ISAÍAS 44:6 - Biblia Guarani Tumpa Iñee

⁶ YandeYa, Israel iñemuña reta juvicha guasu jare jeepɨa, yandeYa Imbaepuere yae ete vae, jei: “Che ko, oikoño mai vae; mbaetɨ yé ïru Tumpa chegüi.

ISAÍAS 44:6 ပူးပေါင်းရင်းမြစ်များ

SALMOS 86:10

Echa nde ko Tumpa tuicha yae ete vae, ¡mɨakañɨ iyapoa! Mbaetɨ yé ïru Tumpa.

ISAÍAS 33:22

Echa yandeYa ko jae oporojäa vae yandevegua, jae ko omee yandeve mborookuai vae, jae ko yandeRuvicha guasu, jae etei ko yandereepɨta.

ISAÍAS 37:16

“CheYa Imbaepuere yae ete vae, Israel iTumpa, araɨgua reta querubín iä ipäu pe oiko vae, ndeño ko jae opaete mburuvicha guasu reta ɨvɨ pegua juvicha guasu; nde ko reyapo ara jare ɨvɨ.

ISAÍAS 37:20

Añave, oreYa Tumpa, orereepɨ jókuae mburuvicha ipo güi, opaete tëtaguasu reta oikuaa vaerä, ndeño ko jae oreYa Tumpa añetete vae.”

ISAÍAS 40:18

¿Kia ndive pa pepuere pemboyovake Tumpa? ¿Mbae iä pa peyapota Tumpa iärä?

ISAÍAS 41:14

YandeYa jei: “Israel, Jacob iñemuña reta, yepe tëi mbovɨ yae peiko ani ndepɨtu yae, ërei agüɨye ekɨɨye; che ko romborɨ. Che, Tumpa Iyoambae Israel pegua ko jae ndeReepɨ vae.

ISAÍAS 41:21

YandeYa, Jacob iñemuña reta juvicha guasu jei: “Tumpa-raanga reta, peyu peyeepɨ, peyu peñemoë peyé.

ISAÍAS 41:4

¿Kia pa oyapo kuae? ¿Kia pa oyapo iyɨpɨ güive kërai yogüɨreko vaerä kuimbae reta? Che peYa, jae ko Tumpa, oikoño mai vae.

ISAÍAS 42:8

Che ko ndeYa, kuae ko jae cheree; ïru vae pe ngaraa amee cheyemboetea, jare tumpa-raanga reta pe ave ngaraa amee cheyemboetea.

ISAÍAS 43:1

Añave, Israel, Jacob iñemuña reta, yandeYa, ndeapoa jei ndeve körai: “Agüɨye ekɨɨye, che ko roepɨ; che ko reenɨi, chembae ko nde.

ISAÍAS 43:9

Toyemboatɨ opaete tëtaguasu reta jare opaete tëta reta. ¿Kia pa chugüi reta arakae omombeu kuae mbaembae oasata vae, ani arakae mbaembae oasagüe reta ndei oasa yave voi ma omoërakua reta vae? Oime kia oecha jae reta jeigüe oyembopo ko vae yave, tou jare timiari kuae pe añetete ko vae.”

ISAÍAS 44:24

Körai jei yandeYa, ndeReepɨ vae, ndei rea mbove voi ma ndeapo vae: “Che peYa, jae ko opaete mbaembae iyapoa, che ko ayapo ara jare ɨvɨ, mbaetɨ kia chemborɨ reve.

ISAÍAS 44:8

Ërei, ¡agüɨye pekɨɨye, peñemoäta ngatu! Amombeu ko peve jókuae iyɨpɨ güive voi, pe reta ko, cheregua omombeu vae. ¿Oime pa ïru Tumpa chegüi? Mbaetɨ yé ko ïru Imbaepuere yae vae; mbaetɨ aikuaa metei ave.”

ISAÍAS 48:12

“Peyeapɨsaka Israel, Jacob iñemuña reta, che roenɨi vae ko nde. Che ko Tumpa jaevaeño vae, che ko, oikoño mai vae.

ISAÍAS 48:17

Körai jei yandeYa, ndeReepɨ vae, Tumpa Iyoambae Israel pegua: ‘Che ko jae ndeYa Tumpa, ndemboe kavi yae vae, ndemboe kërai reiko vaerä vae.

