ISAÍAS 43:1 - Biblia Guarani Tumpa Iñee

¹ Añave, Israel, Jacob iñemuña reta, yandeYa, ndeapoa jei ndeve körai: “Agüɨye ekɨɨye, che ko roepɨ; che ko reenɨi, chembae ko nde.

ISAÍAS 43:1 ပူးပေါင်းရင်းမြစ်များ

GÉNESIS 32:28

Jare jókuae kuimbae jei chupe: —Ngaraa ye ma nderee Jacob. Ndembojee retata Israel; echa reñoïraro ko Tumpa ndive jare kuimbae reta ndive, jare reporomoamɨri.

SALMOS 100:3

Peikuaa, kërai yandeYa ko jae Tumpa; jae ko yandeapo, yande aeñoä ko yayeapo; ¡jae imbae ko yande, ivecha reta ikapii jokɨ katúa pegua!

SALMOS 102:18

Toyekuatía kuae, taɨkue rupi yogüɨrekota vae reta peguarä, jókuae ndei vɨteri oa vae reta omboete vaerä yandeYa.

ÉXODO 15:13

Ndeporoparareko rupi reroata kuae tëta reyora vae; reraja ndembaepuere rupi nerëta oñeñono tee vae pe.

ÉXODO 15:16

¡Toa jese reta ñeiämondo jare kɨɨye! ¡Ndeyɨva imbaepuere jeko pegua topɨta reta kïrii ita rami, opa regua oasa ndembae vae reta, cheYa, opa regua oasa ndembae vae reta reyora vae!

ÉXODO 33:17

Jare yandeYa jei ye Moisés pe: —Ayapota vi kuae rere vae, chepɨakatu ndekotɨ jeko pegua, echa rokuaa katu ko.

ISAÍAS 27:11

Ɨvɨra jäka yɨpi yave opë, jökorai yave, kuña reta omonoota oapɨ vaerä. Jökorai ko kuae tëta mbaetɨ iyarakuaa. Jáeramo ko, Tumpa jae reta iYapoa, ngaraa oiparareko omae jese reta.

ISAÍAS 41:14

YandeYa jei: “Israel, Jacob iñemuña reta, yepe tëi mbovɨ yae peiko ani ndepɨtu yae, ërei agüɨye ekɨɨye; che ko romborɨ. Che, Tumpa Iyoambae Israel pegua ko jae ndeReepɨ vae.

ISAÍAS 42:6

“Che ndeYa ko roenɨi jupi vae peguarä, jare ropokota rogüɨroata; roñovatuta jare ayapota nderupi morogüɨrökuavee päve opaete vae reta peguarä, jare tembipe rami tëtaguasu reta pe.

ISAÍAS 43:21

ayapo ko kuae tëta chembaerä, omoërakua vaerä cheyemboetea.

ISAÍAS 43:5

Agüɨye ekɨɨye, echa oime ko aï nde ndive, kuaraɨ oëa kotɨ güi jare kuaraɨ oikea kotɨ güi aru yeta neñemuña reta.

ISAÍAS 43:7

opaete jókuae cheree güɨnoi vae reta, jókuae ayapo jupi reta ayemboeteuka vaerä vae.’

ISAÍAS 44:2

NdeYa, ndeApoa ko che, che ko roapo, ndei rea mbove voi, che ko romborɨta. Agüɨye ekɨɨye, Jesurún, Jacob iñemuña reta, cherembiokuai, cherembiparavo,

ISAÍAS 45:11

YandeYa, Tumpa Iyoambae Israel pegua, ndeApoa jei körai: “Peparandu cheve mbae oikota vae re. ¿Pe reta peekata pa cheve cheraɨ reta regua, ani chemboeta pa kërai mbaembae ayapo vaerä?

ISAÍAS 48:17

Körai jei yandeYa, ndeReepɨ vae, Tumpa Iyoambae Israel pegua: ‘Che ko jae ndeYa Tumpa, ndemboe kavi yae vae, ndemboe kërai reiko vaerä vae.

