ISAÍAS 44:10 - Biblia Guarani Tumpa Iñee

¹⁰ Kia omondɨkui oyapo tumpa-raanga omboete vaerä vae, jeieiño ma ko.

ISAÍAS 44:10 ပူးပေါင်းရင်းမြစ်များ

1 REYES 12:28

Jare oyemongeta reta ma kuae re yemboatɨa pe ramo, mburuvicha guasu oyapouka mókoi toro taɨrusu iä oro pegua, jare jei opaete vae pe: “Pe Israel iñemuña reta, peo mbateeiño ma Jerusalén kotɨ; ko oï petumpa reta, kuae reta ko perenoe pereru Egipto güi.”

SALMOS 115:4

Jae reta itumpa reta ko oro pegua jare korepoti peguaño, kuimbae reta jembiapoño:

ISAÍAS 40:19

Ipoki ombaapo vae omondɨkui, mbae iä oyapo vaerä, oro pe oikatu oparavɨkɨ vae oñova oro pe, oyapo karena raɨ korepoti pegua chupe.

ISAÍAS 41:29

¡Mase, metei ave ko mbaeä etei! Mbaetɨ ko mbae ipuere oyapo reta; osirivembae katuai ko kuae mbae iä reta oyeapogüe.”

ISAÍAS 45:20

Peyomboatɨ jare peyu opaete tëtaguasu pegua reta jembɨregüe. Mbaetɨ ko iyarakuaa jókuae tumpa-raanga ɨvɨra pegua ovoɨ güɨroata vae reta, jare oyerure reta jókuae oporoepɨ rapembae vae pe vae reta.

JEREMÍAS 10:5

Sɨmbi, omɨimbae oyemboɨ reta karandaɨ rami, mbaetɨ imiari reta, ovoɨ reta güɨraja, echa mbaetɨ ipuere oguata reta. Agüɨye pekɨɨye chugüi reta, echa mbaetɨ ipuere reta oyapo ikavimbae ani ikavi vae ave.”

JEREMÍAS 16:19

CheYa Tumpa, cheñepɨ̈roa jare chemopɨ̈rata vae, cheñepɨ̈roa susere iara pe; ndekotɨ yogüeruta tëtaguasu pegua reta, jare jei retata: “Oreñemuñagüe reta omboresive tumpa-raanga retaño imbaerä, mbaetɨ mbaepuere güɨnoi vae jare osirivembae reta.

DANIEL 3:1

Mburuvicha guasu Nabucodonosor oyapouka metei mbae iä oro pegua vae, ɨvategüe güɨnoi treinta metro, jare jete ipɨgüe mboapɨ metro; omopüauka ɨvɨpe kavi Dura jee vae pe, ɨvɨ Babilonia pe.

DANIEL 3:14

Jayave Nabucodonosor oparandu chupe reta: —¿Añete pa, pe Sadrac, Mesac jare Abed-nego, mbaetɨ pemboete chetumpa reta, jare mbaetɨ ave pemboete jókuae mbae iä oro pegua amopüaukagüe?

HABACUC 2:18

¿Mbaerä pa ikavi jókuae ipöra yae oyeapo vae? ¿Mbaerä pa ikavi jókuae mbae iä oporombotavɨ vaeräño oï vae? Mbaetɨ ipuere imiari tumpa-raanga, javoi ¿maera pa güɨrovia kuimbae, jembiapo re aeño?

Hechos 19:26

Jare peecha jare peyandu ma kërai kuae Pablo omboyerova jeta vae Efeso pe jare opaete seri Asia rupi jae iporomboe pe, jei reve: ‘Kuimbae reta oyapo vae tumpa retaä ko.’

1 Corintios 8:4

Jayave soo oñemee tumpa-raanga reta pe vae, yaikuaa ko tumpa-raanga mbaeä etei kuae ɨvɨ pe. Jare yaikuaa Tumpa meteiño ko.