ISAÍAS 54:5

Echa ndeApoa ko jae neme rami. Jae ko jee yandeYa Imbaepuere yae ete vae; ndeReepɨ vae, jae ko Iyoambae Israel pegua, jae ko jee Tumpa, opaete ɨvɨ pe.

ISAÍAS 59:20

Outa Oporoepɨ vae Sión pe, jare opaete Jacob iñemuña reta oeya iyoa vae pɨri. Jökorai yandeYa jei.

ISAÍAS 63:16

¡Ërei nde ko jae oreru! Yepe tëi Abraham mbaetɨ oreñono iñemuña rami, ani yepe tëi Israel mbaetɨ imaendúa oreré, nde oreYa, jae ko oreru; nderee jae ko, OreReepɨ avei vae.

JEREMÍAS 10:1

Israel iñemuña reta, peyeapɨsaka kuae ñee yandeYa jei pekotɨ vae re.

JEREMÍAS 50:34

Ërei iyoraarä vae jae ko Imbaepuere yae vae; jae ko jee yandeYa Imbaepuere yae ete vae. Jae oyapota opaete mbae jupi vae chupe reta; güeruta mbɨakatu kuae tëtaguasu pe, ërei Babilonia pegua reta pe güeruta kɨɨye rai.”

MALAQUÍAS 1:14

¡Yepopeyu toa oporombotavɨ vae re, oime tëi güɨnoi mɨmba kavi jɨmba pɨte pe reve, güɨrökuavee jare güeru oikomeguagüe omee oyeyuka vaerä vae! Che ko jae Mburuvicha Guasu, cheree kɨɨyea ko opaete tëtaguasu ñavo rupi. Jei yandeYa Imbaepuere yae ete vae.

San Mateo 25:34

Jayave che Mburuvicha guasu. Jaeta cheakatu kotɨ ñogüɨnoi vae reta pe: ‘Peyu, cheRu iporerekua peré vae reta, peiko mborookuaía ɨvɨ oyeapo güive oñemokätɨro peve vae pe.

San Mateo 27:37

Jare oñono reta kurusu re Jesús iñäka iárambo oyekuatía mbae re ko oyemboeko vae: “KUAE KO JESÚS, JUDÍO RETA JUVICHA GUASU.”

DEUTERONOMIO 32:39

Pemae añave, che ko jae Tumpa jae vaeño, mbaetɨ ïru tumpa chegüi, che amee tekove jare che aekɨ, che aporombopere jare che aporopoano; ¡mbaetɨ kia ipuere oporoepɨ chepo güi!

DEUTERONOMIO 4:35

Oyekuaa peve peikuaa vaerä yandeYa jae ko Tumpa, mbaetɨ yé ïru chugüi.

DEUTERONOMIO 4:39

Jáeramo pemaendúa katu, peñono pepɨa pe yandeYa jae ko Tumpa, ara pe jare ɨvɨ pe, mbaetɨ yé kia.

DEUTERONOMIO 6:4

Peendu Israel iñemuña reta: YandeYa Tumpa, meteiño ko.

1 Timoteo 3:16

Añete ñanemopɨakañɨ yae ko kuae añetegüe Tumpa re yarovia vae: Tumpa oyeapo kuimbaerä, Espíritu Santo oikuaauka jae ko jupi vae. Araɨgua reta oecha. Jërakua opaete judiombae reta pe. Ɨvɨ pegua reta güɨrovia jese. Jare Tu omboresive ye ara pe.

Apocalipsis 1:11

jare jei: “Che ko jae Alfa jare Omega, tenondegua ete jare taɨkuegua ete. Eikuatía metei tupapire pe nde reecha reï vae, javoi emondo chiu tëta reta Asia pegua pe oporogüɨrovia vae reta pe, jae ko: Efeso, Esmirna, Pérgamo, Tiatira, Sardis, Filadelfia jare Laodicea pe.”

Apocalipsis 1:8

YandeYa jei: “Che ko jae Alfa jare Omega”, iyɨpɨ ete jare iyapɨ ete, jae ko iyɨpɨ güive, añave jare outa vae, Imbaepuere yae ete vae.

Apocalipsis 2:8

Eikuatía Esmirna pegua oporogüɨrovia vae reta iaraɨgua pe: Tenondegua ete jare taɨkuegua ete, omano, ërei oikove ye vae jei:

Apocalipsis 22:13

Che ko jae Alfa jare Omega, iyɨpɨ ete jare iyapɨ ete, tenondegua ete jare taɨkuegua ete.”