu reta pe, jae mbaembae oyapogüe, pemomaendúa jae ko tuicha yae vae.

ISAÍAS 24:14

Omomaragüe reta osapukaita oyerovia reve, kuaraɨ oikea kotɨ güi otairari retata, oecha reta yave yandeYa imbaepuere, tuicha yae ko vae.

ISAÍAS 26:1

Jókuae ara otairari retata kuae tairari ɨvɨ Judá pe: “Ñanoi tëta guasu jëguambae, yandeYa yandereepɨ vaerä oñono tëta guasu ikësea, omboyokupe oñono.

ISAÍAS 42:10

Petairari yandeYa pe tairari ipɨau vae, pemboete, opaete ɨvɨ pegua reta; ɨguasu rupi peguata vae reta, jare ɨguasu ipo reta, ɨguasu jembeɨ reta jare opaete pɨpegua reta.

ISAÍAS 43:1

Añave, Israel, Jacob iñemuña reta, yandeYa, ndeapoa jei ndeve körai: “Agüɨye ekɨɨye, che ko roepɨ; che ko reenɨi, chembae ko nde.

ISAÍAS 44:22

Opa amboai ndepɨapochɨ reve reyavɨgüe amapɨtu opa okañɨ rami, jare ɨ̈vɨti rami opa amokañɨ ndeyoa reta. Eyerova ye chekotɨ, echa che royora.”

ISAÍAS 48:6

Nde reendu jare reecha opaete kuae mbaembae; ¿mbaetɨta pa rere añetete ko vae? Añave tamombeu ndeve mbae ipɨau vae, jare mbaetɨi reikuaa vae;

ISAÍAS 49:13

¡Ara ipo reta, petairari reyerovia güi! ¡Ɨvɨ ipo reta, peyerovia yae! ¡Ɨvɨtɨ reta, perɨapu peyerovia reve! Echa yandeYa ombopɨakatu tëta imbae vae, oiparareko oiporara yogüɨreko vae reta.

ISAÍAS 49:6

Jae jei körai: “Mbaetɨta royókuai, remopüa ye Jacob iñemuña reta vaeräño, Israel iñemuña jembɨregüe reta; roñono vi ko tembipe rami opaete tëtaguasu reta peguarä, reraja vaerä yereroasayepe amee vae opaete vae reta pe, ɨvɨ jembeɨ rupi ave.”

ISAÍAS 51:14

Oyeyorata ete ma tembipɨɨ oiporara yae oï vae; ngaraa ma omano tembipɨɨrɨru ɨvɨkua pegua pe, ngaraa ma oata chupe mbɨyape.

ISAÍAS 52:10

YandeYa omboyekuaa imbaepuere, opaete tëtaguasu reta jesa róvai, jare opaete ɨvɨ iyapɨ rupi ave oendu ñaneTumpa iporogüɨroasayepe re vae.

ISAÍAS 52:11

¡Pesɨrɨ, pesɨrɨ, peë jókuae Babilonia güi, agüɨye peyavɨkɨ mbae ikɨa Tumpa jóvai vae, peë joko güi; peyetɨo yandeYa jembiporu jerajaa reta!

ISAÍAS 52:9

¡Petairari mbaemboete, peyerovia päve Jerusalén oyemboaigüe; echa yandeYa ombopɨakatu jëta, oepɨ ye Jerusalén!

ISAÍAS 62:11

Mase, yandeYa omoërakuauka opaete ɨvɨ iyapɨ rupi ave körai: “Pere tëta guasu Sión pegua reta pe, ou ma oväe Jeroasayepea. YandeYa güeru imbae vae reta, opa opɨ̈ro güire.”

ISAÍAS 63:9

opaete mbɨatɨtɨ rupi yogüɨreko vae güi. Jae etei ko ou güɨroasayepe reta; jae ko oepɨ reta iporoaɨu rupi jare iporoparareko rupi, jare güeru reta jare omopüa reta jekuae avei pegua.

JEREMÍAS 31:10

Tëtaguasu reta, peyeapɨsaka yandeYa iñee re, jare pemoërakua mombɨrɨ ɨguasu jembeɨ rupigua reta pe, pere: ‘YandeYa opa omoai moai Israel iñemuña reta, ërei omboatɨ yeta jare oyangarekota jese, vecha iyangarekoa, ivecha re oyangareko rami.’

JEREMÍAS 31:11

Echa yandeYa güɨnoe ye Jacob iñemuña reta, oyora metei tëtaguasu imbaepuere yae ete chugüi reta vae güi.

JEREMÍAS 31:21

Israel, emokañɨmaa tape yavaimbae reve reväe ye vaerä. ¡Israel, emae kavi jese, eyerova ye jokoropi; eyerova ye nerëta guasu reta kotɨ!

JEREMÍAS 50:2

“Emoërakua kuae, tëtaguasu reta rupi, eikuaauka chupe reta. Emopüa bandera remokañɨmaa vaerä ñemoñee, agüɨye nekïriiño epɨta. Ere: ‘¡Babilonia oñepɨ̈ro! ¡Tumpa-raanga Bel opɨta ñemomarai pe, tumpa-raanga Merodac opa oyemboai! ¡Itumpa-raanga añetembae, opa oyemboai!’

JEREMÍAS 50:28

Babilonia güi otekuaraigüe reta yogüeru oväe Sión pe vae imiari, kërai yandeYa Tumpa oiporarauka Babilonia pe, itupao pe oyapogüe re.

JEREMÍAS 50:8

¡Petekuarai Babilonia güi, Caldeaɨgua reta iɨvɨ güi! ¡Peë tenonde, kavara kuimbae reta tenonde oguata japicha reta pe vae rami!

JEREMÍAS 51:45

¡Tëta chembae vae reta, peë joko güi, metei ñavo peroasayepe perekove, chearasɨ güi!

JEREMÍAS 51:48

Ara jare ɨvɨ, jare opaete oime pɨpe vae oyerovia yaeta Babilonia iñamɨri yave, echa ɨvɨtuguasu kotɨ güi yogüeruta imboaia reta. Che peYa ko jae kuae.

JEREMÍAS 51:6

¡Petekuarai Babilonia güi! ¡Peroasayepe perekove! ¡Agüɨye pemano jae iyoa jeko pegua! Echa oväe ara aiporarauka vaerä, aiporaraukata chupe jeko oï rupi.

ZACARÍAS 10:8

Chetɨvɨñee pe aenɨita, jare amboatɨ retata, echa che ayora retata. Oñemuña retata jeta tenonde yave rami.

ZACARÍAS 2:10

YandeYa jei: “Petairari jare peyerovia Sión pegua reta, echa ko ayu, jare aikota pepɨte pe.”

DEUTERONOMIO 30:4

Yepe tëi peɨvɨ güi oyemombogüe reta, opa oñemoai ñogüɨnoi mombɨrɨ ïru ɨvɨ rupi, joko güi yandeYa Tumpa pereru yeta;

Apocalipsis 18:20

Peyerovia jese, ara pe peiko vae. Jare pe oporogüɨrovia vae reta, temimondo reta jare ñeemombeúa reta, echa Tumpa oyepɨ peve.”

Apocalipsis 18:4

Jare aendu ïru ñee ara güi jei: “Peë joko güi, chembae reta, agüɨye vaerä peyapo mbaeyoa reta jae oyapo rami, jare agüɨye vaerä peiporara mbaesusere reta chupe oyeapota vae;