ISAÍAS 44:12 - Biblia Guarani Tumpa Iñee

¹² Jiero pegua mbaravɨkɨ pe oparavɨkɨ vae oipɨɨ tenasa, jare jiero omboakuasɨ güire okua jese martillo pe jare oyapo mbae iä. Ipo pe oyapo jókuae mbaravɨkɨ. Ërei mbaetɨ okaru yave, yɨmbɨaɨ jare jesagüɨrɨ; mbaetɨ ɨ jou yave ipɨtu.

ISAÍAS 44:12 ပူးပေါင်းရင်းမြစ်များ

ÉXODO 32:4

Aarón oipɨɨ chugüi reta, jare omondɨkui oro, jare oyasɨa jiero iyasɨaa pe, oyapo kavi regua metei toro taɨrusu vae iä. Jayave opaete reve jei reta. —¡Israel iñemuña reta, kuae ko jae petumpa, ɨvɨ Egipto güi perenoe vae!

ÉXODO 32:8

Jarembae yae opia reta che ayókuai reta vae güi, oyapo reta iyeupe toro taɨrusu vae iä oro pegua, oyemondɨkui oyeapo vae, omboete reta jare omee reta chupe mɨmba oyeyukagüe, jare jei reta: “¡Israel iñemuña reta, kuae ko jae petumpa, ɨvɨ Egipto güi perenoe vae!”

ISAÍAS 40:19

Ipoki ombaapo vae omondɨkui, mbae iä oyapo vaerä, oro pe oikatu oparavɨkɨ vae oñova oro pe, oyapo karena raɨ korepoti pegua chupe.

ISAÍAS 40:20

Paravete vae oeka ɨvɨra täta vae, ɨvɨra mbaetɨta ikúi vae, jare oeka kia oikatu mbae iä oyapo vae, oyapo vaerä chupe mbae iä ipöra kavi vae, täta kavi oï vae.

HABACUC 2:13

YandeYa Imbaepuere yae ete vae, mbaeä eteita oyapo ndeparavɨkɨ, opaete ndeparavɨkɨ okañɨteita tata pe.

HABACUC 2:18

¿Mbaerä pa ikavi jókuae ipöra yae oyeapo vae? ¿Mbaerä pa ikavi jókuae mbae iä oporombotavɨ vaeräño oï vae? Mbaetɨ ipuere imiari tumpa-raanga, javoi ¿maera pa güɨrovia kuimbae, jembiapo re aeño?

ZACARÍAS 1:20

YandeYa oechauka ye cheve irundɨ ipoki ɨvɨra pegua mbaravɨkɨ oyapo vae.

DEUTERONOMIO 4:28

Joko pe kuimbae reta ipo pe oyapo tumpa reta vae pe peyeokuaita, ɨvɨra pegua jare ita pegua pe, mbaetɨ omae jare mbaetɨ vi oendu, mbaetɨ okaru jare mbaetɨ ipɨ̈túe vae pe.