ISAÍAS 42:4 - Biblia Guarani Tumpa Iñee

⁴ Ngaraa ikangɨ jare ipɨtu, oñono regua jupi vae opaete kuae ɨvɨ pe; jare tëtaguasu reta ɨguasu jembeɨ rupigua reta oärota mborookuai jae omeeta vae.”

ISAÍAS 42:4 ပူးပေါင်းရင်းမြစ်များ

GÉNESIS 49:10

Judá güi ngaraa kia ipuere opɨ̈ro mbaepuere, ngaraa vi ipo pegua oro pegua vae ave, ou regua Siloh, jókuae ipo pegua oro pegua iya, chupe opaete vae omeeta mbaemboete.

SALMOS 22:27

Imaendúa retata jare yogüeruta yandeYa kotɨ, opaete ɨvɨ pegua reta, opaete tëtara ñavo tëtaguasu reta pegua; ¡ombaemboete retata!

ISAÍAS 40:22

Tumpa oikoa, güɨnoi ko ara re, joko güi oecha ɨvɨ pegua reta tuku ramiño ko vae. Jae oipɨso ara, asoya oyepɨso rami, jae omoata ara, küaraɨa guakapi pegua oñemoata rami.

ISAÍAS 40:28

¿Mbaetɨ pa reikuaa, mbaetɨ pa reendu yandeYa jae ko Tumpa oiko avei vae, jae ko oyapo opaete ɨvɨ vae? Mbaetɨ ko ipɨtu, mbaetɨi vi ikangɨ, jare iyarakuaa katu mbaetɨ kia ipuere omboyovake.

ISAÍAS 41:5

Tëtaguasu reta ɨguasu jembeɨ rupigua Tumpa oikuaambae reta oecha jare okɨɨye yae reta; opaetei ɨvɨ okana. Ko ma yogüeru, köi ma yogüeru.”

ISAÍAS 42:10

Petairari yandeYa pe tairari ipɨau vae, pemboete, opaete ɨvɨ pegua reta; ɨguasu rupi peguata vae reta, jare ɨguasu ipo reta, ɨguasu jembeɨ reta jare opaete pɨpegua reta.

ISAÍAS 42:12

Tomee reta mbaemboete yandeYa pe, tomoërakua reta mbaemboete chupe oñemee vae, tëtaguasu reta ɨguasu jembeɨ rupigua rupi.

ISAÍAS 42:21

YandeYa oyerovia jupi vae oaɨu yae jeko pegua, jáeramo ombotuicha yae iporookuai reta, imboetea yae vaerä;

ISAÍAS 49:1

Peyeapɨsaka, tëtaguasu ɨguasu jembeɨ rupigua reta, tëtaguasu reta mombɨrɨ rupigua reta: YandeYa chereenɨi ndei aa güive voi ma, chesɨ jɨe peve voi ma chembojee.

ISAÍAS 51:4

Peyeapɨsaka cheré tëta chembae, peendu cheñee tëtaguasu chembae: Amoërakuata cheporookuai reta, jare jókuae omboesapeta tëta reta peguarä.

ISAÍAS 51:5

Köi yae ma oï aï vaerä mburuvicharä, cheporogüɨroasayepe oyemboɨpɨ ma; chembaepuere rupi aïta mburuvicharä tëta reta re. Tëtaguasu reta ɨguasu jembeɨ rupigua cheräro ñogüɨnoi, chembaepuere re oyeko retata.

ISAÍAS 55:5

Mase, reenɨita kuimbae reikuaambae reta, jare kuimbae ndekuaambae reta yogüeruta ndekotɨ, che ndeYa Tumpa jeko pegua, Iyoambae Israel pegua ndemboeteuka vae jeko pegua.

ISAÍAS 60:9

Jae ko barco guasu reta yogüeru Tumpa kotɨ vae, tenonde ou barco reta Tarsis pegua, güeru reve nemembɨ Israel iñemuña reta mombɨrɨ güi, ioro ndive jare ikorepoti ndive, ndeYa Tumpa, Iyoambae Israel pegua jee re, jae ko ndemboeteuka vae.

ISAÍAS 66:19

Jare amokañɨmaata chupe reta: Chugüi reta ojoyepegüe, amondota tëtaguasu reta kotɨ, jae ko: Tarsis, Fut jare Lud pe; kuae tëtaguasu Lud pegua reta oikatu oiporu uvɨ, Tubal jare Javán kotɨ, jare matɨ rupi tëtaguasu reta ñogüɨnoi ɨguasu jembeɨ rupi vae, jókuae mbaetɨ oendu reta cheregua vae, jare mbaetɨ vi oecha reta cheyemboetea; jae reta omoërakuata cheyemboetea tëtaguasu reta pe.

ISAÍAS 9:7

Iporookuaía tuicha yaeta, jare mbɨakatu mbaetɨta opa David iguapɨa re jare iporookuaía re, oñono kavita ñejäa jupi rupi, jare isɨmbi rupi añave güive oiko avei vaerä. YandeYa imbaepuere yae vae jägüɨro rupi oyapota kuae.

DANIEL 9:24

Setenta semana oasata nerëtaɨgua reta re jare nerëta guasu oñeñono tee vae re, opa vaerä oyemboai mbaeyoa yavaetegüe jare ikavimbae, oime vaerä ñɨ̈ro mbae ikavimbae re, jare jupi vae oime vaerä jekuae avei pegua, oyembopo vaerä jókuae mbae oyeecha jare maratuta vae, jare oñeñono tee vaerä Tumpa pe oñeñono tee kavi yae vae.

ZACARÍAS 2:11

Oñemoïruta jeta tëtaguasu reta yandeYa re jókuae ara, jare jeita: “Toyogüɨreko chembaerä, che aikota jae reta ipɨte pe.” Jökorai peikuaata yandeYa imbaepuere yae ete vae ko chembou.

San Mateo 12:21

Jare jae jee re judiombae vae reta güɨroviata.”

San Marcos 3:3

Jayave Jesús jei kuimbae ipo jovaicho tɨpa vae pe: —Epüa eyemboɨ mbɨte pe.

Romanos 16:26

Ërei añave oyekuaa, ñeemombeúa reta oikuatía Tumpa Iñee vae rupi, Tumpa oiko ñomai vae iporookuai rupi, oikuaauka opaete tëtaguasu reta pe, oporogüɨrovia reta vaerä;

1 Corintios 9:21

Jare Moisés iporookuai mbaetɨ güɨnoi vae reta ndive aï yave, che aiko vi jae reta rami, jae reta vi güɨrovia vaerä Cristo re (kuae mbaetɨ oipota jei aikoä ma Tumpa iporookuai re. Echa che aiko Cristo iporookuai re).