ISAÍAS 48:19 - Biblia Guarani Tumpa Iñee

¹⁹ Peñemuña reta jeta yaeta tëi ko, ɨvɨkuitï jeta yae vae yaipapa rapembae ramita tëi ko, ngaraai ko opa tëi amboai, ngaraai ko ambosɨrɨ tëi cheróvai güi.’

ISAÍAS 48:19 ပူးပေါင်းရင်းမြစ်များ

GÉNESIS 13:16

Jare che jeta yaeta amoñemuña neñemuña reta, ɨvɨkúi jeta yae rami, mbaetɨta kia ipuere oipapa.

GÉNESIS 22:17

añave añetete cheporerekuata nderé jare ambojetata neñemuña reta yasɨtata rami, jare ɨguasu jembeɨ rupi ɨvɨkuitï oï rami. Neñemuña reta opɨ̈rota jovaicho reta güi jëta.

1 REYES 9:7

aekɨta Israel iñemuña reta kuae ɨvɨ amee chupe vae güi, amombota cheróvai güi kuae tupao añono tee vae, jare Israel toiko tëtaguasu reta opuka jese vaerä.

JOB 5:25

Jaeramiño vi renoita jeta neñemuña reta, jeta ñana ɨvɨ re rami.

SALMOS 109:13

Topa tokañɨtei iñemuña reta, topaetei tokañɨtei jee.

SALMOS 9:5

Reiporarauka tëtaguasu reta pe, jeko pɨ̈chɨi vae opa remokañɨtei, ¡opaetei remokañɨtei jekuae avei pegua!

ISAÍAS 10:22

Israel, yepe tëi ɨguasu jembeɨ pegua ɨvɨkuitï rami reyembojeta, jókuae reta güi jembɨregüeño ko oyerova yeta. Kañɨtei oñemoërakua vae oyeapo tai jupi rupi.

ISAÍAS 14:22

YandeYa Imbaepuere yae ete vae jei: “Apüata ikotɨ reta, opata amboai Babilonia jee, jare joko pe jembɨregüe reta, taɨ reve reve jare jɨmɨmino reve reve.

ISAÍAS 44:3

echa amoëta ɨ ñuu rupi, jare ɨ̈aka reta, ɨvɨ otini vae rupi. Ameeta tekove neñemuña reta pe, cheporerekuata jese reta.

ISAÍAS 44:4

Jare okuakuaa retata, temitɨ oyemboɨugüe rami, ɨvɨra sause jee vae okuakuaa ɨ jembeɨ rupi rami.

ISAÍAS 48:9

Ërei ayeaɨu jeko pegua ayembopɨa guasu chearasɨ güi, che, imboetea yae vae jeko pegua mbaetɨ opa romokañɨtei.

ISAÍAS 54:3

echa ndeakatu kotɨ jare ndeasu kotɨ reñemoaita; neñemuña reta opɨ̈rota iyeupe tëtaguasu reta, oñemoëta retata tëta guasu reta ipombaea rupi.

ISAÍAS 56:5

yepe tëi mbaetɨ taɨ jare tayɨ, ërei che ameeta chupe reta ikavi yae vae, jae ko, jee opɨta vaerä jekuae avei pegua chero pe, chero japɨpe pe; ameeta chupe jee opambae, ngaraa etei oyemboai vae.

ISAÍAS 66:22

YandeYa jei vi: “Echa ara ipɨau vae, jare ɨvɨ ipɨau vae che ayapota vae, ñogüɨnoi aveita cheresa róvai rami, jökoraita ko oime avei peñemuña reta jare peree.

ISAÍAS 9:14

Jáeramo, yandeYa oyasɨata tëtaguasu Israel iñäka jare juguai, kia nunga vae oyasɨa mɨmba iñäka jare juguai rami, ani kia nunga vae oyasɨa karandaɨ ani käipepe metei ara peño rami.

JEREMÍAS 33:22

Jare cherembiokuai David iñemuña reta jare oyeokuai cheve vae levita reta ambojetata, ara re yasɨtata rami jare ɨvɨkuitï ɨguasu jembeɨ rupigua mbaetɨ ipuere opa oyepapa rami.”

OSEAS 1:10

Jeseve, Israel iñemuña reta jeta yaeta, ɨguasu jembeɨ pe ɨvɨkuitï oï rami, mbaetɨta ipuere oñejäa ani oyepapa. Jare “tëta chembaeä ko pe reta”, jei chupea pe jeita chupe: “Tumpa oikove vae taɨ ko pe reta.”

SOFONÍAS 1:4

“Amopüata chepo Judá kotɨ, opaete Jerusalén pegua reta kotɨ. Amboaita kuae güi opaete mbaembae tumpa-raanga Baal regua opɨta vɨteriño vae, jare opaete isacerdote itumpa-raanga pota vae reta jee.

Romanos 9:27

Jare Isaías jei iñeeäta reve Israel pegua reta re: “Yepe tëi jeta yae ko Israel iñemuña reta, ɨguasu jembeɨ pegua ɨvɨkuitï jeta yae rami, ërei jembɨregüeño ko oyemboasata;

DEUTERONOMIO 9:14

Emaeño cheré opa tamboai, jare jee toyemboai ɨvɨ güi; ërei ndegüi ayapota metei tëtaguasu tuicha yae chugüi reta vae jare imbaepuere yae vae.’

JOSUÉ 7:9

Echa cananeo reta jare opaete kuae ɨvɨ ipo reta oendu yave kuae, yatɨta oreöva, jare opaeteita oremokañɨtei reta. Jökorai yave, ¿mbae pa nde reyapota nderee tuicha yae vae pe?

RUT 4:10

Jare arekota vi cherembirekorä Rut, Moab pegua, Mahlón amɨri jembirekogüe; jókuae ɨvɨ oiko vaerä omano vae jee reño, agüɨye vaerä jókuae omano vae jee oyemboai jëtara ipɨte güi jare iɨvɨ güi.