ISAÍAS 45:19 - Biblia Guarani Tumpa Iñee

¹⁹ Che mbaetɨ ko chemiari vɨari, mbaetɨ ko cheñee amoë pɨtumimbía güi. Mbaetɨ jae Jacob iñemuña reta pe: ‘Chereeka, mbaetɨ kia oïa pe.’ Che peYa ko, chemiari jupi rupi jare isɨmbi rupi vae.

ISAÍAS 45:19 ပူးပေါင်းရင်းမြစ်များ

1 CRÓNICAS 28:8

‘Añave, opaete Israel jovake, kuae yandeYa imbae oyemboatɨ vae reta, jare ñaneTumpa oyeapɨsaka yanderé vae jóvai peñovatu kavi jare peyapo opaete yandeYa Tumpa iporookuai, peiko avei vaerä kuae ɨvɨ kavi pe javoi pepuere peeya kuri peraɨ reta peguarä jekuae avei pegua.

2 CRÓNICAS 15:2

jare oë oövaiti Asa, jei chupe: “¡Peyeapɨsaka cheré Asa, Judá jare Benjamín pegua reta! YandeYa oïta pe reta ndive pe reta peï yave jae ndive. Pe reta peeka yave peväeta chupe, ërei peeya yave jae pereeyata vi.

2 CRÓNICAS 7:14

ërei chembae vae reta, jese reta cheree oyemboeteuka vae oñemomichi reve oyerure reta chereeka yave, jare oyepoepɨ reta jeko ikavimbae güi yave, che aenduta iyerure reta ara güi jare cheɨ̈rota chupe reta iyoa re, jare iɨvɨ pe oime yeta jeta mbaembae.

ESDRAS 8:22

Echa che chemara aiporu mburuvicha guasu pe sundaro reta kavayu regua reta oreangareko vaerä tape rupi tovaicho reta güi, echa roe ko mburuvicha guasu pe: “Tumpa oepɨ ko opaete oyeko jese vae, ërei iyarasɨ jare imbaepuere oï ko mbaetɨ oyeko jese vae reta re.”

SALMOS 12:6

YandeYa iñee ikɨambae ko; ¡korepoti oyeambae rami ko, oyekɨa yoe kavi yae horno pe vae rami!

SALMOS 24:6

Jökorai ko oeka Tumpa vae reta, Jacob iTumpa oeka vae reta.

SALMOS 69:13

CheRu Tumpa, añave ayerure ndeve ndepɨakavi re; cheRu Tumpa, ndeporoparareko tuicha yae vae re, ndeporogüɨroasayepe añete vae re, ¡eendu cheve!

SALMOS 69:32

Jasɨ katu rupi yogüɨreko vae reta oechata jare oyeroviata. Peeka Tumpa, jare pepɨa oyerovia katuta.

SALMOS 78:34

Tumpa ombou chupe reta mano yave, jayave oyerova reta ikotɨ jare oeka reta ikueraimbae.

SALMOS 9:10

CheYa Tumpa, nderé oyekota ndekuaa vae reta, echa mbaetɨ reeya ndereeka vae reta.

PROVERBIOS 1:21

Osapúkai jeta vae oyemboatɨa rupi, tëta guasu jöke reta rupi, jei:

PROVERBIOS 15:8

Ikaviä yae ko yandeYa pe, iyoa vae reta omee mɨmba oyeyukagüe chupe yave, ërei omboyerovia, jupi vae reta iyerure.

PROVERBIOS 30:5

Opaete Tumpa iñee, ikɨambae ko, jae ko yeopiaka, opaete jese güɨ rovia vae reta peguarä.

PROVERBIOS 8:6

Peyeapɨsaka, chemiarita peve mbae ikavi yae vae re, ñee isɨmbigüe re.

ISAÍAS 1:15

Pepo peupi peyerure yave, ngaraa amae peré; yepe tëi jeta peyerure, che ngaraa aendu. Pepo reta tugüɨ yepeai penoi.

ISAÍAS 43:12

YandeYa jei: “Che ko amombeu, che ko amoërakua; che ko poepɨ; tumpa ambuaeä ko oyapo, pe reta ko jae pemombeu cheregua vae.

