ISAÍAS 48:12 - Biblia Guarani Tumpa Iñee

¹² “Peyeapɨsaka Israel, Jacob iñemuña reta, che roenɨi vae ko nde. Che ko Tumpa jaevaeño vae, che ko, oikoño mai vae.

ISAÍAS 48:12 ပူးပေါင်းရင်းမြစ်များ

PROVERBIOS 7:24

Jayave, eyeapɨsaka cheré cheraɨ; eyeapɨsaka kavi cheñee reta re.

PROVERBIOS 8:32

Añave, cheraɨ reta, peyeapɨsaka cheré; oyerovia ko chereko omomoe vae.

ISAÍAS 34:1

Tëtaguasu reta, peyu peyeapɨsaka, opaete vae reta, peyeapɨsaka. Toyeapɨsaka ɨvɨ jare opaete pɨpegua reta, opaete oñemuña pɨpe vae reta.

ISAÍAS 40:26

Perovaɨva pemae ara kotɨ: ¿Kia pa oyapo opaete jókuae mbaembae reta? Jae ko oipapa jare oñono jenda pe kavi kavi, ombojee metei ñavo, ngaraa metei ave oata. Jökorai ko imbaepuere yae jare ipɨ̈rata yae.

ISAÍAS 41:4

¿Kia pa oyapo kuae? ¿Kia pa oyapo iyɨpɨ güive kërai yogüɨreko vaerä kuimbae reta? Che peYa, jae ko Tumpa, oikoño mai vae.

ISAÍAS 43:10

YandeYa jei: “Pe reta ko jae pemombeu cheregua vae, cherembiokuai che aiparavo vae, chekuaa vaerä, perovia vaerä cheré, jare chekuaa vaerä kia ko che vae. Mbaetɨ yé ïru tumpa tenonde voi ma oiko chegüi vae, jare cheraɨkue rupi ngaraai vi oime ïru.

ISAÍAS 43:11

Che ko peYa, mbaetɨ yé ko oime chegüi ïru ipuere oporoepɨ vae.”

ISAÍAS 44:1

YandeYa jei: “Eyeapɨsaka Israel, Jacob iñemuña reta, cherembiokuai, cherembiparavo.

ISAÍAS 44:6

YandeYa, Israel iñemuña reta juvicha guasu jare jeepɨa, yandeYa Imbaepuere yae ete vae, jei: “Che ko, oikoño mai vae; mbaetɨ yé ïru Tumpa chegüi.

ISAÍAS 46:3

Peyeapɨsaka cheré, Jacob iñemuña reta, opaete Israel iñemuña jembɨregüe reta: Che ko ayangareko peré ndei pea güive voi ma, che ko povoɨ pea ramo güive,

ISAÍAS 46:4

jare jekuaeñota poangareko pendechi regua, peatï ma yave jekuaeñota ayangareko peré. Che ko poapo, jekuaeñota ko pogüɨroata, poangarekota jare pogüɨroasayepeta.

ISAÍAS 49:1

Peyeapɨsaka, tëtaguasu ɨguasu jembeɨ rupigua reta, tëtaguasu reta mombɨrɨ rupigua reta: YandeYa chereenɨi ndei aa güive voi ma, chesɨ jɨe peve voi ma chembojee.

ISAÍAS 51:1

“Peyeapɨsaka cheré opaete, pe reta peiko jupi rupi vae, pe yandeYa peeka vae reta. Pemaendúa, mbae nunga ita guasu güi ko peyeekɨ vae, mbae nunga ɨ̈vavira güi ko peñerenoeuka vae.

ISAÍAS 51:4

Peyeapɨsaka cheré tëta chembae, peendu cheñee tëtaguasu chembae: Amoërakuata cheporookuai reta, jare jókuae omboesapeta tëta reta peguarä.

ISAÍAS 51:7

Peyeapɨsaka, pe reta peikuaa jupi vae re vae, cheporookuai rupi peiko vae reta. Agüɨye pekɨɨye kuimbae reta iñeeasɨ katu güi, agüɨye peyembopɨtu iporoangao jeko pegua,

ISAÍAS 55:3

Pemboɨke peapɨsa, peyeapɨsaka, peyu chekotɨ jare peikoveta; jare ayapota pe reta ndive, morogüɨrökuavee päve opambae, mboroparareko jekuae avei pegua David pe ayapo vae.

San Mateo 20:16

Jökorai Tumpa ombotaɨkueta oyembotuicha vae reta, jare ombotenondeta oñemomichi vae reta. Echa jeta ko oñeenɨi vae, ërei mbovɨño oyeparavo vae.”

Romanos 1:6

Jare pe reta vi ko jae. Echa Tumpa peparavo, peiko vaerä Jesucristo imbaerä.

Romanos 8:28

Yaikuaa ko Tumpa omborɨ opaete mbaembae rupi, oaɨu Tumpa ramo, jae jemimbota rupi oyeparavo vae reta,

1 Corintios 1:24

Ërei Tumpa oiparavogüe Judío reta jare Greciaɨgua reta pe Cristo ko, jae Tumpa imbaepuere jare iyarakuaa.

DEUTERONOMIO 32:39

Pemae añave, che ko jae Tumpa jae vaeño, mbaetɨ ïru tumpa chegüi, che amee tekove jare che aekɨ, che aporombopere jare che aporopoano; ¡mbaetɨ kia ipuere oporoepɨ chepo güi!

1 Pedro 2:9

Ërei pe reta ko jae ñemuña oyeparavogüe, sacerdote reta, tëtaguasu oñeñono tee vae, Tumpa peparavo jae imbaerä, pemoërakua vaerä mbae tuichagüe oyapogüe, perenoe pɨtumimbi güi peiko vaerä jembipe ikavi yae vae pe.

Apocalipsis 1:11

jare jei: “Che ko jae Alfa jare Omega, tenondegua ete jare taɨkuegua ete. Eikuatía metei tupapire pe nde reecha reï vae, javoi emondo chiu tëta reta Asia pegua pe oporogüɨrovia vae reta pe, jae ko: Efeso, Esmirna, Pérgamo, Tiatira, Sardis, Filadelfia jare Laodicea pe.”

Apocalipsis 1:8

YandeYa jei: “Che ko jae Alfa jare Omega”, iyɨpɨ ete jare iyapɨ ete, jae ko iyɨpɨ güive, añave jare outa vae, Imbaepuere yae ete vae.

Apocalipsis 17:14

Kuae reta oñerarota Vecha kuimbae taɨrusu vae ndive; ërei Vecha kuimbae taɨrusu vae omoamɨri retata. Echa Vecha kuimbae taɨrusu vae jae ko Imbaepuere yae ete mbaepuere güɨnoi vae reta güi vae jare mburuvicha guasu reta Juvicha guasu, jare jae ndive ñogüɨnoi vae, oñeenɨi vae reta, oyeparavogüe jare jupi vae reta.”

Apocalipsis 2:8

Eikuatía Esmirna pegua oporogüɨrovia vae reta iaraɨgua pe: Tenondegua ete jare taɨkuegua ete, omano, ërei oikove ye vae jei:

Apocalipsis 22:13

Che ko jae Alfa jare Omega, iyɨpɨ ete jare iyapɨ ete, tenondegua ete jare taɨkuegua ete.”