ISAÍAS 47:11 - Biblia Guarani Tumpa Iñee

¹¹ Ërei outa mbaesusere nderé, ngaraa ndepuere reyeopia mbɨrae reta pe; resusereta, ngaraa ndepuere reyopia; susere outa ndeve neparanoe.

ISAÍAS 47:11 ပူးပေါင်းရင်းမြစ်များ

NEHEMÍAS 4:11

Tovaicho reta jei: “Agüɨye toikuaa reta yaike regua ipɨte reta pe, yayuka jare yamombɨta mbaravɨkɨ reta.”

SALMOS 35:8

¡Iparanoe tosusere reta! ¡Toa reta jókuae ñuai oñono vae pe yeño! ¡Tosusere reta!

SALMOS 50:22

“Peikuaa kavi kuae, pe reta peakañɨ Tumpa güi vae, agüɨye vaerä opa pombojaɨ jaɨ, javoi mbaetɨ kia pereepɨ vaerä;

SALMOS 55:15

¡Tomanoɨvɨ cherovaicho! ¡Tojo omanogüe reta ñogüɨnoia pe jekove reve, echa oime ikavimbae ipɨa pe jare jo pe!

SALMOS 73:19

¡Aramoete pegua opa okañɨtei reta! ¡Kɨɨye ndive opa okañɨtei reta!

PROVERBIOS 13:21

Iyoa vae reta, yogüɨrekota ikavimbae rupi; ërei jupi vae reta, yogüɨreko kavita.

ISAÍAS 13:6

Peräse peyaeo, echa oväeta ma yandeYa iporojäa iara, Imbaepuere yae ete vae iporomokañɨtei ko.

ISAÍAS 29:5

Ërei güɨramoiño, outa yandeYa Imbaepuere yae ete vae oiporarauka vaerä nderovaicho reta pe ara rɨapu rupi, ɨvɨkana rupi, mbae täta jɨapu vae rupi, ama ɨvɨtuai reve jare kusumirou guasu rupi, jare tata yavaetegüe rupi. Jare jókuae nderovaicho jeta yae vae opɨtata ɨvɨkúi rami, jare jëia yae vae reta opɨtata ɨtɨ rami.

ISAÍAS 30:13

jáeramo, kuae mbaeyoa oï ko peve, metei ovapetea ɨvate vae oyekagüe jeieteño oyeka rami, jare güɨramoiño opata osururu vae rami;

ISAÍAS 37:36

Jare oë yandeYa iaraɨgua, ojo jare oyuka Asiriaɨgua reta jeyupa pe ciento ochenta y cinco mil kuimbae; jare köe yave opüa reta yave, oecha reta opaete tëogüe yepeaiño ma.

ISAÍAS 45:7

Che ko ayapo tembipe jare pɨtumimbi, che ayapo mbɨakatu jare tembiporara. Che, opaete iYa ko ayapo opaete kuae mbaembae.”

ISAÍAS 47:9

Jókuae mókoi mbae reta ou ndeve metei ara peño: repɨtata imemano vae rami, repɨtata imembɨmbae, yepe tëi jeta reñepoano mbɨrae pe, ani yepe tëi jeta reiporu mbaekuaa.

ISAÍAS 48:8

Nde mbaetɨi ko reendu kuae regua, jare mbaetɨi reikuaa, echa ndeapɨsa oyeokenda avei oiko. Che rokuaa ko nde mbaetɨ jupi, ndei rea güive voi ma rombojee ‘ipɨarai vae’ pe.

ISAÍAS 57:1

Kuimbae jupi vae omano jare mbaetɨ kia oyemoambeko jese; kuimbae reta jeko kavi vae omano, jare mbaetɨ kia oikuaa, oñerenoe ko ikavimbae güi vae,

JEREMÍAS 51:29

Ɨvɨ okana jare orɨrɨi, echa yandeYa ombopo oï iyemongeta oeya vaerä ipombae Babilonia, mbaetɨ yeta kia oiko pɨpe.

JEREMÍAS 51:43

Jëta guasu reta opa oyemboai, ɨvɨ otini jare ipombae opɨta, mbaetɨta kia oiko pɨpe, mbaetɨta vi kia oasa jupi.

JEREMÍAS 51:8

Ërei güɨramoiño Babilonia oa, opa oyemboai. ¡Peäpiro! Peru chupe moa ipere peguarä, güɨramoi okuera.”

LAMENTACIONES 1:21

Jeta vae oendu cheräse, ërei mbaetɨ kia chembopɨakatu. Opaete cherovaicho reta oikuaa chesusere, oyerovia reta nde ko jökorai cheapo vae. ¡Embou, jókuae ara remoërakua vae, jae reta toiporara vi che rami!

EZEQUIEL 7:26

Oyoaɨkue yoaɨkueta ou mbaesusere; mbae ikavimbae jërakua vae jaeramiño vi. Oeka reta tëita ñeemombeúa omombeu kavi vaerä chupe reta, sacerdote reta mbaetɨta oporomboe ani tenondegua vae reta mbaetɨta vi oporomboarakuaa.

San Mateo 18:34

Jayave juvicha guasu pochɨ chupe, jare oyókuai tembipɨɨrɨru iyangarekoa reta oiporarauka vaerä chupe opaete ipía omboepɨ regua.”

San Lucas 12:59

Che jae ndeve, ngaraa etei reë jókuae tembipɨɨrɨru güi opaetei remboepɨ regua.”

San Lucas 17:27

Iarete reta, okau reta, omenda reta jare oyomomenda reta, Noé oike regua arca pe. Jayave ou ɨporu guasu jare opa omokañɨtei reta.

1 Tesalonicenses 5:3

ɨvɨ pegua reta jei yave: “Mbɨakatu jare pɨagüive.” Jayave iparanoe outa chupe reta kañɨtei, jare oiporarata kuña imembɨrasɨ vae rami, jare ngaraa oasayepe reta.

Apocalipsis 3:3

Jáeramo, nemaendúa Tumpa güi remboresive jare reendu vae re. Eñemomɨ̈rata jókuae re, jare eeya ndeyemongeta ikavimbae vae ndepɨa pe oï vae. Echa mbaetɨ resareko reï yave, ayuta ndeve imonda vae rami, jare ngaraa reikuaa kërai yave ra ayuta ndeve.