ISAÍAS 48:11 - Biblia Guarani Tumpa Iñee

¹¹ Ayeaɨu jeko pegua ayapo jókuae, agüɨye vaerä oyemongɨa cheree. Mbaetɨta amaeño oñemee cheyemboetea ïru vae pe.”

ISAÍAS 48:11 ပူးပေါင်းရင်းမြစ်များ

SALMOS 106:8

Ërei Tumpa güɨroasayepe, oaɨu jee ramo; oechauka vaerä imbaepuere.

SALMOS 115:1

¡Nderee emboeteuka oreYa! ¡Agüɨye ore toroyemboeteuka! ¡Emboeteuka ndeporoparareko jare neñee añete vae!

SALMOS 25:11

CheYa Tumpa, neɨ̈ro cheve cheyoa yae vae re, nderee imboetea yae jeko pegua.

SALMOS 25:7

Agüɨye nemaendúa chetaɨrusu yave cheyoa vae re, ayembopɨapochɨ ndekotɨ vae re; cheYa Tumpa, nemaendúa cheré, ndeporoaɨu jare ndepɨakavi renoi rupi.

ISAÍAS 37:35

Echa che ko ayangarekota kuae tëta guasu re, aroasayepe vaerä, che ayeaɨu jeko pegua, jare cherembiokuai David aaɨu jeko pegua.’ ”

ISAÍAS 42:8

Che ko ndeYa, kuae ko jae cheree; ïru vae pe ngaraa amee cheyemboetea, jare tumpa-raanga reta pe ave ngaraa amee cheyemboetea.

ISAÍAS 43:25

Ërei che peTumpa, ayeaɨu jeko pegua amboai peyoa reta, ngaraa ye ma chemaendúa peyoa reta re.

ISAÍAS 48:5

tenonde güive voi ma amombeu peve, ndei oasa mbove amombeu peve. Agüɨye vaerä pere: ‘Ñanetumpa ko oyapo, tumpa iä yayapo vae ko oyapo kuaekuae.’

ISAÍAS 48:9

Ërei ayeaɨu jeko pegua ayembopɨa guasu chearasɨ güi, che, imboetea yae vae jeko pegua mbaetɨ opa romokañɨtei.

ISAÍAS 52:5

Añave, ¿mbae ra ayapota? Opa güɨraja reta tëta chembae vae, jupimbae reve. Jókuae jerajaa reta oiporarauka avei chupe reta, omoäse avei reta. Cheangao avei reta.

JEREMÍAS 14:7

¡CheYa, yepe tëi oreyoa oremboeko, eyapo oreve nderee reaɨu vae jeko pegua! Echa jeta yae orepɨapochɨ ndekotɨ, oreyoa ko ndekotɨ.

EZEQUIEL 20:14

Ërei aipoepɨ cheyemongeta cheree jeko pegua, agüɨye vaerä jërakua pɨ̈chɨi cheree ïru tëtaguasu reta rupi, echa jae reta jovake ayekuaauka chupe reta, jare jae reta jovake ko opa anoe reta.

EZEQUIEL 20:22

Ërei ayembopɨaguasu cheree jeko pegua, agüɨye vaerä jërakua pɨ̈chɨi cheree ïru tëtaguasu reta rupi, echa jae reta jovake ayekuaauka chupe reta, jare jae reta jovake ko opa anoe reta.

EZEQUIEL 20:39

‘Israel iñemuña reta, yandeYa Tumpa jei körai: ¡Pekua metei ñavo pemboete petumpa-raanga reta, mbaetɨ yave pekɨ̈reɨ chemboete! Ërei oväeta ara chemboete vaerä jare ngaraa ye ma pemongɨa cheree ikɨambae vae jókuae pemee mbota vae rupi jare pemboete petumpa-raanga reta vae rupi.

EZEQUIEL 20:44

Israel iñemuña reta, kuae ayapota peve ayeaɨu ramo, mbaetɨ pereko kavimbae ani ikavimbae yae peyapo vae jeko pegua, jayave pe reta chekuaata che ko jae peYa Tumpa.’ ” Jei yandeYa Tumpa.

EZEQUIEL 20:9

Ërei aipoepɨ cheyemongeta cheree jeko pegua, agüɨye vaerä jërakua pɨ̈chɨi cheree ïru tëtaguasu reta rupi, jókuae yogüɨrekoa rupi, echa jae reta jovake ayekuaauka chupe reta jare arökuavee anoe reta vaerä Egipto güi.

EZEQUIEL 36:22

Jáeramo ere Israel iñemuña reta pe: YandeYa Tumpa jei körai: ‘Kuae ayapo vae mbaetɨ ko pereko pegua, jaeño cheree jeko pegua, echa pe reta peröɨrouka cheree ikɨambae jókuae ïru tëtaguasu reta pe, peo peväea ñavo rupi.

DANIEL 9:17

Añave oreYa Tumpa, eendu che nderembiokuai iyerure jare iporomoñera; reyeaɨu jeko pegua cheYa, emae ikaviä yae ndero mbaemboetea opɨta vae re.

San Juan 5:23

Opaete vae omboete vaerä Taɨ, Tu omboete reta rami. Mbaetɨ omboete reta Taɨ vae, omboeteä ko Tu, ombou vae.

Romanos 2:24

Echa Tumpa Iñee pe oyekuatía oï körai: “Judiombae vae reta jei ikavimbae vae Tumpa kotɨ pereko pegua.”

1 SAMUEL 12:22

Echa yandeYa, jae jee re ngaraa oeya imbae vae reta; echa yandeYa oipota pe reta peiko jae imbaerä.