ISAÍAS 47:13 - Biblia Guarani Tumpa Iñee

¹³ Jeta rereko ndemboarakuaa vae reta, reyembogüéraiti pɨpe. ¡Toyogüeru jókuae yasɨtata reta re oyemboe vae reta, yasɨtata rupi mbae omoërakua raanga vae reta, yasɨ ñavo omoërakua mbaembae outa vae reta, toyogüeru jae reta tandereroasayepe!

ISAÍAS 47:13 ပူးပေါင်းရင်းမြစ်များ

ISAÍAS 44:25

Mbaetɨ amaeño oyembopo vaerä maratuta vae imombeúa reta omombeu vae, amombokere susere oimeta vae imombeúa reta. Yarakuaa katu vae reta iñee amboyopɨndekua oyougüi, opaete iyarakuaa katu arokomegua chugüi reta.

ISAÍAS 47:15

Jökoraita ko oasa jókuae imbaekuaa jare ipɨrae vae reta, ndetaɨrusu güive jae reta ndive peyopokuaa oyoe vae. Metei ñavo yogüɨrajata jape jape ae rupi, mbaetɨta kia ndereroasayepe vaerä.”

ISAÍAS 47:9

Jókuae mókoi mbae reta ou ndeve metei ara peño: repɨtata imemano vae rami, repɨtata imembɨmbae, yepe tëi jeta reñepoano mbɨrae pe, ani yepe tëi jeta reiporu mbaekuaa.

ISAÍAS 57:10

Jeta yae reguata vae ndembokangɨ, ërei mbaetɨ rere: “Chekuérai ma aguata.” Reñemoäta ngatu avei, jáeramo mbaetɨ ndekuérai.

ISAÍAS 8:19

Jare jei reta yave peve: “Peparandu imbaekuaa vae reta pe, jare mbae maratuta vae imombeúa reta pe.” Ërei pe pere chupe reta: “¿Mbaetɨta pa tëta oparandu iTumpa pe? ¿Oparanduta ra omanogüe vae reta jekove pe, oikove vae reta regua?”

JEREMÍAS 51:58

Che, peYa Imbaepuere yae ete vae, jae: Babilonia ikësea ipɨguasu yae vae opaeteita oyemboai, jare jöke tuicha yae vae reta opata oyeapɨ. Oparavɨkɨiño ma tëtaguasu pegua reta, oparavɨkɨiño ma opa ókai vaerä.”

JEREMÍAS 51:64

jare ere: ‘Köraita Babilonia ojo ɨ́vɨkotɨ, jare ngaraa ye ma opüa yandeYa ombouta omboai vae güi.’ ” Kuae pe Jeremías iñee reta iyapɨ.

EZEQUIEL 24:12

Ërei ngatu ikɨa täta yae oya jese, tata pe ave mbaetɨ oyeekɨ.

DANIEL 5:30

Jókuae pɨ̈tu voi oyeyukauka Belsasar, Caldeaɨgua reta juvicha guasu.

HABACUC 2:13

YandeYa Imbaepuere yae ete vae, mbaeä eteita oyapo ndeparavɨkɨ, opaete ndeparavɨkɨ okañɨteita tata pe.