ISAÍAS 44:8 - Biblia Guarani Tumpa Iñee

⁸ Ërei, ¡agüɨye pekɨɨye, peñemoäta ngatu! Amombeu ko peve jókuae iyɨpɨ güive voi, pe reta ko, cheregua omombeu vae. ¿Oime pa ïru Tumpa chegüi? Mbaetɨ yé ko ïru Imbaepuere yae vae; mbaetɨ aikuaa metei ave.”

ISAÍAS 44:8 ပူးပေါင်းရင်းမြစ်များ

GÉNESIS 46:3

Jayave Tumpa jei: —Che ko jae Tumpa, nderu iTumpa; agüɨye ekɨɨye reo vaerä Egipto pe, echa joko pe che ayapota ndegüi tëta tuichagüe.

GÉNESIS 48:19

Ërei ngatu tu mbaetɨ oipota, jare jei: —¡Aikuaa ko cheraɨ! ¡Che aikuaa ko! Jae oikota vi ko tëta tuicha yae vaerä; ërei ngatu tɨvɨ ko tuicha yae eteta chugüi, iñemuña reta omopüata jeta tëtaguasu reta.

2 SAMUEL 22:32

¿Oime ye pa ïru Tumpa, yandeYa güi? ¿Oime ye pa ïru Tumpa ipuere yandereepɨ vae?

ESDRAS 1:2

“Ciro mburuvicha guasu Persia pegua jei körai: ‘PeYa Tumpa ara pe oï vae omee chepo pe opaete mborookuaía reta ɨvɨ pegua, jare cheokuai amopüa vaerä chupe tupao Jerusalén pe, ɨvɨ Judá pe.

ESDRAS 8:22

Echa che chemara aiporu mburuvicha guasu pe sundaro reta kavayu regua reta oreangareko vaerä tape rupi tovaicho reta güi, echa roe ko mburuvicha guasu pe: “Tumpa oepɨ ko opaete oyeko jese vae, ërei iyarasɨ jare imbaepuere oï ko mbaetɨ oyeko jese vae reta re.”

SALMOS 18:31

Echa, ¿oime ye pa ïru Tumpa cheYa Tumpa güi? ¿Oime pa ïru Tumpa ipuere yandereepɨ vae?

SALMOS 18:32

Tumpa ko jae chemomɨ̈rata vae, jae ombosɨmbi chereko.

SALMOS 86:10

Echa nde ko Tumpa tuicha yae ete vae, ¡mɨakañɨ iyapoa! Mbaetɨ yé ïru Tumpa.

ISAÍAS 17:10

echa neakañɨ Tumpa ndereepɨ vae güi, mbaetɨ nemaendúa jae ko neñepɨ̈roa vae, ërei jaeño reñotɨ temitɨ ikavigüe, temitɨ matɨ güi oyererugüe,

ISAÍAS 26:4

Peyeko avei yandeYa Tumpa re, echa jae ko ñepɨ̈roa opambae.

ISAÍAS 30:29

Ërei peveguarä oimeta tairari, arete Pascua pe rami; pepɨa oyeroviata, kia nunga vae oyerovia reve mimbɨ iñee ndive ojo yandeYa iɨvɨtɨ kotɨ rami, Imbaepuere yae vae Israel pegua kotɨ.

ISAÍAS 41:23

pemombeu oreve mbaembae ko outa kuri vae, roikuaa vaerä añetete ko pe reta jae tumpa reta vae. Peechauka oreve ikavi vae ani ikavimbae vae yepe, oremiari vaerä jese jare orepɨakañɨ vaerä.

ISAÍAS 42:9

Mase, kërai oyembopo opaete mbaembae amoërakua iyɨpɨ güive voi vae, jare añave amoërakua ye mbae ipɨau vae, amombeu peve ndei oyekuaa mbove.”

