ISAÍAS 43:24 - Biblia Guarani Tumpa Iñee

²⁴ Mbaetɨ ko pegua cheve mbae ikäti kavi vae reta, peru vaerä cheve mbotarä, mbaetɨ ave vi peru chembopɨakatu vaerä mɨmba ikɨragüe pe. Jaeño chembogüérai peyoa reta pe, chembokangɨ pereko kavimbae reta pe.

ISAÍAS 43:24 ပူးပေါင်းရင်းမြစ်များ

SALMOS 95:10

Cuarenta año chearasɨ aiko kuae tëtaguasu kotɨ, jare jae: ‘Kuae tëta ipɨa güɨrave yae, ¡jare mbaetɨ oikuaa reta cheporookuai!’

ÉXODO 30:34

YandeYa jei ye Moisés pe: “Eipɨɨ mbaembae ikäti kavi vae, mirra ikavi yae vae, poäpe ikäti kavi vae, ɨvɨra yaɨsɨ ikäti kavi vae gálbano jee vae jare ikäti kavi vae incienso oyeambae; opaete metei rami päve tipoɨ;

ÉXODO 30:7

Jare Aarón toapɨ jese incienso ikäti kavi yae vae, ara ñavo toapɨ, oyapo kavi yave mechero reta.

ISAÍAS 1:14

Amotareɨ yae ko pegüi arete reta yasɨ pɨau jare pearete reta ikavi yae peyapo vae, mbaetɨ etei ko ipöra cheve; chekuérai ma aropɨa.

ISAÍAS 1:24

Jáeramo, yandeYa Imbaepuere yae ete vae, Imbaepuere yae vae Israel pegua jei: “¡Joko peño mo! Tañono kavi teko oyemboyovaicho chekotɨ vae reta ndive. Tayepɨ jese reta.

ISAÍAS 63:10

Ërei jae reta ipɨapochɨ yae yandeYa kotɨ, jare omboarasɨuka reta iespíritu; jáeramo oyemboyovaicho jae reta ndive, jare jae etei oñeraro jae reta ndive.

ISAÍAS 7:13

Jayave Isaías jei: “Peyeapɨsaka añave David iñemuña reta. ¿Mbaeä etei pa peve pemoambeko vaerä kuimbae reta, jare jökorai vi pemoambeko peï cheTumpa vae?

JEREMÍAS 44:22

Ërei yandeYa mbaetɨ ma güɨropɨa pereko kavimbae jare mbaetɨ ipöra chupe peyapogüe. Jáeramo perëtaguasu añave oyemboai oï jare ipoä oï, jare oiko okɨɨye vaerä jare omae kaviä vaerä jese vae jare yepopeyu rupi.

JEREMÍAS 6:20

Judá, ¿maera pa reru cheve ikäti kavi vae incienso Sabá pegua, jare mbae ikäti kavi yae vae matɨ güi? Mbaetɨ ikavi ndeve mɨmba oyeyukagüe opaetei oyeapɨ vae, ani ïru mɨmba oyeyukagüe reta ave mbaetɨ ndembopɨakatu.”

EZEQUIEL 16:43

Echa nde neakañɨ ndetaɨrusu reiko yave vae güi, jare chemboarasɨuka opaete kuae reyapo vae rupi; jáeramo aiporaraukata ndeve reyapogüe re. Che ndeYa Tumpa jae; echa mbaetɨ etei kërai ave reyemongeta ikavimbae reyapo vae re.’

EZEQUIEL 6:9

Kuae aroasayepegüe reta imaenduata cheré ïru tëtaguasu reta pe oyererajaukaa pe; imaendúa retata cheré, aiporarauka chupe reta vae re, mbaetɨ ramo jupi yogüɨreko cheve, jare omboete reta ramo tumpa-raanga reta. Jae reta imarata iyeugüi aeño, oyapo mbae ikavimbae yae vae jeko pegua.

LEVÍTICO 3:16

Jare sacerdote toapɨ kuae reta mɨmba oyeyuka oyeapɨ jese vae re; mbota tembíu oyeapɨ ipiche katu vae ko cheveguarä. Opaete mɨmba ikɨragüe chembae ko.

LEVÍTICO 4:31

Jare toekɨ chugüi, opaetei ikɨragüe mɨmba oyeyukagüe yembopɨakatu pegua ikɨragüe oyeekɨ rami, jare sacerdote toapɨ mɨmba oyeyuka oyeapɨ jese vae re, ipiche katu vaerä cheve, jökorai sacerdote toyapo chupe, cheɨ̈ro vaerä iyoa re, jare cheɨ̈rota chupe.

AMÓS 2:13

Mase, opaete mbaembae peyapogüe re poumbirita jókuae peïa pe, metei käretou tɨnɨe trigo pe vae oyeumbiri rami.

MALAQUÍAS 1:14

¡Yepopeyu toa oporombotavɨ vae re, oime tëi güɨnoi mɨmba kavi jɨmba pɨte pe reve, güɨrökuavee jare güeru oikomeguagüe omee oyeyuka vaerä vae! Che ko jae Mburuvicha Guasu, cheree kɨɨyea ko opaete tëtaguasu ñavo rupi. Jei yandeYa Imbaepuere yae ete vae.