ISAÍAS 47:5 - Biblia Guarani Tumpa Iñee

⁵ “Eguapɨ, nekïrii ngatu Caldeaɨgua, eñeñono pɨtumimbía pe, echa ngaraa ye ma nereenɨi reta: ‘Tëtaguasu reta juvicha kuña’.

ISAÍAS 47:5 ပူးပေါင်းရင်းမြစ်များ

SALMOS 31:17

Agüɨye tañemomaraiuka cheYa Tumpa, echa che ayerure ndeve. Toñemomaraiuka iyoa vae reta, kïrii ngatuño etei toñogüɨnoi omanogüe reta ñogüɨnoia pe.

SALMOS 46:10

“¡Peñemokïrii! ¡Peikuaa che ko jae Tumpa! ¡Che ko aï opaete tëtaguasu reta iárambo! ¡Chetuicha yaeta opaete ɨvɨ iárambo!”

ISAÍAS 13:10

Yasɨtata reta jare ïru yasɨtata reta yatɨ yatɨ ara re ñogüɨnoi vae, mbaetɨta ma omoembipe; kuaraɨ oë tëi rupive opata ogüe, jare yasɨ mbaetɨta ma omoembipe.

ISAÍAS 14:23

Mɨmba küi jee vae oiko vaeräño ikavita, ɨvɨ yasuru vaerä, opata atupei, tupeicha kañɨtei pegua pe.” YandeYa Imbaepuere yae ete vae ko jökorai jei.

ISAÍAS 14:4

rereta kuae ñee arakuaa pegua, mburuvicha guasu Babilonia pegua kotɨ: “¡Mase, kërai ou opɨta imbaeyuvanga yepi vae! ¡Mase, kërai ou opɨta tëta guasu oro oipota rai yae yepi vae!

ISAÍAS 21:9

Aecha yogüeru kuimbae reta kavayu reta re opo oyoapɨ vae reta.” Jare jei reta: “¡Babilonia opa oyemboai, Babilonia opa oyemboai! Jare opaete itumpa-raanga reta opa oyeka oa ɨvɨ re.”

ISAÍAS 23:2

Tiro pegua jare Sidón pegua omaemee vae reta oñemokïrii. Pɨpegua reta oasase yepi ɨguasu güeru vaerä mbaembae.

ISAÍAS 47:1

“Babilonia, nde Caldeaɨgua kuñatai ndei kuimbae ndive oasa vae rami, egüeyɨ jare eguapɨ ɨvɨkúi re; mbaetɨta ma reguapɨ mburuvicha iguapɨa pe. Eguapɨ ɨvɨ re, echa ngaraa ye ma jei reta ndeve: Ipöra yae vae.

ISAÍAS 47:7

Ndeyemongeta pe reiko aveita mburuvicha guasurä, mbaetɨ reyemongeta kuae re, mbaetɨ vi reyemongeta jaɨkue rupi këraita ko reiko vae re.

JEREMÍAS 25:10

Amokañɨta chugüi reta tairari reta vɨakatu pegua jare yerovia pegua, jare tairari mendaa pegua, ombaeso vae ave ngaraa ma oyeendu ani mechero ave ngaraa ma jendɨ oyekuaa.

JEREMÍAS 8:14

Opaete vae reta jeita: “¿Maera pa yaguapɨño ñaï kuae pe? ¡Yaja opaete vae tëta guasu oñekëse kavía pe, joko pe opa ñamano! Echa yandeYa Tumpa yandeyukata; omee yau ɨ oyemombayachigüe. Echa yandeyoa ikotɨ.

LAMENTACIONES 1:1

¡Kërai ipombae opɨta, tëta guasu jeta yepi pɨpe vae! ¡Kuae tëta guasu jërakua ïru tëtaguasu reta rupi vae, ou opɨta kuña imemano vae rami! Tenondeguarä oiko yepi vae, añave ombaemboepɨ vaerä ma oiko.

LAMENTACIONES 2:10

Tëta Sión pegua ndechi reta oguapɨ kïrii ngatu ɨvɨ pe; ɨvɨkúi oñono reta iñäka re jare oyemonde reta temimonde mbɨatɨtɨ pegua pe. Jerusalén pegua kuñatai reta oyetavatɨka itindɨasɨ reve ɨvɨ re.

HABACUC 2:20

Ërei yandeYa oï jo ikɨambaea pe: ¡Pekïrii jóvai opaete ɨvɨ pegua reta!

ZACARÍAS 2:13

¡Tikïrii opaete vae yandeYa jóvai; echa jae ou jëta ikɨambaea güi!

Judas 1:13

Jae reta ko ɨguasu iɨaparúa tuicha vae oñaro vae rami, jókuae ɨ tɨrɨyɨi rami ko jembiapo ikavimbae, yasɨtata jopa vae rami ko. Pɨtumimbi opambae vae oñeñovatu oï chupegua retarä.

Apocalipsis 17:18

Jare jókuae kuña reecha vae jae ko tëta guasu opaete ɨvɨ pegua mburuvicha guasu reta re mbaepuere güɨnoi vae.”

Apocalipsis 18:7

Jae oyemboete yae jare ogua jeta mbaembae jepɨ yae vae, jökorai vi toiporara yae jare tipɨatɨtɨ yae. Echa jei iyeupe: Che aguapɨ aï mburuvicha kuña rami, mbaetɨ ko kuña imemano vae che, ngaraa etei chepɨatɨtɨ.

1 SAMUEL 2:9

Jae oyangareko jupi rupi oiko chupe vae re, ërei iyoa vae reta omanota pɨtumimbi pe, echa mbaetɨ kia ave ipuere iyeugüi aeño.