ISAÍAS 43:10

YandeYa jei: “Pe reta ko jae pemombeu cheregua vae, cherembiokuai che aiparavo vae, chekuaa vaerä, perovia vaerä cheré, jare chekuaa vaerä kia ko che vae. Mbaetɨ yé ïru tumpa tenonde voi ma oiko chegüi vae, jare cheraɨkue rupi ngaraai vi oime ïru.

ISAÍAS 43:11

Che ko peYa, mbaetɨ yé ko oime chegüi ïru ipuere oporoepɨ vae.”

ISAÍAS 43:12

YandeYa jei: “Che ko amombeu, che ko amoërakua; che ko poepɨ; tumpa ambuaeä ko oyapo, pe reta ko jae pemombeu cheregua vae.

ISAÍAS 43:9

Toyemboatɨ opaete tëtaguasu reta jare opaete tëta reta. ¿Kia pa chugüi reta arakae omombeu kuae mbaembae oasata vae, ani arakae mbaembae oasagüe reta ndei oasa yave voi ma omoërakua reta vae? Oime kia oecha jae reta jeigüe oyembopo ko vae yave, tou jare timiari kuae pe añetete ko vae.”

ISAÍAS 44:2

NdeYa, ndeApoa ko che, che ko roapo, ndei rea mbove voi, che ko romborɨta. Agüɨye ekɨɨye, Jesurún, Jacob iñemuña reta, cherembiokuai, cherembiparavo,

ISAÍAS 44:6

YandeYa, Israel iñemuña reta juvicha guasu jare jeepɨa, yandeYa Imbaepuere yae ete vae, jei: “Che ko, oikoño mai vae; mbaetɨ yé ïru Tumpa chegüi.

ISAÍAS 45:19

Che mbaetɨ ko chemiari vɨari, mbaetɨ ko cheñee amoë pɨtumimbía güi. Mbaetɨ jae Jacob iñemuña reta pe: ‘Chereeka, mbaetɨ kia oïa pe.’ Che peYa ko, chemiari jupi rupi jare isɨmbi rupi vae.

ISAÍAS 46:9

pemaendúa oasa arakae güive voi ma vae re. Che ko jae Tumpa, mbaetɨ yé ko ïru Tumpa; mbaetɨ yé oime che rami vae.

ISAÍAS 48:3

Mbaembae oasa vae iyɨpɨ güive voi ma ko amombeu peve, che etei ko aikuaauka. Güɨramoiño amboɨpɨ ayapo jare opa oyembopo.

ISAÍAS 48:5

tenonde güive voi ma amombeu peve, ndei oasa mbove amombeu peve. Agüɨye vaerä pere: ‘Ñanetumpa ko oyapo, tumpa iä yayapo vae ko oyapo kuaekuae.’

JEREMÍAS 10:7

Nde ko tëtaguasu reta Juvicha guasu, ¿kia pa oipoɨu potaä ndegüi? Jupi ko ndegüi oipoɨu vaerä opaete vae. Echa opaete yarakuaa katu vae reta güi jare mburuvicha guasu reta ɨvɨ pegua güi, mbaetɨ kia nde rami.

DANIEL 2:28

Ërei oime metei Tumpa ara pe, jae oechauka yaikuaambae vae, jae ko oikuaauka nde mburuvicha guasu Nabucodonosor pe mbaembae ko oasata kuri vae. Mase, kuae ko jae ndepaɨu, nderupa pe reï yave reecha vae reta.

DANIEL 2:47

Jare mburuvicha guasu jei Daniel pe: —Añetete yepe peTumpa güɨnoi mbaepuere tumpa reta güi, jare imbaepuere yae mburuvicha guasu reta güi, jare jae oikuaauka yaikuaa rapeä vae, echa ndepuere reikuaauka cheve kuae aikuaa rapeä vae.

