ISAÍAS 48:18 - Biblia Guarani Tumpa Iñee

¹⁸ ¡Reyeapɨsaka mona cheporookuai re yave! Ɨ omboɨpɨ tuicha vae ramita tëi ko, reiko kavi vae omboɨpɨta tëi ko tuicha, ani ɨguasu iɨaparúa ramita tëi ko.

ISAÍAS 48:18 ပူးပေါင်းရင်းမြစ်များ

SALMOS 119:165

Ipɨakatu yae, ndeporookuai oaɨu vae reta, jae reta mbaetɨ ogüɨapi.

SALMOS 36:8

Ipɨakatuta opɨta reta, jeta tembíu ndero pe oï vae re; nde remeeta jou ɨ ikavi yae vae,

ISAÍAS 33:21

Joko pe yandeYa oïta yandeveguarä imbaepuere yae reve, ɨ̈aka ipɨguasu vae oime joko pe ramita, ërei ngaraa oporepeña jokoropi tovaicho reta, ibarco pe ani ibarco tuicha yae vae pe ave.

ISAÍAS 42:24

¿Kia pa omee Israel, Jacob iñemuña reta, oñepɨ̈rouka jare oyepɨɨuka vaerä? YandeYa ko oyapo jókuae, yandeYa yandeyoa ikotɨ vae; mbaetɨ peipota peguata jae jeia rupi, mbaetɨ peipota peyapo iporookuai reta.

ISAÍAS 45:8

“Che ambouta ɨvate güi mbae jupi vae, ambouta ama rami, ani ɨsápɨi rami. Jare ɨvɨ omboresiveta, yereroasayepe oñemuñata, temitɨ ia oñemuña rami, jare mbae jupi vae, ipotɨta vi temitɨ rami.” Che ndeYa ko ayapo opaete kuaekuae.

ISAÍAS 54:13

Jare opaete nemembɨ reta che ndeYa etei amboeta; jare oyekou yaeta mbɨakatu re.

ISAÍAS 61:10

¡Ayerovia yae cheYa re! Chepɨa oyerovia yae cheTumpa re, echa chemboyemonde yereroasayepe pe, temimonde pegua pe rami. ¡Cheöva jupi vae pe, ñeapevaka pe rami! Omendata vae oyemonde rami, kuñatai oñemopöra äka-regua jepɨ vae pe rami.

ISAÍAS 61:11

Echa ɨvɨ pe jokɨ ɨvɨra, jare kó raɨ pe jokɨ pɨau temitɨ vae rami ko, jökorai yandeYa Tumpa oyapota jupi vae, jare opaete tëtaguasu reta otairarita ombaemboete.

ISAÍAS 62:1

Sión, nde roaɨu jeko pegua ngaraa chekïrii; Jerusalén nde roaɨu jeko pegua mbaetɨta aputuu, oyekuaa kavi regua jupi vae, köembipe jembipe oyekuaa rami, jare iporogüɨroasayepe mechero jendɨ omoembipe rami.

ISAÍAS 66:12

Echa che peYa, körai ko jae: “Ko aru jese mbɨakatu, ɨ̈aka pe ɨ ou oväe rami, jare tëtaguasu reta imbaeyekou reta, ɨ̈aka pe ɨ jembeɨ oyepɨyere rami. Jae reta pemongaruta jare pereruta iyɨva re, jare täpapau pe pemboyaru yaru retata.

OSEAS 10:12

Jae chupe reta: Peñotɨ jupi vae, jare pearɨvo mboroaɨu opambae. Peyapo katu ɨvɨ pemaetɨ pɨau vaerä, echa añave ko ara peeka vaerä yandeYa, jae ou regua pemboe jupi vae re.

AMÓS 5:24

Ërei mbaejupi tosɨrɨ ɨ rami, jare mboromboete ɨ tɨpambae rami.

San Mateo 23:37

¡Jerusalén! ¡Jerusalén!, reyuka ñeemombeúa reta. Reyapi reyuka ita pe Tumpa ombou ndekotɨ vae reta. Jeta vese chekɨ̈reɨ tëi amboatɨ ndeipo reta, uru omboatɨ imembɨ reta ipepo igüɨ pe rami, ërei nde mbaetɨ reipota.

Romanos 14:17

Echa Tumpa iporookuaía mbaetɨ ko mbae jau vae, jae ko jupi vae, mbɨakatu jare yerovia katu Espíritu Santo rupi.

DEUTERONOMIO 32:29

Iyarakuaa katu yave mona oikuaa retata tëi ko; oikuaa retata tëi ko maratuta ko oasa reta vae.

DEUTERONOMIO 5:29

¡Jökorai avei mona ipɨa reta, oipoɨu jare oñovatu opaete cheporookuai, jae reta jare taɨ reta yogüɨreko kavi vaerä jekuae avei pegua!