ISAÍAS 46:2 - Biblia Guarani Tumpa Iñee

² Jókuae tumpa-raanga reta opa oyeitɨ, mbaetɨ ipuere reta oyereroasayepe, opa vi oyererajauka ɨvɨ ambuae kotɨ.

ISAÍAS 46:2 ပူးပေါင်းရင်းမြစ်များ

2 SAMUEL 5:21

Jare filisteo reta opa oeya joko pe itumpa-raanga reta, David jare isundaro reta opa oapɨ.

ISAÍAS 30:6

Ɨvɨ Neguev pegua mbaeporou reta maratuta vae regua: Ɨvɨ jeta mbaesusere pɨpe vae rupi, jeta pɨpe yaguapope reta, mboi jare mboi oveve vae, jokoropi güɨraja reta imbaembae ikavigüe jare jepɨ vae mburika re jare camello re, güɨraja reta omboepɨ yemborɨ Egipto pe, tëta mbaetɨta ipuere omborɨ vae pe,

ISAÍAS 37:12

¿Cheñemuñagüe reta opa omboai tëtaguasu reta vae oepɨ yera itumpa-raanga reta? ¿Oepɨ yera tëta Gozán, Harán, Resef jare Edén pegua reta yogüɨreko Telasar pe vae?

ISAÍAS 37:19

jare opa jókuae tëtaguasu reta itumpa-raanga reta oapɨ oeya, echa tumpa eteä, kuimbae reta ipo pe oyapogüeño, ɨvɨra jare ita peguaño ko. Jáeramo ko opa reta omboai.

ISAÍAS 44:17

Jare jókuae ɨvɨra jembɨregüe oyapo tumpa-raangarä, javoi oyetavatɨka jóvai omboete vaerä, oyerure chupe körai: “¡Chereepɨ, nde ko chetumpa!”

ISAÍAS 45:20

Peyomboatɨ jare peyu opaete tëtaguasu pegua reta jembɨregüe. Mbaetɨ ko iyarakuaa jókuae tumpa-raanga ɨvɨra pegua ovoɨ güɨroata vae reta, jare oyerure reta jókuae oporoepɨ rapembae vae pe vae reta.

JEREMÍAS 48:7

Moab, reyerovia yae yepi mbaembae renoi vae re, ërei nde vi reñepɨ̈roukata. Netumpa-raanga Quemos oyererajata ïru ɨvɨ pe, isacerdote reta jare mburuvicha reta ndive.

JEREMÍAS 51:47

Jáeramo, oväeta ara amboai vaerä tumpa-raanga reta Babilonia pegua, kuae tëtaguasu oñemomaraiukata, jare tɨnɨeta tëogüe reta pe.

DANIEL 11:8

Opɨ̈rota güɨraja Egipto kotɨ itumpa-raanga reta, mbae iä reta jiero oyemondɨkui oyeapo vae pegua jare jembiporu reta ipöra yae vae korepoti pegua jare oro pegua. Ërei mbovɨ año rupi jae oyembosɨrɨta oiko mburuvicha guasu ɨvɨtuguasu kotɨgua güi,

NAHUM 1:14

Ërei ngatu Tumpa oporookuai ndekotɨ, mburuvicha guasu Nínive pegua: “Mbaetɨta neñemuña, nderee agüɨye vaerä ma jërakua; netumpa reta jo güi amboaita mbae iä reta, joko pe opata roñotɨ, echa oñereröɨrogüe ma ko nde.”

JUECES 18:24

Jare Micaía jei chupe reta: —Pe reta peru peraja chegüi chetumpa reta, che ayapo vae, jare peraja vi chegüi chesacerdote, jare chereeya köraiño. Jare peparandu yeño cheve: ¿Maratu ra aiko vae?

1 SAMUEL 5:3

Pɨareve ndeimbove pe Asdod pegua reta oecha itumpa Dagón oyepɨso oï ɨvɨ pe yandeYa ikäjou jóvai, jayave oupi reta oñono ye jenda pe.