DANIEL 4:25

Ndemombo retata kuimbae reta ipɨte güi, jare reikota mɨmba reta ñana rupigua ndive, jare ñana kaa rupigua reuta guaka reta rami, jare ɨsápɨi pe neäkɨta; jare jökorai reikota chiu año, reikuaa regua Tuichagüe yae ete vae ko güɨnoi mbaepuere kuimbae reta iporookuaía re, jare jae omee mborookuaía kia nunga vae pe oipota omee yave.

DANIEL 6:22

CheTumpa ombou iaraɨgua, jae oyopia yaguapope reta iyuru, agüɨye vaerä maratu cheapo, echa jae jóvai mbaetɨ ko chereko; jare nderóvai ave mbaetɨ mbae ikavimbae ayapo mburuvicha guasu.

JOEL 2:27

jökorai peikuaata oime ko tëta Israel ipɨte pe che aï vae, jare che ko, jae peYa Tumpa jare mbaetɨ ye ko ïru; ¡jare chembae vae reta ngaraa ye ma oñemomaraiuka!

San Juan 1:1

Iyɨpɨ ete pe oiko Ñee. Jare jókuae Ñee oiko Tumpa ndive. Jae ko Tumpa etei.

San Juan 10:30

CheRu jare che meteiño ko.

San Juan 6:10

Jayave Jesús jei: —Peyókuai oguapɨ reta vaerä kapiiata re. Jayave jókuae oguapɨ vae reta, oupitɨ cinco mil rupi kuimbae reta.

Hechos 1:8

Ërei pe reta penoita mbaepuere ou yave Espíritu Santo peré, jare pemombeuta cheregua Jerusalén pe, opaete Judea rupi, Samaria rupi jare opaete ɨvɨ rupi.

Hechos 14:15

—Kuimbae reta, ¿maera pa peyapo kuae? Ore kuimbae reta pe reta ramiño ko. Romoërakua peve peyerova vaerä kuae ikavimbae peyapo vae güi Tumpa oikove vae kotɨ. Jae ko oyapo ara, ɨvɨ, ɨguasu jare opaete mbaembae pɨpe oime vae.

DEUTERONOMIO 32:31

Echa jae reta jeepɨa ita guasu rami vae, mbaetɨ ko Ita guasu yandereepɨa rami, jae reta oikuaa kavi yae ko jókuae.

DEUTERONOMIO 32:39

Pemae añave, che ko jae Tumpa jae vaeño, mbaetɨ ïru tumpa chegüi, che amee tekove jare che aekɨ, che aporombopere jare che aporopoano; ¡mbaetɨ kia ipuere oporoepɨ chepo güi!

DEUTERONOMIO 32:4

Jae ko Ita guasu rami; jembiapo ikavi yae ko, echa opaete jemimbota reta sɨmbi vae ko, Tumpa ko añete pegua, mbaetɨ jese ikavimbae. ¡Jae jupi ko, jare sɨmbi ko!

DEUTERONOMIO 4:35

Oyekuaa peve peikuaa vaerä yandeYa jae ko Tumpa, mbaetɨ yé ïru chugüi.

DEUTERONOMIO 4:39

Jáeramo pemaendúa katu, peñono pepɨa pe yandeYa jae ko Tumpa, ara pe jare ɨvɨ pe, mbaetɨ yé kia.

Hebreos 12:1

Jáeramo, ñanoi ko jeta yae omae yanderé vae yandeɨ́vɨri rupi, Jáeramo yamombo yandeyeugüi opaete yandemboavai vae jare yandeyoa, jare ñañoñókuai yandepɨa guasu reve yanderenonde kotɨ ñoñókuai ñanoi vae.

1 Juan 1:2

Jókuae Ñee tekove opambae vae etei ko, ore etei roecha. Romoërakua peve jae ko tekove opambae vae. Jae oimeño mai oiko yandeRu Tumpa ndive, ërei oyekuaa oreve.

1 SAMUEL 2:2

¡Mbaetɨ kia iyoambae nde rami cheYa! ¡Echa mbaetɨ yé kia nde rami! ¡Jare mbaetɨ kia oporoepɨ nde oreTumpa rami!