ISAÍAS 45:14 - Biblia Guarani Tumpa Iñee

¹⁴ YandeYa jei körai Ciro pe: “Egiptoɨgua reta iparavɨkɨ reta, Etiopíaɨgua omaemee vae reta, Sabáɨgua reta, kuimbae ipuku vae reta, opata oñemee ndeve jare yogüɨrekota nderembiokuairä; reñapɨtita opa reraja nderaɨkue, oyetavatɨka retata nderóvai jare nemoñera retata körai: ‘Añetete oime Tumpa oï nde ndive, mbaetɨ ïru Tumpa chugüi.’ ”

ISAÍAS 45:14 ပူးပေါင်းရင်းမြစ်များ

GÉNESIS 27:29

Toyeokuai ndeve opaete vae, Tëtaguasu reta toyetavatɨka nderóvai; eporookuai nerëtara reta re. Ndesɨ imembɨ reta toyetavatɨka nderóvai. Yepopeyu toï, oyepopeyu nderé vae re, jare mborerekua toï jei ñee kavi ndekotɨ vae reta re.”

2 SAMUEL 21:20

Jaɨkue rupi oime ye ñeraro Gat pe. Joko pe oiko metei kuimbae ipuku yae vae, doce ipɨ̈sa jare doce vi ipoäka; opaete reve veinticuatro; kuae jae vi kuimbae puku vae reta iñemuñagüe,

ESTER 8:17

Opaete tëta ñavo mburuvicha guasu iporookuai ojoa rupi, Judáɨgua reta oyerovia yae jare ipɨakatu, jare oyapo reta arete okaru vaerä jókuae ara. Jare jeta jókuae tëtaɨgua reta oyeapo Judaɨguarä, echa okɨɨye reta Judáɨgua reta güi.

JOB 1:15

Oreparanoe oyekuaa Sabáɨgua reta jare opa oyuka tembiokuai reta kɨsepuku pe; cheño etei atekuarai ayu vaerä chemiari ndeve.

JOB 11:19

Reyapakua yave, ngaraa kia nemongɨɨye, jeta yogüeruta oeka ndeve ndeporomborɨ vae.

SALMOS 149:6

Peyuru pe pembotuicha Tumpa, jare penoi reve pepo pe kɨsepuku jaimbe yoyavi vae,

SALMOS 149:8

juvicha guasu reta jare kuimbae imbaepuere yae vae reta peñapɨti vaerä karena jiero pegua pe,

ÉXODO 11:8

Jare yogüeruta opaete ndemborɨa reta cheróvai, jare oyetavatɨkata cheróvai jei reve: “Ekua, jare eraja opaete kuae tëta oï ndepo igüɨ pe vae.” Kuae jaɨkue rupi ramo aëta. Jare Moisés iyarasɨ yae oë ojo Faraón jóvai güi.

ISAÍAS 10:33

Mase, yandeYa Tumpa Imbaepuere yae ete vae, opa oitɨ ipïrimbae reve ɨvɨra reta; opa oyasɨa ɨvɨra ɨvate vae reta, opa oa ɨvɨra ɨvate yae vae reta.

ISAÍAS 18:1

¡Paravete, ɨvɨ ñatíu ipepo jɨapu oyeendu pɨpe vae, jókuae ɨvɨ oï Etiopía iɨ̈aka güi kutɨ ye vae,

ISAÍAS 18:7

Jókuae ara, kuimbae ipuku jare jundaiasɨ vae reta, ikɨɨyea yae avei reta opaete ketɨ rupi vae, imbaepuere yae jare oporomoamɨri avei vae reta, iɨvɨ rupi ɨ̈aka katuai vae reta, güeru retata mbota yandeYa Imbaepuere yae ete vae pe. Güeru retata ɨvɨtɨ Sión pe, yandeYa Imbaepuere yae ete vae jee oñeenɨia pe.

ISAÍAS 19:21

YandeYa oyekuaaukata Egiptoɨgua reta pe, jae reta oikuaata jare omboeteta, omeeta chupe mɨmba oyeyukagüe jare mbota. Oñererökuavee retata yandeYa pe jare ombopo retata iñee chupe.

ISAÍAS 19:22

YandeYa ombopereta Egipto, ërei jaɨkue rupi ombogüerata. Jae reta oyerovata yandeYa kotɨ, jare jae oipararekota omae jese reta jare ombogüerata.

ISAÍAS 23:18

Ërei opaete omonganagüe oñeñono teeta yandeYa peguarä, mbaetɨta omboɨru ani oñovatu reta iyeupe, omee retata yandeYa jembiokuai reta pe, jae reta ogua vaerä jeta tembíu jare temimonde ikavigüe.