ISAÍAS 44:8

Ërei, ¡agüɨye pekɨɨye, peñemoäta ngatu! Amombeu ko peve jókuae iyɨpɨ güive voi, pe reta ko, cheregua omombeu vae. ¿Oime pa ïru Tumpa chegüi? Mbaetɨ yé ko ïru Imbaepuere yae vae; mbaetɨ aikuaa metei ave.”

ISAÍAS 45:23

Cheyé aeño ko añererökuavee, cheyuru güi ko oë ñee jupi vae, jare ngaraa ko opɨta oyembopombae: Opaete vae oyetavatɨkata cheróvai, jare cheree reño jei retata mbaembae oyapo vaerä vae,

ISAÍAS 45:25

Cheré opaete Israel iñemuña reta oyembojupita jare oyemboeteta.”

ISAÍAS 48:16

Peya katu cheré jare peyeapɨsaka: Iyɨpɨ güive, mbaetɨi chemiari vɨari; jókuae mbaembae reta oyemboɨpɨ oyembopo yave, che oime aiko joko pe. Jayave peYa Tumpa jare iEspíritu ko chembou.’

ISAÍAS 63:1

—¿Kia pa kuae ou ɨvɨ Edom güi, tëta Bosra güi vae, jemimonde moropɨ̈ta ou vae? ¿Ipöra yae jemimonde vae, jare oguata imbaepuere yae reve vae? —Che ko, mbaejupi vae omoërakua vae, chembaepuere yae rupi oporoepɨ vaerä vae.

ISAÍAS 65:9

Amoñemuñata Jacob, Judá amoñemuñata yogüɨreko vaerä ɨvɨtɨ re. Cherembiparavo reta oiketa yogüɨreko jókuae ɨvɨ pe, joko pe yogüɨrekota cherembiokuai reta.

ISAÍAS 8:19

Jare jei reta yave peve: “Peparandu imbaekuaa vae reta pe, jare mbae maratuta vae imombeúa reta pe.” Ërei pe pere chupe reta: “¿Mbaetɨta pa tëta oparandu iTumpa pe? ¿Oparanduta ra omanogüe vae reta jekove pe, oikove vae reta regua?”

JEREMÍAS 2:31

Israel iñemuña reta añave pegua, peyeapɨsaka che peYa iñee re. ¿Ñuu pa ko che ndeve? ani, ¿metei ɨvɨ pɨtumimbi vae pa? Tëta chembae vae: ¿Maera pa rere: ‘Nderembipɨɨä ko ore; ngaraa ye ma royerova ndekotɨ’?

AMÓS 5:4

YandeYa jei Israel iñemuña reta pe: “Peyu chekotɨ jare peikoveta.

San Juan 18:20

Jayave Jesús jei chupe: —Che chemiari ko opaete vae jovake. Aporomboe avei judío reta itupao reta pe jare tupao pe, judío reta jeta oyemboatɨa pe. Mbaetɨi chemiari vɨari.

San Juan 7:26

Ërei mase, ko oï kuae pe, imiari oï opaete vae jóvai. Ërei mbaetɨ kia mbae jei chupe. ¿Oikuaa ma ra yanderuvicha reta jae ko Cristo vae?

San Juan 7:28

Jáeramo Jesús oporomboe tupao pe oï yave, iñeeäta reve jei: —Pe reta chekuaa ko, jare peikuaa ko ketɨ güi ayu vae. Ërei mbaetɨ ko ayu cheyeugüi aeño. Echa chembou vae añetete vae ko, pe reta mbaetɨ peikuaa vae.

DEUTERONOMIO 29:29

Opaete mbaembae yaikuaambae, yandeYa Tumpaño ko oikuaa; ërei oikuaauka vae yandeveguarä ko jare yanderaɨ reta peguarä ko, jekuae avei pegua, yayapo vaerä opaete ñee reta kuae mborookuai pe oyekuatía oï vae.

DEUTERONOMIO 32:4

Jae ko Ita guasu rami; jembiapo ikavi yae ko, echa opaete jemimbota reta sɨmbi vae ko, Tumpa ko añete pegua, mbaetɨ jese ikavimbae. ¡Jae jupi ko, jare sɨmbi ko!

Santiago 4:3

Peyerure tëi, ërei mbaetɨ pemboresive, echa peyerure kaviä. Echa peyerure mbaembae re peiporu vaerä pepɨa jei vae reño.