ISAÍAS 47:8 - Biblia Guarani Tumpa Iñee

⁸ Jáeramo, eyeapɨsaka añave kuña, apiraiño omomora yae vae, nde reguapɨ kavi avei vae, rere ndepɨa pe: ‘Mbaetɨ yé kia chegüi; ngaraa apɨta imemano vae rami, ngaraa apɨta imembɨ opa omano vae rami.’

ISAÍAS 47:8 ပူးပေါင်းရင်းမြစ်များ

ISAÍAS 14:14

Tayeupi amapɨtu ɨvate yae vae kutɨ ye; tamboyovake Tuicha yae ete vae.’

ISAÍAS 32:11

Pe, peiko pɨagüive vae reta, perɨrɨi pekɨɨye güi, jare pepɨa kɨɨye, pemboi jókuae peremimonde reta, jare peyemonde temimonde mbɨatɨtɨ pegua pe.

ISAÍAS 32:9

Pe, kuña reta, mbaetɨ peyemoambeko mbae re vae, peyeapɨsaka kuae jaeta vae re. Pe, kuña reta, peiko pɨagüive vae reta, peyeapɨsaka ñee jaeta vae re.

ISAÍAS 45:18

Echa yandeYa, ara iyapoa, Tumpa, ɨvɨ oyapo vae, omopöra kavi jare oñono kavi jenda pe vae, mbaetɨ oyapoiño, oyapo ko oime vaerä pɨpe mbaembae; jae jei körai: “Che ko jae peYa, mbaetɨ yé oime ïru.

ISAÍAS 45:5

Cheño ko jae opaete vae iYa, mbaetɨ yé ko ïru; mbaetɨ yé ko ïru Tumpa chegüi. Che ko amee mbaepuere ndeve ñeraro peguarä, yepe tëi nde mbaetɨ chekuaa.

ISAÍAS 45:6

Opaete ketɨ rupi: Kuaraɨ oëa kotɨ, kuaraɨ oikea kotɨ oikuaa reta vaerä mbaetɨ yé ko ïru chegüi vae. Cheño ko jae opaete vae iYa, mbaetɨ yé ko ïru chegüi.

ISAÍAS 47:10

Ndepɨa güive reyapo reiko ikavimbae, reyemongeta mbaetɨ ko kia ndereecha vae. Ndearakuaa katu yae vae ndembotavɨ, reyemongeta ndepɨa pe, mbaetɨ yé kia ndegüi vae.

JEREMÍAS 49:31

Che, Tumpa ko ayókuai: ¡Pepüa, peporepeña jókuae tëtaguasu oiko pɨagüive jare oyerovia iyé vae re, jöke reta ave mbaetɨ jare imotätaa, jare jaeño etei oiko!

JEREMÍAS 50:11

Pe Caldeaɨgua, pemaepɨ̈ro chembae vae reta güi vae, ¡peyerovia katu yae jare pevɨa katu yae! ¡Peporise guaka taɨrusu oporise kapii rupi rami! ¡Peñee, kavayu oñee rami!

JEREMÍAS 51:53

Yepe tëi Babilonia oyeupi ara pe, güɨnoi vaerä iñemika jëguambae, joko pe ambouta chupe oporomboai vae reta. Che peYa ko jae kuae.”

EZEQUIEL 16:49

Jae kuae ndepɨkɨɨ Sodoma iyoa: Jae jare tëta raɨ reta iyɨvɨrigua oyembopɨapochɨ reta jeta tembíu güɨnoi vae rupi jare ikavi yogüɨreko vae rupi, mbaetɨ omborɨ reta paravete vae jare mbae oata chupe vae.

EZEQUIEL 28:2

“Nde kuimbae, ere mburuvicha guasu Tiro pegua pe: CheYa Tumpa jei körai: Nde ndepɨayemboete yae, rere ndeyeupe: ‘Che ko jae metei tumpa aguapɨ aï Tumpa iguapɨa pe ɨguasu mbɨte pe vae.’ Ërei nde jaeä ko Tumpa, nde ko metei kuimbaeño. Ndepɨa pe reyemongeta ndearakuaa katu metei tumpa rami.

EZEQUIEL 30:9

Jókuae ara amondota ñee jerajaa reta barco reta pe Etiopía pegua reta pe, jókuae oyemoambekombae ñogüɨnoi vae pe, jare jae reta okɨɨye yaeta Egipto pegua reta okɨɨye rami. Jókuae ara outa ete ma oväe.

