ISAÍAS 47:14 - Biblia Guarani Tumpa Iñee

¹⁴ Ërei jae reta ko kapiiño, tata oapɨ reta vae ramiñota, ngaraa ipuere reta oyeepɨ tata güi. Echa tata jätapɨi vaeä ko, oguapɨ jare oyepee vaerä jóvai.

ISAÍAS 47:14 ပူးပေါင်းရင်းမြစ်များ

ÉXODO 5:12

Jayave Israel iñemuña reta oñemoai opaete ɨvɨ Egipto rupi oeka reta vaerä ɨtɨ, kapii jekovia pe.

ISAÍAS 10:17

Jare Tumpa Iyoambae, tembipe Israel pegua, oïta tata jendɨ vae rami, metei ara pe opata omboai opaete ñana jare yuu reta.

ISAÍAS 30:14

opata ko oyeka metei ɨvɨñae opa oyeka rami, opaeteita jaɨ jaɨ, mbaetɨta jaɨgüe ave ikavi tätapɨi oyeupi vaerä ani ɨ oyeyara ɨkua güi vaerä yepe.”

ISAÍAS 33:14

Sión pegua iyoa vae reta, orɨrɨi okɨɨye güi, jare jovayoyavi vae reta, okɨɨye jare jei reta: “¿Kia pa yandegüi ipuere oiko tata oporombokañɨtei vae pe? ¿Kia pa yandegüi ipuere oiko tata ogüembaea pe?”

ISAÍAS 40:24

Jae reta ko temitɨ ipɨau vae rami, jaeramo etei japo oyepota oï vae rami. Tumpa oipeyu yave, jaema voi opa ipiru reta, kusumirou ou yave, opa güɨraja kapii rami.

ISAÍAS 41:2

¿Kia pa omopüa kuaraɨ oëa kotɨ metei mburuvicha guasu, oyapo vaerä che jae vae? ¿Kia pa opa oñono ipo pe tëtaguasu reta, jare mburuvicha guasu reta opa omomichi jóvai; ikɨsepuku pe jare juvɨ pe opa omboai jare omoai moai vaerä kapii rami?

ISAÍAS 44:16

Amogüe oyatapɨ pɨpe, omboyɨ soo pɨpe, jou jókuae oyeapegüe jare ipɨakatu opɨta. Oyepee pɨpe yave jei: “¡Ikavi yae tata, cheraku katu ma aï!”

ISAÍAS 5:24

Jáeramo, tata oapɨ kapii vae rami jare ñana joogüe rami, jökoraita opa pekañɨtei, temitɨ japo opa ichuumbi vae ipotɨ opa osururu vae ramita ko. Echa peröɨro yandeYa Imbaepuere yae ete vae iñee, jare Iyoambae Israel pegua iporookuai.

JEREMÍAS 51:30

Sundaro jëia vae reta Babilonia pegua mbaetɨ ma oñoraro, oñepɨ̈ro reta iñemika pe; mbaetɨ ma ipuere reta, kuñaecha opɨta reta. Jo reta opa oyeapɨ, jöke reta imotätaa opa oyeakɨo.

JEREMÍAS 51:32

Tovaicho reta opɨ̈ro tape reta ɨ̈aka tɨpɨmbaea, ñepɨ̈roka reta opa oapɨ reta, jare sundaro reta okɨɨye yae.

JEREMÍAS 51:58

Che, peYa Imbaepuere yae ete vae, jae: Babilonia ikësea ipɨguasu yae vae opaeteita oyemboai, jare jöke tuicha yae vae reta opata oyeapɨ. Oparavɨkɨiño ma tëtaguasu pegua reta, oparavɨkɨiño ma opa ókai vaerä.”

EZEQUIEL 15:7

Che tayovaicho jae reta ndive. Otekuarai tëita tata güi, ërei ïru tata omokañɨteita. Ayovaicho ma jae reta ndive yave, pe reta chekuaata che ko jae peYa vae.

JOEL 2:5

Käretou ñeraro pegua opärara vae rami osɨi reta ɨvɨtɨ guasu iyapɨte rupi, ɨvɨra joogüe opiriri ókai tata pe rami, sundaro jeta yae vae oyupavo kavi oñeraro vaerä vae rami.

ABDÍAS 1:18

Jacob iñemuña reta yogüɨrekota tata rami, José iñemuña reta yogüɨrekota tataendɨ rami. Ërei Esaú iñemuña reta yogüɨrekota mbae javiyugüe rami, jókuae tata omoendɨta opaetei omboai regua. ¡Mbaetɨta metei ave Esaú iñemuña reta oasayepe vae! Echa che peYa ko, jökorai jae.”

NAHUM 1:10

Echa yepe tëi ñurati tëɨ yae vae rami, ërei kapii otini vae rami ko opaeteita ókai.

MALAQUÍAS 4:1

YandeYa Imbaepuere yae ete vae jei: “Ko ma ou ara jaku rai yae horno rami vae. Opaete oyembopɨa pochɨ vae reta jare opaete ikavimbae iyapoa reta okaita kapii jendɨ rami. Jókuae ara outa oï vae oapɨ retata, jare ngaraa jembɨre jäka jare japo ave chugüi reta.

San Mateo 10:28

Agüɨye pekɨɨye pereteño ipuere oyuka vae reta güi, echa perekove ngaraa ipuere oyuka. Pekɨɨye Tumpa güi, echa jae ipuere omokañɨtei perete jare perekove tata guasu pe.

San Mateo 16:26

¿Mbaerä pa osiriveta kuimbae pe omongana yave opaete ɨvɨ, ërei jekove okañɨtei?, ani ¿Mbovɨ ra omboepɨta ogua vaerä jekove?

Apocalipsis 18:21

Jayave metei araɨgua imbaepuere yae vae oipɨɨ metei ita, ita tuicha vae oyembaeso pɨpe rami vae, jare omombo ɨguasu pe jei reve: “Köraita rea tätagüe tëta guasu Babilonia. Ngaraa ye ma kia ndereecha.