ISAÍAS 47:4 - Biblia Guarani Tumpa Iñee

⁴ OreReepɨ vae, Tumpa Iyoambae Israel pegua, jae ko jee oreYa Imbaepuere yae ete vae. Jae jei körai:

ISAÍAS 47:4 ပူးပေါင်းရင်းမြစ်များ

SALMOS 19:14

Ñee reta ikavigüe toë cheyuru güi, jare chepɨa güi cheyemongeta oë vae nderóvai, cheYa Tumpa, ita guasu cheñepɨ̈roa, chereepɨ vae.

ISAÍAS 41:14

YandeYa jei: “Israel, Jacob iñemuña reta, yepe tëi mbovɨ yae peiko ani ndepɨtu yae, ërei agüɨye ekɨɨye; che ko romborɨ. Che, Tumpa Iyoambae Israel pegua ko jae ndeReepɨ vae.

ISAÍAS 43:14

YandeYa, Tumpa Iyoambae Israel pegua, jae peReepɨ vae jei, körai: “Pogüɨroasayepe vaerä amondota jeta vae, oporepeña vaerä Babilonia re, oipea reta vaerä öke reta, jare opaete jókuae Caldeaɨgua reta, ibarco re oyerovia reta vae otekuaraita.

ISAÍAS 43:15

Che ko peYa Iyoambae, Israel iyapoa, peRuvicha guasu.”

ISAÍAS 43:3

Echa, che ndeYa Tumpa ndereroasayepe vae ko, Tumpa Iyoambae Israel pegua. Che ko rogua; amee ko nderekovia pe Egipto, Etiopía jare Sabá.

ISAÍAS 44:6

YandeYa, Israel iñemuña reta juvicha guasu jare jeepɨa, yandeYa Imbaepuere yae ete vae, jei: “Che ko, oikoño mai vae; mbaetɨ yé ïru Tumpa chegüi.

ISAÍAS 49:26

Nderovaicho reta pe jauukata isoo aeño, jare jugüɨ ae pe oyembosavaɨpo reta vino pe rami. Jökorai opaete vae toikuaa, che ndeYa, ndereroasayepe jare ndeReepɨ vae, jae ko Imbaepuere yae ete vae Jacob pe.”

ISAÍAS 51:15

Echa che ko ndeYa, amomembe ɨguasu vae, jare ambojɨapu ɨaparúa. Che ko neTumpa, ndeYa Imbaepuere yae ete vae, jae ko cheree.

ISAÍAS 54:5

Echa ndeApoa ko jae neme rami. Jae ko jee yandeYa Imbaepuere yae ete vae; ndeReepɨ vae, jae ko Iyoambae Israel pegua, jae ko jee Tumpa, opaete ɨvɨ pe.

JEREMÍAS 31:11

Echa yandeYa güɨnoe ye Jacob iñemuña reta, oyora metei tëtaguasu imbaepuere yae ete chugüi reta vae güi.

AMÓS 4:13

Echa, ko oï ɨvɨtɨ reta iyapoa, kuimbae reta pe omombeu iyemongeta vae, pɨtumimbi oyapo tembiperä vae, ɨvɨtɨ guasu rupi oguata vae, jae ko jee yandeYa Tumpa Imbaepuere yae ete vae.