ISAÍAS 43:3

Echa, che ndeYa Tumpa ndereroasayepe vae ko, Tumpa Iyoambae Israel pegua. Che ko rogua; amee ko nderekovia pe Egipto, Etiopía jare Sabá.

ISAÍAS 44:8

Ërei, ¡agüɨye pekɨɨye, peñemoäta ngatu! Amombeu ko peve jókuae iyɨpɨ güive voi, pe reta ko, cheregua omombeu vae. ¿Oime pa ïru Tumpa chegüi? Mbaetɨ yé ko ïru Imbaepuere yae vae; mbaetɨ aikuaa metei ave.”

ISAÍAS 45:24

jare jei retata: ‘YandeYa reño ko oime jupi vae jare mbaepuere.’ Jare opaete oyemboyovaicho chekotɨ vae reta, oñemomaraiukata ko.

ISAÍAS 49:23

Mburuvicha guasu reta ñogüɨnoita ndeangareko vaerä, jare tayɨ reta ñogüɨnoita oyangareko vaerä nemichia reta re. Oyetavatɨka retata nderóvai ɨvɨ re ndemboete, jare ndepɨ oipɨte retata. Jare chekuaata che ko jae peYa vae, jare kërai cheré güɨrovia vae reta ngaraa oñemomaraiuka.”

ISAÍAS 54:3

echa ndeakatu kotɨ jare ndeasu kotɨ reñemoaita; neñemuña reta opɨ̈rota iyeupe tëtaguasu reta, oñemoëta retata tëta guasu reta ipombaea rupi.

ISAÍAS 55:5

Mase, reenɨita kuimbae reikuaambae reta, jare kuimbae ndekuaambae reta yogüeruta ndekotɨ, che ndeYa Tumpa jeko pegua, Iyoambae Israel pegua ndemboeteuka vae jeko pegua.

ISAÍAS 60:3

Jare nderembipe kotɨ yogüeruta tëtaguasu reta, mburuvicha guasu reta yogüeruta vi nderembipe kotɨ.

ISAÍAS 61:9

Jërakua yaeta iñemuña reta opaete tëtaguasu reta rupi; opaete oecha vae, oikuaata jae ko metei tëta Tumpa iporerekua jese vae.

JEREMÍAS 16:19

CheYa Tumpa, cheñepɨ̈roa jare chemopɨ̈rata vae, cheñepɨ̈roa susere iara pe; ndekotɨ yogüeruta tëtaguasu pegua reta, jare jei retata: “Oreñemuñagüe reta omboresive tumpa-raanga retaño imbaerä, mbaetɨ mbaepuere güɨnoi vae jare osirivembae reta.

EZEQUIEL 23:42

Jɨapu oyeendu jeta vae reta oyapo arete jae reta ndive vae; kuae reta yogüeru ñuu güi ípɨri reta; jae reta güeru oñono poapɨ regua ipoapɨ reta re, jare äka-regua ipöragüe iñäka reta re.

EZEQUIEL 31:3

Nde ko, ɨ̈vɨrare Líbano pegua rami, jäka reta ipöra jare tëɨ yae, jäka ɨvateasɨ yae.

JOEL 3:8

Ameeta peraɨ reta jare perayɨ reta, Judaɨgua reta pe, jare jae reta opata omee Sabaɨgua reta pe, jae ko matɨ tëtaguasu oiko vae; echa yandeYa ko jei kuae.”

NÚMEROS 13:32

Jare jókuae ɨvɨ re yogüɨraja omae vae reta mbaetɨ imiari kavi Israel iñemuña reta pe, jókuae ɨvɨ oechagüe re, jei reta: —Jókuae ɨvɨ rojo romae jese vae ipo reta oyomondo yepembae ko; opaete joko pegua reta ipukugüe katuai ko.

1 Corintios 14:25

jökorai oyekuaata chupe opaete ipɨa pe oï vae, jare oyetavatɨkata omboete reve Tumpa, jare jeita kërai añetete Tumpa oiko pepɨte pe.

1 Tesalonicenses 1:9

Echa jae reta etei omombeu ïru vae reta pe kërai ore rojo perëta pe yave kërai oremboresive vae re, jare kërai peeya tumpa-raanga reta jare peyerova Tumpa kotɨ, peyeokuai vaerä Tumpa oikove vae jare añetete vae kotɨ,

Apocalipsis 3:9

Mase, aruta nderóvai oyetavatɨka vaerä Satanás imbae reta, jókuae judío jei iyeupe vae reta, ërei mbaetɨ ko, iyapu reta ko. Toikuaa reta che poaɨu ko vae.