ISAÍAS 46:4 - Biblia Guarani Tumpa Iñee

⁴ jare jekuaeñota poangareko pendechi regua, peatï ma yave jekuaeñota ayangareko peré. Che ko poapo, jekuaeñota ko pogüɨroata, poangarekota jare pogüɨroasayepeta.

ISAÍAS 46:4 ပူးပေါင်းရင်းမြစ်များ

SALMOS 48:14

echa kuae Tumpa jae ko, oiko avei ñaneTumpa jekuae avei pegua vae. ¡Jae ko yandererajata kutɨ yé mano güi!

SALMOS 68:19

Toyemboeteuka cheYa; ara ñavo jeta rupi oremboyekou vae, Tumpa orereroasayepe vae.

SALMOS 71:18

CheRu Tumpa, agüɨye chereeya, yepe tëi chendechi jare cheatï, amoërakua regua ndembaepuere kuimbae reta iñemuña pe, jare taɨkue rupi yogüɨrekota vae reta pe.

SALMOS 71:9

Agüɨye chereröɨro chendechi ma yave; agüɨye chereeya mbaetɨ ma chepɨ̈rata yave.

SALMOS 92:14

Yepe indechi tëi, ërei iata; oikove katu avei jare jokɨ katu avei,

ISAÍAS 41:4

¿Kia pa oyapo kuae? ¿Kia pa oyapo iyɨpɨ güive kërai yogüɨreko vaerä kuimbae reta? Che peYa, jae ko Tumpa, oikoño mai vae.

ISAÍAS 43:13

Che ko Tumpa oikoño mai vae. Mbaetɨ kia ipuere chemboavai. Mbaetɨ kia ipuere omboai che ayapogüe.”

ISAÍAS 43:25

Ërei che peTumpa, ayeaɨu jeko pegua amboai peyoa reta, ngaraa ye ma chemaendúa peyoa reta re.

ISAÍAS 48:12

“Peyeapɨsaka Israel, Jacob iñemuña reta, che roenɨi vae ko nde. Che ko Tumpa jaevaeño vae, che ko, oikoño mai vae.

MALAQUÍAS 2:16

Echa yandeYa, Israel iñemuña reta iTumpa güɨröɨro ko yomombo, jare oyemongɨa mbaeyoa pe vae, jökorai jei yandeYa Imbaepuere yae ete vae. “Jayave, ¡peñeñovatu, agüɨye pembotavɨ perembireko!”

MALAQUÍAS 3:6

“Echa, che peYa ayepoepɨmbae ko. Jáeramo ko, pe Jacob iñemuña reta mbaetɨ opa pekañɨtei.

Romanos 11:29

Echa Tumpa omee chupe reta vae, ngaraa opɨ̈ro ye. Jare oporoenɨi yave, mbaetɨ oipoepɨ.

DEUTERONOMIO 1:31

Kuimbae oipoko taɨ güɨroata rami, peecha yandeYa Tumpa pereroata ñuu rupi opaete peguataa rupi, peyu regua peväe kuae pe.’

Hebreos 1:12

¡temimonde rami reipoepɨta, jare oyepoepɨ retata! Ërei nde ko oyepoepɨmbaei vae, neaño reta opambae vae ko.”

Hebreos 13:8

Jesucristo ko oyepoepɨmbae etei iyɨpɨ güive, añave jare jekuae avei pegua.

Santiago 1:17

Opaete mbaembae ikavi yae oñemee yandeve vae ara güi ko ou, yandeRu tembipe reta iyapoa güi, jae ko mbaetɨi oyepoepɨ vae.