ISAÍAS 48:20

Peë Babilonia güi, petekuarai Caldeaɨgua reta ipɨte güi. Pesapúkai pemoërakua kuae, peyerovia reve, pemoërakua ɨvɨ iyapɨ rupi ave. Pere: ‘¡YandeYa oyora jembiokuai Jacob iñemuña reta!’ ”

ISAÍAS 49:1

Peyeapɨsaka, tëtaguasu ɨguasu jembeɨ rupigua reta, tëtaguasu reta mombɨrɨ rupigua reta: YandeYa chereenɨi ndei aa güive voi ma, chesɨ jɨe peve voi ma chembojee.

ISAÍAS 49:26

Nderovaicho reta pe jauukata isoo aeño, jare jugüɨ ae pe oyembosavaɨpo reta vino pe rami. Jökorai opaete vae toikuaa, che ndeYa, ndereroasayepe jare ndeReepɨ vae, jae ko Imbaepuere yae ete vae Jacob pe.”

ISAÍAS 51:13

Peakañɨ peYa peApoa güi, ara jare ɨvɨ iyapoa güi, ara ñavo pekaaru aru pekɨɨye oporombopɨatɨtɨ vae reta güi, oyemongeta pemokañɨtei vaerä yave. Ërei, ¿jama pa jókuae oporombopɨatɨtɨ vae reta iyarasɨ?

ISAÍAS 52:9

¡Petairari mbaemboete, peyerovia päve Jerusalén oyemboaigüe; echa yandeYa ombopɨakatu jëta, oepɨ ye Jerusalén!

ISAÍAS 62:12

Israel iñemuña reta pe jei retata: “Tëta oñeñono tee vae.” “IYa Tumpa oepɨgüe.” Nde ndembojee retata: “Tëta guasu ipotaa yae vae.” “Tëta guasu mbaetɨ oyeeya vae.”

ISAÍAS 63:16

¡Ërei nde ko jae oreru! Yepe tëi Abraham mbaetɨ oreñono iñemuña rami, ani yepe tëi Israel mbaetɨ imaendúa oreré, nde oreYa, jae ko oreru; nderee jae ko, OreReepɨ avei vae.

ISAÍAS 63:9

opaete mbɨatɨtɨ rupi yogüɨreko vae güi. Jae etei ko ou güɨroasayepe reta; jae ko oepɨ reta iporoaɨu rupi jare iporoparareko rupi, jare güeru reta jare omopüa reta jekuae avei pegua.

JEREMÍAS 31:3

Ɨma yae ma che ayekuaa chupe reta jae reve: Che roaɨu yae mboroaɨu opambae ndive; jáeramo jekuae aveiño cheporoparareko pekotɨ.

JEREMÍAS 33:24

“¿Mbaetɨ pa reikuaa amogüe ketɨgua reta kuae pe yogüɨreko vae jei che aröɨro ko mókoi tëtara aiparavo vae, jae ko Israel jare Judá? ¡Jáeramo güɨröɨro reve omae reta chembae vae reta re, jare mbaetɨ ma oipapa tëtaguasu rami!

JEREMÍAS 33:26

Jökorai ngaraa etei aröɨro cherembiokuai Jacob jare David iñemuña reta, ngaraa amaeño oata kia oporookuai vaerä Abraham, Isaac jare Jacob iñemuña reta re vae. Echa che cheporopararekota jese reta jare aru yeta tembipɨɨrä yogüɨrekoa güi.”

JEREMÍAS 50:34

Ërei iyoraarä vae jae ko Imbaepuere yae vae; jae ko jee yandeYa Imbaepuere yae ete vae. Jae oyapota opaete mbae jupi vae chupe reta; güeruta mbɨakatu kuae tëtaguasu pe, ërei Babilonia pegua reta pe güeruta kɨɨye rai.”

