ISAÍAS 48:15 - Biblia Guarani Tumpa Iñee

¹⁵ Che ko jae, che ko aenɨi jare che ko aru, jáeramo, ojoa rupi, ojo kavi yaeta ko.

ISAÍAS 48:15 ပူးပေါင်းရင်းမြစ်များ

SALMOS 45:4

Ndeyemboetea toë kavi ndeve, eyapo jupi vae jare añete vae paravete vae reta pe. ¡Ndepo akatu tandemboe mbae tuichagüe re!

ISAÍAS 41:2

¿Kia pa omopüa kuaraɨ oëa kotɨ metei mburuvicha guasu, oyapo vaerä che jae vae? ¿Kia pa opa oñono ipo pe tëtaguasu reta, jare mburuvicha guasu reta opa omomichi jóvai; ikɨsepuku pe jare juvɨ pe opa omboai jare omoai moai vaerä kapii rami?

ISAÍAS 44:28

Che jae mburuvicha guasu Ciro pe: ‘Nde ko jae chevecha iyangarekoa rami, reyapota opaete mbaembae royókuai vae’; jare Jerusalén pe jae: ‘Nde reñemopüa pɨau yeta ko’; jare tupao pe jae: ‘Oñeñonota ko ndeguapɨka.’ ”

ISAÍAS 45:13

Che ko añono Ciro oporomoamɨri vaerä, che amboipeta opaete tape chupe; jae omopüa yeta tëta guasu chembae, jare oyorata chembae vae reta tembipɨɨrä mombɨrɨ rupi ñogüɨnoi vae, okovarambae reve jese.” YandeYa Imbaepuere yae ete vae jei jökorai.

JEREMÍAS 50:21

¡Peporepeña ɨvɨ Merataim re, jare Pecod pegua reta re! ¡Pemoña jare opaetei peyuka! ¡Peyapo opaete che poyókuai vae! Che peYa ko jae kuae.

JOSUÉ 1:8

Agüɨye embosɨrɨ ndeyuru güi kuae mborookuai, ara pe jare pïtu yave eyemongeta jese, reyapo jare reñovatu vaerä opaete oyekuatía oï pɨpe vae; echa jayave oë kavita ndeve opaete mbaembae reyapo vae.