ISAÍAS 44:7 - Biblia Guarani Tumpa Iñee

⁷ ¿Oime pa kia, che rami vae? Omoërakua vae jare imiari mbaembae oasata vae re vae. Oime yave emombeu cheve.

ISAÍAS 44:7 ပူးပေါင်းရင်းမြစ်များ

ISAÍAS 19:12

¿Jama pa jókuae iyarakuaa katu vae reta?, tei reta ndeve añave, tomombeu reta ndeve, mbae ra yandeYa Imbaepuere yae ete vae oyemongeta Egipto kotɨ vae.

ISAÍAS 41:22

Peyu pemombeu oreve mbae oasata vae, ani pemombeu oreve mbaembae iyɨpɨ güive oasa ma vae, jare toroyeapɨsaka jese; pemombeu oreve mbaembae oasata vae, toroikuaa mbae pe opata iyapɨ vae;

ISAÍAS 41:23

pemombeu oreve mbaembae ko outa kuri vae, roikuaa vaerä añetete ko pe reta jae tumpa reta vae. Peechauka oreve ikavi vae ani ikavimbae vae yepe, oremiari vaerä jese jare orepɨakañɨ vaerä.

ISAÍAS 41:26

¿Kia pa kuae omombeu iyɨpɨ güive voi ma roikuaa vaerä? ¿Kia pa omombeu arakae kuae regua, roikuaa vaerä jupi ko vae? Mbaetɨ ko kia ave omombeu kuae, mbaetɨ kia ave oendu pemombeu kuae regua.

ISAÍAS 41:4

¿Kia pa oyapo kuae? ¿Kia pa oyapo iyɨpɨ güive kërai yogüɨreko vaerä kuimbae reta? Che peYa, jae ko Tumpa, oikoño mai vae.

ISAÍAS 43:12

YandeYa jei: “Che ko amombeu, che ko amoërakua; che ko poepɨ; tumpa ambuaeä ko oyapo, pe reta ko jae pemombeu cheregua vae.

ISAÍAS 43:9

Toyemboatɨ opaete tëtaguasu reta jare opaete tëta reta. ¿Kia pa chugüi reta arakae omombeu kuae mbaembae oasata vae, ani arakae mbaembae oasagüe reta ndei oasa yave voi ma omoërakua reta vae? Oime kia oecha jae reta jeigüe oyembopo ko vae yave, tou jare timiari kuae pe añetete ko vae.”

ISAÍAS 45:21

Pemiari oyoupii jare peikuaauka oyoupe, peparandu oyoupe: ¿Kia ra omombeu kuae regua iyɨpɨ güive voi? ¿Kia ra jei arakae güive voi ma? Che ko, che peYa ko ayapo jókuae. Mbaetɨ yé ko ïru Tumpa chegüi. Mbaetɨ yé ko chegüi ïru Tumpa jupi vae jare oporoepɨ vae.

Hechos 17:26

Jae oyapo metei kuimbae güi opaete vae reta yogüɨreko vaerä ɨvɨ iárambo. Tumpa etei ko omee ɨvɨ pegua reta pe kërai yave jare kia pe yogüɨreko vaerä.

DEUTERONOMIO 32:8

Imbaepuere yae ete vae omboyao yao yave ɨvɨ tëtaguasu reta pe, jare kuimbae reta ɨvɨ ipo ave opa omboyao yao yave, ojäa ɨvɨ jembeɨ ñavo, Israel iñemuña reta iñavo,