ISAÍAS 45:5 - Biblia Guarani Tumpa Iñee

⁵ Cheño ko jae opaete vae iYa, mbaetɨ yé ko ïru; mbaetɨ yé ko ïru Tumpa chegüi. Che ko amee mbaepuere ndeve ñeraro peguarä, yepe tëi nde mbaetɨ chekuaa.

ISAÍAS 45:5 ပူးပေါင်းရင်းမြစ်များ

1 REYES 8:60

Jökorai oikuaa reta vaerä opaete ɨvɨ pegua tëtaguasu reta yandeYa jae ko Tumpa, mbaetɨ yé ïru Tumpa vae.

ESDRAS 1:2

“Ciro mburuvicha guasu Persia pegua jei körai: ‘PeYa Tumpa ara pe oï vae omee chepo pe opaete mborookuaía reta ɨvɨ pegua, jare cheokuai amopüa vaerä chupe tupao Jerusalén pe, ɨvɨ Judá pe.

JOB 12:18

Jae oyora mburuvicha guasu reta iporoäpɨti, jare oñapɨti tɨmasa pe.

JOB 12:21

Jae opɨ̈ro mburuvicha guasu reta iyemboetea, jare imbaepuere vae güi opɨ̈ro mbaepuere.

SALMOS 18:31

Echa, ¿oime ye pa ïru Tumpa cheYa Tumpa güi? ¿Oime pa ïru Tumpa ipuere yandereepɨ vae?

SALMOS 18:32

Tumpa ko jae chemomɨ̈rata vae, jae ombosɨmbi chereko.

SALMOS 18:33

Cheäkua cheapo guasukaka rami, chemopɨ̈rata jekuaeño ɨvatea rupi.

SALMOS 18:39

Echa nde chemomɨ̈rata ñoraro peguarä, remomichi cherovaicho reta cheve.

SALMOS 86:10

Echa nde ko Tumpa tuicha yae ete vae, ¡mɨakañɨ iyapoa! Mbaetɨ yé ïru Tumpa.

ÉXODO 9:14

echa añave opaete mbaerasɨ reta amondota nderé, nderembiokuai reta re, nerëta pegua reta re, reikuaa vaerä mbaetɨ ye ïru Tumpa che rami opaete kuae ɨvɨ pe vae.

ISAÍAS 22:21

amondeukata chupe nderemimonde, aumbɨkuata ndekuakuaa pe, amboasata chupe mbaepuere reta renoi tëi vae. Jare jae oïta Jerusalén pegua reta jare Judá pegua reta turä.

ISAÍAS 37:20

Añave, oreYa Tumpa, orereepɨ jókuae mburuvicha ipo güi, opaete tëtaguasu reta oikuaa vaerä, ndeño ko jae oreYa Tumpa añetete vae.”

ISAÍAS 43:10

YandeYa jei: “Pe reta ko jae pemombeu cheregua vae, cherembiokuai che aiparavo vae, chekuaa vaerä, perovia vaerä cheré, jare chekuaa vaerä kia ko che vae. Mbaetɨ yé ïru tumpa tenonde voi ma oiko chegüi vae, jare cheraɨkue rupi ngaraai vi oime ïru.

ISAÍAS 44:6

YandeYa, Israel iñemuña reta juvicha guasu jare jeepɨa, yandeYa Imbaepuere yae ete vae, jei: “Che ko, oikoño mai vae; mbaetɨ yé ïru Tumpa chegüi.

ISAÍAS 44:8

Ërei, ¡agüɨye pekɨɨye, peñemoäta ngatu! Amombeu ko peve jókuae iyɨpɨ güive voi, pe reta ko, cheregua omombeu vae. ¿Oime pa ïru Tumpa chegüi? Mbaetɨ yé ko ïru Imbaepuere yae vae; mbaetɨ aikuaa metei ave.”

ISAÍAS 45:1

YandeYa jei jembiparavo Ciro kotɨ. Che ko aipoko araja ipo pe, opaete tëtaguasu reta oñemomichi vaerä jae jeia re, mburuvicha guasu reta re güɨnoi vaerä mbaepuere. Che peYa aipeata öke reta Ciro japerä pe, ngaraa kia ipuere oyokenda chugüi. Jei ye vi chupe:

ISAÍAS 45:6

Opaete ketɨ rupi: Kuaraɨ oëa kotɨ, kuaraɨ oikea kotɨ oikuaa reta vaerä mbaetɨ yé ko ïru chegüi vae. Cheño ko jae opaete vae iYa, mbaetɨ yé ko ïru chegüi.

ISAÍAS 46:9

pemaendúa oasa arakae güive voi ma vae re. Che ko jae Tumpa, mbaetɨ yé ko ïru Tumpa; mbaetɨ yé oime che rami vae.

ISAÍAS 47:8

Jáeramo, eyeapɨsaka añave kuña, apiraiño omomora yae vae, nde reguapɨ kavi avei vae, rere ndepɨa pe: ‘Mbaetɨ yé kia chegüi; ngaraa apɨta imemano vae rami, ngaraa apɨta imembɨ opa omano vae rami.’

EZEQUIEL 30:24

Amopɨ̈ratata mburuvicha guasu Babilonia pegua iyɨva reta, jare chekɨsepuku añonota ipo pe, ërei Faraón iyɨva reta amopëta, jare jäseta jovaicho jóvai, metei ipere vae omanota vae jäse rami.

JOEL 2:27

jökorai peikuaata oime ko tëta Israel ipɨte pe che aï vae, jare che ko, jae peYa Tumpa jare mbaetɨ ye ko ïru; ¡jare chembae vae reta ngaraa ye ma oñemomaraiuka!

San Juan 1:1

Iyɨpɨ ete pe oiko Ñee. Jare jókuae Ñee oiko Tumpa ndive. Jae ko Tumpa etei.

DEUTERONOMIO 32:39

Pemae añave, che ko jae Tumpa jae vaeño, mbaetɨ ïru tumpa chegüi, che amee tekove jare che aekɨ, che aporombopere jare che aporopoano; ¡mbaetɨ kia ipuere oporoepɨ chepo güi!

DEUTERONOMIO 4:35

Oyekuaa peve peikuaa vaerä yandeYa jae ko Tumpa, mbaetɨ yé ïru chugüi.

DEUTERONOMIO 4:39

Jáeramo pemaendúa katu, peñono pepɨa pe yandeYa jae ko Tumpa, ara pe jare ɨvɨ pe, mbaetɨ yé kia.