ISAÍAS 46:10 - Biblia Guarani Tumpa Iñee

¹⁰ Che amoërakua mbaembae oasata vae, iyɨpɨ güive voi ma, jare arakae güive voi ma amoërakua mbaembae oasata vae. Che ayemongeta vae, oyeapota ko, ayemongeta ayapo vaerä vae, ayapota ko.

ISAÍAS 46:10 ပူးပေါင်းရင်းမြစ်များ

GÉNESIS 3:15

Añonota ñemotareɨ peyokotɨ, peñomotareɨ vaerä kuña ndive, neñemuña ndive jare kuña iñemuña ndive; jae ndembopereta neäka pe, jare nde rembopereta ipɨta pe.

GÉNESIS 49:10

Judá güi ngaraa kia ipuere opɨ̈ro mbaepuere, ngaraa vi ipo pegua oro pegua vae ave, ou regua Siloh, jókuae ipo pegua oro pegua iya, chupe opaete vae omeeta mbaemboete.

JOB 23:13

Ërei jae jei yave mbae oyapo vaerä, oyapo, ngaraa kia oipoepɨ iyemongeta.

SALMOS 135:6

Opaete yandeYa oipota vae, oyapo, ɨvate ara pe jare ɨvɨ pe, ɨguasu pe jare opaete ɨ rugua tɨpɨ yae vae pe.

SALMOS 33:11

ërei yandeYa iyemongeta, oikota jekuae avei.

PROVERBIOS 19:21

Kuimbae ipɨa pe jeta iyemongeta, ërei yandeYa jei vaeño ko oyeapota.

PROVERBIOS 21:30

YandeYa kotɨ mbaetɨ oime arakuaa, arakuaa katu ani yemboarakuaa.

ISAÍAS 10:12

Ërei yandeYa opa ma oyapo ɨvɨtɨ Sión pe jare Jerusalén pe oyapota vae yave, oinupata mburuvicha guasu Asiria pegua, ipɨapochɨ jare ipɨayemboete rupi oyapo jeko pegua.

ISAÍAS 14:24

YandeYa Imbaepuere yae ete vae jei jee re aeño: “Añetete, che ayemongeta rami oyeapota; ayemongeta oyeapo vaerä vae oyembopota ko.

ISAÍAS 25:1

CheYa, nde ko jae cheTumpa; tambotuicha jare tamboete nderee, echa reyapo jeta mɨakañɨ, ndeyemongeta arakae güive voi ma reyapo vae, añete vae ko jare oyembopo vae ko.

ISAÍAS 40:8

Ñana yɨpi, mbaepotɨ ipiru; ërei ngatu ñaneTumpa iñee oiko jekuae avei.”

ISAÍAS 41:21

YandeYa, Jacob iñemuña reta juvicha guasu jei: “Tumpa-raanga reta, peyu peyeepɨ, peyu peñemoë peyé.

ISAÍAS 41:4

¿Kia pa oyapo kuae? ¿Kia pa oyapo iyɨpɨ güive kërai yogüɨreko vaerä kuimbae reta? Che peYa, jae ko Tumpa, oikoño mai vae.

ISAÍAS 43:13

Che ko Tumpa oikoño mai vae. Mbaetɨ kia ipuere chemboavai. Mbaetɨ kia ipuere omboai che ayapogüe.”

ISAÍAS 44:7

¿Oime pa kia, che rami vae? Omoërakua vae jare imiari mbaembae oasata vae re vae. Oime yave emombeu cheve.

ISAÍAS 45:21

Pemiari oyoupii jare peikuaauka oyoupe, peparandu oyoupe: ¿Kia ra omombeu kuae regua iyɨpɨ güive voi? ¿Kia ra jei arakae güive voi ma? Che ko, che peYa ko ayapo jókuae. Mbaetɨ yé ko ïru Tumpa chegüi. Mbaetɨ yé ko chegüi ïru Tumpa jupi vae jare oporoepɨ vae.

ISAÍAS 46:11

Kuaraɨ oëa kotɨ güi aenɨi metei güɨraké rami vae, matɨ güi outa metei kuimbae aiparavo vae, outa oyapo ayemongeta ayapo vaerä vae. Jae vae, ayapota ko, ayemongeta ayapo vaerä vae, ambopota ko.

ISAÍAS 48:14

Peyemboatɨ opaete pe reta jare peyeapɨsaka: ‘¿Kia pa pegüi reta ipuere omombeu voi kuaekuae reta oasata vae? Kërai che, jókuae kuimbae aiparavo vae, oyapota ko Babilonia kotɨ che ayemongeta ayapo vaerä vae, jae ko Caldeaɨgua reta kotɨ.

ISAÍAS 48:3

Mbaembae oasa vae iyɨpɨ güive voi ma ko amombeu peve, che etei ko aikuaauka. Güɨramoiño amboɨpɨ ayapo jare opa oyembopo.

ISAÍAS 53:10

Ërei opaete kuae reve yandeYa oiporarauka chupe, omee oiporara yae vaerä. Omee jekove mano pe, mbaeyoa omboai vaerä yave, oechata iñemuña reta, oiko pukuta, jare ipo pe yandeYa jemimbota oë kavita.

ISAÍAS 55:11

jökoraita ko cheñee oë cheyuru güi vae; ngaraa ou ye jökoraiño chekotɨ, oyapota ko che aipota vae, jare ikavita ko jókuae amondo chupe vae reta pe.

JEREMÍAS 44:28

Jare mbovɨ oasayepe mano güi Egipto pe vae oyerova yeta ɨvɨ Judá pe. Jökorai, opaete Judáɨgua reta jembɨregüe, yogüɨraja ɨvɨ Egipto pe yogüɨreko vae reta, oechata kia iñee ra oyembopo vae, cheñee ra ani jae reta iñee ra.

EZEQUIEL 39:8

Mase, opaete kuae jae vae, oyembopota ko. Che peYa Tumpa jae körai. Jae ko kuae ara amoërakua vae.’

DANIEL 4:35

Opaete ɨvɨ pegua reta mbaeä etei ko. Jae oyapo jemimbota ara pe jare ɨvɨ pegua reta pe. Mbaetɨ kia ipuere oyopia imbaepuere jare jei chupe: ¿Mbae pa reyapo?’

OSEAS 5:9

Israel pegua ñemuña reta ipɨte pe aikuaauka añete vae, Efraín pegua reta okañɨteita tembiporara iara pe.

Hechos 15:18

Che peYa aikuaauka kuae arakae güive vae, jae körai.”

Hechos 3:23

Jare oime yave kia mbaetɨ oyeapɨsaka jókuae ñeemombeúa re vae, oyemombota ko ïru vae reta ipɨte güi.

Hechos 5:39

Ërei Tumpa güi ko ou yave, ngaraa pepuere pemboai. Echa güɨramoi Tumpa re ko peyovaicho peï.

Hebreos 6:17

Tumpa oipota yae oikuaauka kavi iyemongeta oyepoepɨmbae vae jókuae oñererökuavee chupe reta ramo, oñererökuavee iyé aeño.