ISAÍAS 47:1 - Biblia Guarani Tumpa Iñee

¹ “Babilonia, nde Caldeaɨgua kuñatai ndei kuimbae ndive oasa vae rami, egüeyɨ jare eguapɨ ɨvɨkúi re; mbaetɨta ma reguapɨ mburuvicha iguapɨa pe. Eguapɨ ɨvɨ re, echa ngaraa ye ma jei reta ndeve: Ipöra yae vae.

ISAÍAS 47:1 ပူးပေါင်းရင်းမြစ်များ

JOB 2:13

Jökorai oguapɨ reta jae ndive ɨvɨ pe, chiu ara jare chiu pɨ̈tu rupi, mbaetɨ metei ave omoë iñee, echa oecha reta tuicha yae oiporara mbae jasɨ.

JOB 2:8

Jare Job oguapɨ tanimbu re, oipɨɨ takɨpe jaɨgüe oñekari vaerä pɨpe.

SALMOS 137:8

¡Nde, Babilonia reyemboaiukata vae! ¡Toyerovia jókuae omboekoviata ndeve, nde reyapo ikavimbae oreve rami vae!

SALMOS 18:27

Echa nde reroasayepeta tëta oiporara vae, ërei remomichita oyembotuicha vae.

SALMOS 89:44

Iyemboetea rembogüe chugüi; iguapɨa mborookuaía pegua reitɨ chugüi ɨvɨ re.

ISAÍAS 13:1

Isaías, Amoz taɨ oecha Babilonia maratuta vae regua vae, jae kuae:

ISAÍAS 13:13

Echa, ara omokanata, jare ɨvɨ osɨrɨta jenda güi, chearasɨ aitɨta jókuae ara vae jeko pegua, chearasɨ yaeta jókuae ara.

ISAÍAS 14:1

YandeYa oipararekota Jacob iñemuña reta. Jekuae oyapo yeta imbaerä Israel iñemuña reta, güeru yeta oñono reta vaerä iɨvɨ ae pe. Ketɨgua reta oyemboyata jese reta, oñemoïruta Jacob iñemuña reta ndive.

ISAÍAS 21:1

Ɨguasu iyɨ́vɨri ñuu oï vae maratuta vae regua: Kusumirou Neguev kotɨ güi ou vae rami, jökorai ou ñuu kotɨ güi ɨvɨ yavaete vae kotɨ güi.

ISAÍAS 23:12

Jare jei Sidón pe: “Ngaraa ma peapirai, Sidón pegua reta, oyuvanga katu kia peré vae reta. Pepüa, peasa vaerä Quitim kotɨ, ërei ngaraa joko pe ave peiko pɨagüive.”

ISAÍAS 26:5

Echa jae oitɨ ipɨayemboete vae reta, omomichita tëta guasu ipɨarai vae, oitɨta ɨvɨ re oeya,

ISAÍAS 3:26

Tëta pegua reta oyaeota, jare omondeta temimonde mbɨatɨtɨ pegua, jare ipombae opɨtata.

ISAÍAS 37:22

Kuae ñee reta jei yandeYa jókuae mburuvicha guasu Asiria pegua kotɨ: “Senaquerib, tëta guasu Sión, ndeyóyai yóyai metei kuñatai rami. Jerusalén oñeäkambovava reve ndeyóyai yóyai omae nderé, resɨrɨ ye yave.

ISAÍAS 52:2

Jerusalén, emotumo ɨvɨ ndeyeugüi, epüa eguapɨ. Eyora ndeayu iñapɨtía, nde Sión, tembipɨɨrä reï vae.

JEREMÍAS 13:18

“Ere mburuvicha guasu pe jare ichɨ pe: ‘Pegüeyɨ tenda mborookuaía pegua güi, jare peguapɨ ɨvɨ pe, echa peäka-regua oa pegüi.’

JEREMÍAS 46:11

¡Egipto, ekua Galaad pe eeka moa! ¡Yepe tëi jeta moa reiporu, mbaetɨ eteita ikavi ndeve, echa mbaetɨ moa ndeveguarä!