DANIEL 11:36

Mburuvicha guasu ɨvɨtuguasu kotɨ oyapota opaete jae jeigüe. Oyererovia katuta imbaepuere yae ete ko opaete tumpa reta güi vae, jare jeita ikavimbae yae vae Tumpa kotɨ; opaete oë kavita chupe, Tumpa oiporarauka chupe regua, echa Tumpa jei oyapota vae, oyapota ko.

DANIEL 4:22

jókuae ɨvɨra reecha vae, nde etei ko mburuvicha guasu, rekuakuaa jare tuicha yae reyeapo, echa okuakuaa ndembaepuere jare ojo oya ara re, jare ndembaepuere ojo oväe opaete ɨvɨ jembeɨ kotɨ.

DANIEL 4:27

Jáeramo nde mburuvicha guasu, eendu cheporomboarakuaa: Eyapo jupi vae, agüɨye mo ndeyoa, ikavimbae reta reyapo vae jekovia pe, eyapo mboroparareko oiporara ñogüɨnoi vae reta pe, jayave güɨramoi kuae ndepɨagüive reiko vae oyembopukuta ndeve.’ ”

DANIEL 4:30

jei: “¿Jaeä pa kuae Babilonia guasu che ayapo chembaepuere rupi vae? ¿Ayapoä pa ko mburuvicha reta jëtarä, jare cheporookuaía imboetea yae vaerä?”

DANIEL 4:4

Che Nabucodonosor, aiko pɨagüive chero kavi pe jare cheporookuaía oguata kavi yae.

DANIEL 5:23

ërei cheYa ara pe oï vae kotɨ reyembopɨapochɨ, jare reruruka nderóvai vaso reta Tumpa jo pegua, nde jare ndeɨvɨrigua mburuvicha reta, nderembireko reta jare kuña rerekoiño vae reta ndive rekau pɨpe; jare kuae güire, remboete tumpa reta korepoti pegua, oro pegua, jiero iyu vae pegua, jiero pegua, ɨvɨra pegua jare ita pegua; jókuae omaembae reta, oendumbae reta, yarakuaambae reta; jare Tumpa jae ipo pe nderekove oï vae jare opaete reyapogüe reta jese oiko vae mbaetɨ remboete.

DANIEL 5:30

Jókuae pɨ̈tu voi oyeyukauka Belsasar, Caldeaɨgua reta juvicha guasu.

NAHUM 1:10

Echa yepe tëi ñurati tëɨ yae vae rami, ërei kapii otini vae rami ko opaeteita ókai.

NAHUM 3:4

Nínive iyaguasa pota yae jeko pegua, jókuae ipɨakavi jare ipöra yae vae, mbaekuaa re oporomboe vae, aguasa reta rupi jare mbaekuaa rupi ombotavɨ tëta pegua reta jare tëtaguasu pegua reta vae.

HABACUC 1:7

Kɨɨyea yae vae reta ko jare yavaetegüe, jae reta mborookuai oyapo vaeño ombotenonde.

SOFONÍAS 2:15

Kuae, jae ko jókuae tëta guasu ipɨagüive oiko vae, pɨpegua reta jei yepi jaeño ko ikavi yae vae. ¡Kërai, opa opɨta ñana rupigua mɨmba pochɨ vae reta jëtarä! Jokoropi oasa vae reta otuviñee jare ombovava ipo jese oyóyai reve.

2 Tesalonicenses 2:4

Jae oñemopüata Tumpa kotɨ jare opaete mbaemboete oñemee chupe vae reta kotɨ, jare jae etei oguapɨta tupao pe jare jeita iyeupe: “Che Tumpa ko.”

JUECES 18:27

opaete Micaía oyapogüe ndive, jare isacerdote ndive yogüɨraja regua oväe Lais pe. Dan iñemuña reta opa oyuka kɨsepuku pe joko pe yogüɨreko pɨagüive vae reta jare opa oapɨ reta tëta guasu.

JUECES 18:7

Jayave jókuae pandepo kuimbae vae reta opa oë yogüɨraja oväe tëta Lais pe. Jare oecha reta jókuae tëta pegua reta yogüɨreko pɨagüive Sidón pegua reta rami, oyepokuaa mbaetɨ kia omoambeko jare mbaetɨ mbae oata chupe reta. Mombɨrɨ yogüɨreko oyougüi Sidón pegua reta ndive jare mbaetɨ oñemoïru reta kia ndive ave.