ISAÍAS 44:18 - Biblia Guarani Tumpa Iñee

¹⁸ Jókuae nunga reta mbaetɨ mbae oikuaa, mbaetɨ iyarakuaa; echa jesa oñeova oï rami mbaetɨ ipuere mbae oecha, jaeramiño vi ipɨa mbaetɨ ipuere mbae oikuaa.

ISAÍAS 44:18 ပူးပေါင်းရင်းမြစ်များ

SALMOS 81:12

Jáeramo amaeño oyapo reta ipɨa jemimbota, yogüɨreko reta iyemongeta ae rupi.

SALMOS 92:6

¡Jaeño kuimbae mbaetɨ iyarakuaa vae reta mbaetɨ oikuaa kuae regua!

PROVERBIOS 28:5

Kuimbae jeko kavimbae reta mbaetɨ etei oikuaa ikavi vae regua, ërei yandeYa reño oyeko vae reta oikuaa opaete mbaembae.

ISAÍAS 1:3

Güeye oikuaa iya, jare mburika oikuaa ikarúa rɨru iya imbae; ërei Israel tëta chembae vae mbaetɨ chekuaa jare mbaetɨ yarakuaa.”

ISAÍAS 26:11

CheYa, ndepo remopüa ma renoi reinupa reta vaerä, ërei jae reta mbaetɨ oipota oikuaa jókuae regua, ërei oecha reta ndeporoaɨu, tëta ndembae vae kotɨ yave, imarata jókuae imotareɨa reta. ¡Mbae mona ndearasɨ opa omboai reta!

ISAÍAS 27:11

Ɨvɨra jäka yɨpi yave opë, jökorai yave, kuña reta omonoota oapɨ vaerä. Jökorai ko kuae tëta mbaetɨ iyarakuaa. Jáeramo ko, Tumpa jae reta iYapoa, ngaraa oiparareko omae jese reta.

ISAÍAS 29:10

Echa yandeYa ombou peve topeɨ tätagüe, ñeemombeúa reta opa oesaöva, maratuta vae imombeúa reta opa oesaöva.

ISAÍAS 44:19

Mbaetɨ oyemongeta reta, oata arakuaa chupe reta jei vaerä: “¡Kuae amboete aï vae, ɨvɨraño ko! Echa, kuae ɨvɨra jaɨgüe pe ayatapɨ, itätapɨigüe re amboyɨ mbɨyape jare soo jau vaerä; jare jókuae ɨvɨra jembɨregüe güi ayapo kuae mbae ikavimbae yae vae.”

ISAÍAS 44:20

Tanimbuño jou vae rami ko jókuae reta. Ipɨa pe oyembotavɨuka reta. Jókuae nunga ngaraa ipuere oasayepe, echa mbaetɨ oparandu reta iyeupe: “¿Kuae anoi chepo pe vae añetete ra ko?”

ISAÍAS 44:9

Tumpa-raanga iyapoa reta, mbaeä etei ko opaete, jare chupe reta ikavi yae vae, mbaeä etei ko. Jae reta oikuaa kavi ko, jókuae tumpa-raanga reta mbaetɨ omae jare mbaetɨ yarakuaa; jáeramo imarata ko opɨta reta kuri.

ISAÍAS 45:20

Peyomboatɨ jare peyu opaete tëtaguasu pegua reta jembɨregüe. Mbaetɨ ko iyarakuaa jókuae tumpa-raanga ɨvɨra pegua ovoɨ güɨroata vae reta, jare oyerure reta jókuae oporoepɨ rapembae vae pe vae reta.

ISAÍAS 56:11

Yaɨmba jɨ̈vɨatambae rami ko, maangarekoa mbae oikuaambae vae; opaete yogüɨreko ipɨa jemimbota reño, iyeupeguaräño mbae oeka reta.

JEREMÍAS 10:14

Opaete kuimbae reta yarakuaambae ko. Tumpa-raanga omondɨkui oyapo vae oñemomaraiukata opɨta, echa ko jembiapo reta oporombotavɨ, mbaetɨ jekove;

JEREMÍAS 10:8

Opaete tumpa-raanga reta yarakuaambae ko, mbaetɨ etei ko yarakuaa reta. ¡Jókuae tumpa-raanga reta ɨvɨra pegua mbaetɨ ipuere pemboe!

JEREMÍAS 5:21

Peendu kuae, pe yarakuaambae jare ipɨa täta vae reta, oime tëi peresa reta, ërei mbaetɨ peecha, oime tëi peapɨsa reta, ërei mbaetɨ peendu.

JEREMÍAS 51:17

Yarakuaambae ko opaete kuimbae reta. Imara opaete tumpa-raanga reta iyapoa, echa jembiapo reta yembotavɨ ko, mbaetɨ jekove.

EZEQUIEL 12:2

“Nde kuimbae, reiko ipɨapochɨ vae reta ipɨte pe. Oime tëi jesa reta omae reta vaerä, ërei mbaetɨ oecha reta; oime tëi iyapɨsa reta, oendu reta vaerä, ërei mbaetɨ oendu reta, echa ipɨapochɨ vae reta ko.

DANIEL 12:10

Jeta vae reta oyetɨota, oñemotïiasɨta jare oñeñono teeta; jare iyoa vae reta jeieteñota oyapo mbaeyoa, metei ave iyoa vae reta ngaraa oikuaa, ërei yarakuaa katu vae reta oikuaata.

OSEAS 14:9

Yarakuaa katu vae jare oyeandu katu vae reta toikuaa kuae ñee: YandeYa jemimbota sɨmbi ko, jupi vae reta oguatata jokoropi, ërei ipɨapochɨ vae reta, oyepɨakata jokoropi.

San Mateo 12:34

Pe reta ko jae mboi reta rami. ¿Këraiägua pa pepuereta pemiari ñee ikavigüe, pepɨapochɨ yae reve? Echa ipɨa pe yemongeta güɨnoi vae ko omoë iyuru rupi.

San Juan 5:44

Pepuereä etei peporogüɨrovia. Echa peipota jekuaeño ïru vae reta pembotuicha vaerä, ërei mbaetɨ peeka yembotuicha Tumpa jae vaeño vae oipota tëi penoi vaerä vae.

San Juan 8:43

¿Maera pa mbaetɨ peikuaa amombeu peve vae? Echa mbaetɨ peipota peyeapɨsaka cheñee re. Jáeramo mbaetɨ peikuaa.

Hechos 14:16

Tumpa omaeño arakae pegua reta re oyapo vaerä jae reta oipota vae.

Romanos 1:28

Jae reta oipotaä oikuaa Tumpa regua ramo, jae omboeterenga reta yemongeta ikavimbae pe, oyapo reta vaerä agüɨyeta tëi oyapo vae.

2 Pedro 2:14

Jae reta jekuaeño oipota oyuvanga menda re, mbaetɨ iyangapɨɨ reta iyoa, oyapouka mbaeyoa iporogüɨrovia re mbaetɨ ipɨ̈rata vae reta pe, jae reta oyepokuaa imbaepotarai, Tumpa oyepopeyu ma jese reta.