JEREMÍAS 48:18

Tëta guasu Dibón, egüeyɨ nderenda yemboetea pegua güi, eguapɨ ɨvɨ re, echa Moab imboaia oporepeña ndekotɨ, omboai vaerä ndegüi nekësea.

JEREMÍAS 50:1

YandeYa jei ñeemombeúa Jeremías rupi Babilonia regua, jae ko Caldeaɨgua reta iɨvɨ; jei körai:

JEREMÍAS 50:42

Jembiporu reta ñeraro pegua uvɨ jare mii; ipɨa-pïrimbae reta ko jare mbaetɨ etei oporoparareko reta; isapúkai reta ɨguasu jɨapu rami, opo reta yogüeru kavayu re; oïndaivi oñoraro reta vaerä Babilonia pegua reta ndive.

JEREMÍAS 51:1

YandeYa jei: “Ambouta ɨvɨtu oporomboai vae, Babilonia kotɨ jare pɨpegua reta oyemboyovaicho chekotɨ vae kotɨ.

JEREMÍAS 51:33

Echa yandeYa Imbaepuere yae ete vae Israel iTumpa jei körai: “¡Babilonia, mbaembopiriría renda pe mbae oyembopiririta ma vae rami ko, oväeta ete ma iara oyepoo vaerä!”

JEREMÍAS 51:51

Pe reta pere: “Oremara yae roï, echa roendu ikavimbae oyapo reta orekotɨ vae. Oremomaraiuka yae, echa ketɨgua reta oike, tupao ikɨambae yae vae pe.”

LAMENTACIONES 2:10

Tëta Sión pegua ndechi reta oguapɨ kïrii ngatu ɨvɨ pe; ɨvɨkúi oñono reta iñäka re jare oyemonde reta temimonde mbɨatɨtɨ pegua pe. Jerusalén pegua kuñatai reta oyetavatɨka itindɨasɨ reve ɨvɨ re.

LAMENTACIONES 2:21

Michia reta jare ndechi reta oyoa jëogüe ikatu rupi; kuñatai reta jare kunumi reta opa omano kɨsepuku pe. Opa reyuka reta ndearasɨ iara pe, reñaseokɨ̈tiuka, ¡neɨ̈rombae reve chupe reta!

LAMENTACIONES 4:5

Tenonde rupi okaru kavise reta vae, añave jovaruru ñogüɨnoi kaye rupi. Okuakuaa kavi yae vae reta, añave rupi yogüɨreko ɨtɨ oyemomboa rupi.

EZEQUIEL 26:16

Jare opaete mburuvicha reta ɨguasu jembeɨ rupigua, ogüeyɨta jenda mborookuaía pegua güi, omboi retata iñeapevaa jare jemimonde ipöra yae vae, oguapɨ retata ɨvɨ re okɨɨye güi, orɨrɨi avei retata jare ipɨakañɨ yae retata ndesusere re.

EZEQUIEL 28:17

Nepöra yae jeko pegua ndepɨayemboete, ndeyemboetea yae jeko pegua ndearakuaa rerokomegua. Che roitɨ ɨvɨ re, romomaraiukata mburuvicha guasu reta jóvai.

JONÁS 3:6

Jare jókuae jërakua mburuvicha guasu Nínive pegua pe, jare opüa jenda güi omboi jemimonde jare oñeapeva temimonde mbɨatɨtɨ pegua pe, jare oguapɨ tanimbu re ipɨatɨtɨ güi.

HAGEO 2:22

opata arokomegua mburuvicha guasu reta iguapɨa mborookuaía pegua jare amboaita tëtaguasu rupi mburuvicha guasu reta imbaepuere; amboyaparata käretou reta pɨpe oguata vae reta ndive jare opata kavayu reta oyepɨaka opo jese vae reta ndive, metei vae ñavo omanota jëtara ikɨsepuku pe.

ZACARÍAS 2:7

Sión pegua Babilonia pe peiko vae, petekuarai.”

Apocalipsis 18:7

Jae oyemboete yae jare ogua jeta mbaembae jepɨ yae vae, jökorai vi toiporara yae jare tipɨatɨtɨ yae. Echa jei iyeupe: Che aguapɨ aï mburuvicha kuña rami, mbaetɨ ko kuña imemano vae che, ngaraa etei chepɨatɨtɨ.