LAMENTACIONES 3:57

Che roenɨi yave reyu chekotɨ, jare rere cheve: “Agüɨye ekɨɨye.”

EZEQUIEL 16:8

Aasa ye ndeɨpɨ rupi yave, roecha rekuakuaa ma jare reñemokuña ma; jare cheñeapevaka pe roñova nenandi reï vae; añererökuavee ndeve jare ayapo morogüɨrökuavee päve nde ndive, jökorai reiko chembaerä. Che ndeYa Tumpa jae.

DANIEL 10:19

jare jei cheve: ‘Agüɨye ekɨɨye, agüɨye ndepɨatɨtɨ. Tumpa jembiaɨu; ¡eñemoäta ngatu jare agüɨye eyembopɨtu!’ Chemomiari ramboeve, ayandu chetäta ye jare jae: ‘Nemiari cheya, echa chemomɨ̈rata ye ma.’

ZACARÍAS 13:9

Jare jókuae jembɨregüe amoingeta tata pe, jare amondɨkuita, korepoti oyemondɨkui rami, jare ambokavita, oro oyembokavi rami. Jayave jae chereenɨita, jare che aenduta chupe, jare jaeta: ‘Tëta chembae’, jare jae jeita: ‘YandeYa ko jae cheTumpa.’ ”

MALAQUÍAS 3:17

YandeYa Imbaepuere yae ete vae jei: “Che cheporojäa iara pe yogüɨreko yeta chembaerä mbae jepɨ yae vae rami, cheɨ̈rota chupe reta metei kuimbae iñɨ̈ro taɨ oyeokuai chupe vae pe rami.

Hechos 27:20

Mbaetɨ oyekuaa kuaraɨ jare yasɨtata mbovɨ ara rupi ma, jare ɨvɨtuai täta oreve jeko pegua, mbaetɨ ma roäro roasayepeta vae.

Hechos 27:25

Jáeramo, kuimbae reta, peñemoäta ngatu. Echa che arovia Tumpa, jare jae jei cheve vae oyembopota ko.

Efesios 2:10

Echa Tumpa jembiapo ko yande, yandeapo Cristo Jesús re, yayapo vaerä mbae ikavi vae. Kuae ko tenonde güive voi ma Tumpa omokätɨro yayapo vaerä.

DEUTERONOMIO 32:15

Ërei ikɨra Jesurún, jare opatara (ikɨra yae jeko pegua, jembipe etei ipire): Jayave oeya reta iTumpa, jae reta iyapoa; güɨröɨro reta jeepɨa Ita guasu rami vae.

DEUTERONOMIO 32:6

¿Jökorai pa pemboekovia yandeYa pe? Tëta imbokere jare mbaetɨ arakuaa güɨnoi vae. ¿Jaeä pa peRu peapoa? ¡Jae ko peapo jare omee peiko vaerä!

DEUTERONOMIO 32:9

echa imbae ko kuae tëta, jae ko Jacob iñemuña reta.

2 Timoteo 2:19

Ërei Tumpa iñee añete ko, mbaetɨ etei ko oyepoepɨ, echa jei körai: “YandeYa oikuaa imbae reta.” Jare: “Opaete omboete Cristo vae, tosɨrɨ ikavimbae vae güi.”

Tito 2:14

Echa jae oñemee omano vaerä yanderé, jae yandereepɨ vaerä opaete ikavimbae güi, jare oyoe vaerä yandepɨa yandeyoa reta güi, yandeapo vaerä imbae retarä, yaipota yae vaerä yayapo mbaravɨkɨ ikavi vae.

Apocalipsis 5:9

jare jae reta otairari metei tairari ipɨau vae, jei reve: “Jupi ko nde reipɨɨ vaerä tembikuatía, jare reyora vaerä imboyaa, echa reyeyukauka, jare nderugüɨ pe oreyora Tumpa peguarä, opaete ñemuña, ñee, tëta jare tëtaguasu,