ISAÍAS 48:1 - Biblia Guarani Tumpa Iñee

¹ “Peyeapɨsaka, Jacob iñemuña reta, tee Israel pe peñeenɨi vae reta, Judá iñemuña reta; Tumpa jee re peñererökuavee mbae peyapo vaerä vae; Israel iTumpa pe peyerure vae reta, yepe tëi mbaetɨ añetete reve ani jupi rupi;

ISAÍAS 48:1 ပူးပေါင်းရင်းမြစ်များ

GÉNESIS 32:28

Jare jókuae kuimbae jei chupe: —Ngaraa ye ma nderee Jacob. Ndembojee retata Israel; echa reñoïraro ko Tumpa ndive jare kuimbae reta ndive, jare reporomoamɨri.

GÉNESIS 35:10

Jare Tumpa jei chupe: “Nde nderee Jacob. Ngaraa ye ma nderee Jacob, Israel ndereeta añave.” Jare ombojee Israel.

2 REYES 17:34

Jekuaeñoi añave rupi oyapo reta tenonde rupi oyapo reta rami, mbaetɨ oipoɨu reta yandeYa güi, mbaetɨ oñovatu reta iporookuai, mbaetɨ oyapo reta mborookuai jei rami, yandeYa omee Jacob iñemuña reta pe vae, jae ombojee Jacob, Israel pe vae.

2 REYES 5:20

Giezi, Eliseo jembiokuai, oyemongeta ipɨa pe, jei: “Cheya omaeño ojo Naamán Siriaɨgua, oipɨɨmbae reve chugüi mbota güerugüe. CheYa jee re taaɨkuemoña aramoete pegua jare tamombɨta chugüi mbovɨ imbaembae.”

SALMOS 63:11

Ërei che mburuvicha guasu ayeroviata nderé; oyemboeteta opaete jei nderee re vae, echa iyapu imiari vae reta, iyuru oyeokendata.

SALMOS 66:3

Pere Tumpa pe: “Oporomopɨakañɨ yae nderembiapo reta. Ndembaepuere tuicha yae vae rupi nderovaicho reta yogüɨrekota nde rerea re;

SALMOS 68:26

¡Pemboete Tumpa peyemboatɨa pe! ¡Pemboete, pe opaete Israel iñemuña reta!

SALMOS 68:27

Joko pe oï taɨrusu vae Benjamín, jese reta oporookuai vae, jeta tenondegua reta Judá pegua, Zabulón pegua jare Neftalí pegua ndive.

ÉXODO 23:13

Peyapo opaete kuae jae peve vae, agüɨye toyeendu peyuru pe ïru tumpa reta jee.

PROVERBIOS 5:16

¿Repɨyereiñota pa ndeɨesaɨ kaye rupi? ¿Remomboiñota pa ndeɨ oka guasu rupi?

ISAÍAS 26:13

OreYa Tumpa, ïru vae reta oyemombae oreré, ërei ndereño oremaendúa, ndeño ko jae oreYa.

ISAÍAS 44:5

Jayave amogüe jeita: ‘Che ko YandeYa imbae’, amogüe oñeenɨita Jacob iñemuña jee pe, amogüe oikuatiata ipo re: ‘YandeYa imbae ko che’, jare omoïruta Israel iñemuña reta jee pe jee ae.”

ISAÍAS 45:23

Cheyé aeño ko añererökuavee, cheyuru güi ko oë ñee jupi vae, jare ngaraa ko opɨta oyembopombae: Opaete vae oyetavatɨkata cheróvai, jare cheree reño jei retata mbaembae oyapo vaerä vae,

ISAÍAS 46:12

Peyeapɨsaka cheré, ipɨatäta vae reta, pe, mbaetɨ perovia yereroasayepe outa ma ko vae:

ISAÍAS 51:1

“Peyeapɨsaka cheré opaete, pe reta peiko jupi rupi vae, pe yandeYa peeka vae reta. Pemaendúa, mbae nunga ita guasu güi ko peyeekɨ vae, mbae nunga ɨ̈vavira güi ko peñerenoeuka vae.

ISAÍAS 51:2

Pemae peñemuñagüe Abraham re, jare Sara re, chugüi peñemuña vae. Abraham aenɨi yave, jaeño etei oiko yepi, ërei cheporerekua jese, jare jeta oñemuña.

ISAÍAS 58:2

Ara ñavo chereeka reta jare ikɨ̈reɨ yae oikuaa reta vaerä cheremimbota, tëta jembiapo ikavi yae vae rami, mbaetɨ cheporookuai güi opia vae rami; mborookuai jei vae güi mbaetɨ opia vae rami, oeka reta cheve morojäa jupi vae, jare ikɨ̈reɨ yae yogüeru chekotɨ,

ISAÍAS 62:8

YandeYa jei iyé aeño, oupi reve iyɨva iyakatu kotɨgua imbaepuere yae vae: “Ngaraa ye ma amaeño nderovaicho reta jou ndetrigo ani ketɨgua reta jou vino reparavɨkɨ jese vae;

ISAÍAS 64:6

Opaete ore reta ko mbae ikɨa vae rami, orerembiapo kavi reta, tarapo ikɨa vae rami ko ndeve; opaete ore roa, ɨvɨra joo oa rami, jare orerembiapo kavimbae reta orereraja, ɨvɨtu güɨraja mbae rami.

ISAÍAS 65:16

Oipotagüe kuae ɨvɨ pe oipota mborerekua vae, güɨnoita Tumpa iyapumbae jee re; jare oipotagüe kuae ɨvɨ pe oñererökuavee mbae oyapo vaerä yave, toyapo Tumpa iyapumbae jee re. Echa opaete tenondegua tembiporara reta opata oasa, opata okañɨ cheróvai güi.”

JEREMÍAS 4:2

ndepuere rere cheree re, añetete vae, jupi vae jare sɨmbi vae. Jayave tëtaguasu reta peguarä cheree oïta, mborerekua jare mbaemboetea peguarä.”

JEREMÍAS 44:26

Jáeramo peyeapɨsaka pe Judáɨgua reta ɨvɨ Egipto pe peiko vae, che, peYa jae peve vae re: Cheyé aeño arökuavee, ngaraa ye ma Judáɨgua reta oenɨi cheree opaete ɨvɨ Egipto pe, jei reve: ‘YandeYa jee re.’

JEREMÍAS 5:2

Yepe tëi amogüe reta jei mbae cheree re, ërei mbaetɨ ko añetete jei reta.”

LEVÍTICO 19:12

Agüɨye pere raangaiño cheree re añete vae nunga, echa pemboeteä ko peTumpa jee. Che ko peYa.

MIQUEAS 2:7

Jacob iñemuña ko ore, pere peyeupe, ¿mbaetɨ ma pa ipɨaguasu yandeYa? ¿Jökorai pa jae jeko? ¿Mbaetɨ pa ikavi iñee ikavi yae yogüɨreko vae reta pe?

SOFONÍAS 1:5

Amboaita jo iárambo oyeupi oyetavatɨka omboete vaerä yasɨtata, kuaraɨ, yasɨ vae, jare oyetavatɨka reta jei cheree re jare itumpa-raanga Milcom jee re vae reta.

ZACARÍAS 5:3

Jayave jei cheve: “Kuae jae ko oyekuatía yoyavi yepopeyu outa opaete ɨvɨ pe vae, metei jovaicho oyekuatía vae pe jei: Opaete imonda vae oyemboaita, jare jovaicho re oyekuatía vae pe jei: Añetete rami mbae jei Tumpa jee re vae oyemboaita.

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

NÚMEROS 24:7

Oyekou retata ɨ re, iñemuña reta ñogüɨnoita ɨ katu pe. Juvicha guasu güɨnoita mbaepuere Agag re; jare iporookuaía tuicha yaeta.

San Mateo 23:13

¡Paravete pe jova mókoi vae reta! Mborookuai re oporomboe vae reta jare fariseo reta. Echa pe reta peyopia ïru vae reta güi araɨgua mborookuaía. Pe reta ave peikeä. Jare ïru vae reta ikɨ̈reɨ tëi oike vae pemaeñoä oike.

San Juan 1:47

Jesús oecha Natanael ou ikotɨ yave, jei: —Mase, ko ou metei Israel pegua añete vae. Mbaetɨ oñeväe yembotavɨ jese vae.

San Juan 4:24

Tumpa ko jae Espíritu. Omboete vae reta, tomboete Espíritu rupi jare añete rupi kavi.

Romanos 2:17

Mase, nde reyeko judío pe, reyeko mborookuai re, jare reyembotuicha Tumpa re.

Romanos 9:6

Kuae mbaetɨ ko Tumpa oñererökuavee Israel pe vae oyembopoä, echa opaeteä ko Israel iñemuña reta, Israel iñemuña añetete vae.

Romanos 9:8

Kuae oipota jei, kuimbae jemimbota rupi ou ñemuña vae rupiä ko Tumpa taɨ reta. Jaeño Tumpa güɨrökuavee vae rupi oñemuña vae reta ko jae ñemuña añetete vae reta.

DEUTERONOMIO 10:20

YandeYa Tumpa güiño peipoɨu, chupeño peyeokuai, jeia reño peiko, jare jae jee reño opaete mbae peyapo.

DEUTERONOMIO 33:28

Israel iñemuña reta yogüɨreko pɨagüiveta, yogüɨrekota mbɨakatu rupi, ɨvɨ omoñemuña trigo jare uva pɨpea pe, ngaraa oata ɨsápɨi ara güi chupe reta.

DEUTERONOMIO 5:28

Pemiari cheve ramboeve yandeYa oendu peñee reta pere cheve vae, jare jei cheve: ‘Aendu opaete vae iñee reta jei ndeve vae, jaekavi ko opaete jei reta ndeve vae.

DEUTERONOMIO 6:13

YandeYa Tumpa güi peipoɨu, chupeño peyeokuai, jae jee reño opaete mbae peyapo.

1 Timoteo 4:2

jókuae reta oenduta jova mókoi vae jare iyapu vae reta iporomboe, jókuae mbaetɨ etei ipɨatɨtɨ vae reta.

Apocalipsis 2:9

‘Che aikuaa opaete reyapogüe reta, jare kërai reiporara jare ndeparavete vae (ërei reikokatu ko); aikuaa vi kërai jókuae judío jei iyeupe vae reta jei ñee ikavimbae vae ndekotɨ vae, ërei jae reta ko oyeapo Satanás imbae reta.

Apocalipsis 3:9

Mase, aruta nderóvai oyetavatɨka vaerä Satanás imbae reta, jókuae judío jei iyeupe vae reta, ërei mbaetɨ ko, iyapu reta ko. Toikuaa reta che poaɨu ko vae.