ISAÍAS 43:10 - Biblia Guarani Tumpa Iñee

¹⁰ YandeYa jei: “Pe reta ko jae pemombeu cheregua vae, cherembiokuai che aiparavo vae, chekuaa vaerä, perovia vaerä cheré, jare chekuaa vaerä kia ko che vae. Mbaetɨ yé ïru tumpa tenonde voi ma oiko chegüi vae, jare cheraɨkue rupi ngaraai vi oime ïru.

ISAÍAS 43:10 ပူးပေါင်းရင်းမြစ်များ

SALMOS 102:27

Ërei ngatu nde ko oyepoepɨmbaei vae, neaño reta opambae vae ko.

ÉXODO 8:6

Jayave Aarón güɨropövee ipopoka opaete ɨ Egipto pegua re, jare oë pïte opaete ɨvɨ Egipto rupi.

ISAÍAS 41:20

opaete vae pe reta peecha vaerä jare peikuaa vaerä, kërai che peYa ko ayapo chembaepuere rupi kuae, che, Tumpa Iyoambae Israel pegua ko ayapo kuaekuae.”

ISAÍAS 41:4

¿Kia pa oyapo kuae? ¿Kia pa oyapo iyɨpɨ güive kërai yogüɨreko vaerä kuimbae reta? Che peYa, jae ko Tumpa, oikoño mai vae.

ISAÍAS 41:8

“Ërei nde Israel, Jacob iñemuña, agüɨye ekɨɨye cherembiokuai ko nde, che ko roparavo, chevɨa-ïru Abraham iñemuña reta:

ISAÍAS 42:1

“Mase, ko oï cherembiokuai, che ayangarekota jese vae; cherembiparavo, chepɨa oyerovia jese vae; jese añono cheEspíritu; jae güeruta jupi vae opaete tëtaguasu reta peguarä.

ISAÍAS 43:12

YandeYa jei: “Che ko amombeu, che ko amoërakua; che ko poepɨ; tumpa ambuaeä ko oyapo, pe reta ko jae pemombeu cheregua vae.

ISAÍAS 45:5

Cheño ko jae opaete vae iYa, mbaetɨ yé ko ïru; mbaetɨ yé ko ïru Tumpa chegüi. Che ko amee mbaepuere ndeve ñeraro peguarä, yepe tëi nde mbaetɨ chekuaa.

ISAÍAS 45:6

Opaete ketɨ rupi: Kuaraɨ oëa kotɨ, kuaraɨ oikea kotɨ oikuaa reta vaerä mbaetɨ yé ko ïru chegüi vae. Cheño ko jae opaete vae iYa, mbaetɨ yé ko ïru chegüi.

ISAÍAS 48:12

“Peyeapɨsaka Israel, Jacob iñemuña reta, che roenɨi vae ko nde. Che ko Tumpa jaevaeño vae, che ko, oikoño mai vae.

ISAÍAS 49:23

Mburuvicha guasu reta ñogüɨnoita ndeangareko vaerä, jare tayɨ reta ñogüɨnoita oyangareko vaerä nemichia reta re. Oyetavatɨka retata nderóvai ɨvɨ re ndemboete, jare ndepɨ oipɨte retata. Jare chekuaata che ko jae peYa vae, jare kërai cheré güɨrovia vae reta ngaraa oñemomaraiuka.”

ISAÍAS 55:4

Mase, che ko añono imiari vaerä tëta reta pe, oiko vaerä mburuvicha guasurä jare tëtaguasu reta imboearä.

HAGEO 2:23

Jókuae ara roepɨta Zorobabel, Salatiel taɨ chemborɨa, ayangarekota nderé chepoäka-vera re rami; echa che roparavo, jei yandeYa Imbaepuere yae ete vae.’ ”

San Juan 15:27

Jare pe reta vi pemiarita. Echa iyɨpɨ güive peiko che ndive.

San Juan 20:31

Ërei kuae oyekuatía ko, perovia vaerä Jesús ko jae Cristo, Tumpa Taɨ, jare penoi vaerä tekove jese perovia yave.

Hechos 1:8

Ërei pe reta penoita mbaepuere ou yave Espíritu Santo peré, jare pemombeuta cheregua Jerusalén pe, opaete Judea rupi, Samaria rupi jare opaete ɨvɨ rupi.

1 Corintios 15:15

Jare jökorai ko yave, romombeu jaangaiño ma ko Tumpa regua. Echa ore romombeu kërai Tumpa omoingove ye ko Cristo, ërei mbaetɨ kia ipuere oikove ye yave, Tumpa mbaetɨta tëi ko omoingove ye Cristo.

DEUTERONOMIO 32:39

Pemae añave, che ko jae Tumpa jae vaeño, mbaetɨ ïru tumpa chegüi, che amee tekove jare che aekɨ, che aporombopere jare che aporopoano; ¡mbaetɨ kia ipuere oporoepɨ chepo güi!

DEUTERONOMIO 4:35

Oyekuaa peve peikuaa vaerä yandeYa jae ko Tumpa, mbaetɨ yé ïru chugüi.

DEUTERONOMIO 4:39

Jáeramo pemaendúa katu, peñono pepɨa pe yandeYa jae ko Tumpa, ara pe jare ɨvɨ pe, mbaetɨ yé kia.

Filipenses 2:7

ërei jae oeya jare oyeapo kuimbaerä, oyeapo tembiokuairä.

Colosenses 1:7

Kuae re pemboe Epafras oreïru roaɨu vae, jae ko oyeokuai Cristo pe ore ndive, jae ko metei Cristo jembiokuai añete vae.

Apocalipsis 1:2

kuae aikuatía vae Tumpa iñee ko, Jesucristo etei omombeu cheve kuae, che aecha opaete kuae mbaembae.

Apocalipsis 1:5

jare Jesucristo jupi rupi imiari vae, tenonde voi oikove ye omanogüe reta güi vae, mburuvicha guasu reta ɨvɨ pegua juvicha guasu güi. Yanderaɨu jare oyoe jugüɨ pe yandeyoa reta vae,

Apocalipsis 3:14

Eikuatía Laodicea pegua oporogüɨrovia vae reta iaraɨgua pe: Mase, ko Amén, jupi rupi imiari vae, añetete vae, opaete mbaembae Tumpa oyapo jae rupi vae, jei: