ISAÍAS 42:3 - Biblia Guarani Tumpa Iñee

³ ngaraa omopë täkuarasɨ oyekagüe, jare ngaraa ombogüe mechero ogüeta ma oï vae; añete vae rupi güeruta jupi vae.

ISAÍAS 42:3 ပူးပေါင်းရင်းမြစ်များ

SALMOS 147:3

Jae ombopɨakatu ipɨatɨtɨ vae reta, jare oipoano ipere reta.

SALMOS 54:5

Jae ko omboekoviata cherovaicho reta pe, ikavimbae oyapo reta rupi. ¡Emboai reta, nde ko jupi vae!

SALMOS 94:15

Oime yeta mbaejupi, jare opaete ipɨa jupi vae reta omomoeta.

SALMOS 96:13

jókuae yandeYa ou oï vae jenonde! ¡Jae ou oï vaerä mburuvicha guasurä kuae ɨvɨ pe, güɨroata vaerä jupi rupi jare añete vae rupi tëta reta kuae ɨvɨ pegua!

SALMOS 98:9

jókuae yandeYa ou oï vae pe. ¡Echa, jae ou oï vaerä mburuvicha guasurä kuae ɨvɨ pe, güɨroata vaerä jupi rupi jare isɨmbi rupi tëta reta kuae ɨvɨ pegua!

ISAÍAS 2:4

Jare oporojäata opaete tëtaguasu reta re, jare ombosɨmbita jeta vae reta jeko. Jare opata oyapo reta ikɨsepuku reta arao itïrä, jare imii reta oyapota tembiporu hozrä. Tëtaguasu reta mbaetɨta ma oñoraro, jare ngaraa ye ma oime yemboe ñeraro peguarä.

ISAÍAS 40:11

Ou vecha iyangarekoa oyangareko ivecha re rami, ovoɨ vecha kuimbae taɨrusu vae reta, oiküava güɨraja ipɨtía re, jare oyangareko kavi imembɨmii vae reta re.

ISAÍAS 42:2

Ngaraa osapúkai, jare ngaraa iñeeäta, ngaraa ave iñee oenduka kaye rupi,

ISAÍAS 50:10

Opaete pe reta peipoɨu yandeYa güi vae, jare peendu jembiokuai iñee vae: Pɨtumimbía rupi peguata yave, ani mbaetɨ jembipe ete kavi mbatee peve yave, peyeko yandeYa re, peyeko peTumpa re.

ISAÍAS 50:4

YandeYa Tumpa omee cheve chepoki vaerä chemiari, ambopɨakatu vaerä ikangɨ vae reta, ñee ñemoäta ngatu pegua pe. Ndeimbove ñavo jae chemomba, jare ayeapɨsaka jese chepɨakatu reve kavi.

ISAÍAS 63:1

—¿Kia pa kuae ou ɨvɨ Edom güi, tëta Bosra güi vae, jemimonde moropɨ̈ta ou vae? ¿Ipöra yae jemimonde vae, jare oguata imbaepuere yae reve vae? —Che ko, mbaejupi vae omoërakua vae, chembaepuere yae rupi oporoepɨ vaerä vae.

ISAÍAS 66:2

¡Che ko ayapo opaete kuae mbaembae, jáeramo ko oime opaete kuaekuae reta! Che, peYa ko jae. Che ayangarekota jókuae kuimbae oyemombaravete jare oñemomichi ipɨa pe vae re, cheñee omboete vae re.

ISAÍAS 9:7

Iporookuaía tuicha yaeta, jare mbɨakatu mbaetɨta opa David iguapɨa re jare iporookuaía re, oñono kavita ñejäa jupi rupi, jare isɨmbi rupi añave güive oiko avei vaerä. YandeYa imbaepuere yae vae jägüɨro rupi oyapota kuae.

JEREMÍAS 31:25

Echa ameeta jeta okaru kavi jare oɨu, ikangɨ jare ipɨtu vae reta.”

EZEQUIEL 34:16

Che aekata chevecha okañɨgüe jare jopagüe aru yeta jókai pe, ipɨ opë vae güi ayokuata, ipɨtu vae amborɨta; ërei ikɨra vae jare oikove katu vae ayukata. Ayangareko kavita jupi rupi jese reta.

MIQUEAS 7:9

Aropɨata yandeYa iyarasɨ; echa cheyoa ikotɨ, ojäa regua chereko jare chembojupi regua. Jae cherenoeta tembipe pe jare aechata iporombojupi.

San Mateo 11:28

Opaete peyemoambeko jare pepɨatɨtɨ peiko vae reta, peyu chekotɨ. Jare che pomombutuuta.

San Mateo 12:20

Ngaraa oakɨo täkuarasɨ opë pota ete ma vae. Ngaraa vi ombogüe mechero ogüe pota ete ma vae, ndei oporomoamɨri oporojäa vaerä mbove.

San Juan 20:27

Jayave jei Tomás pe: —Emae chepo re. Eñono kuae pe nepoäka. Embou ndepo, emoinge cheɨke pe. Agüɨye eiko ndeporogüɨroviambae. ¡Eporogüɨrovia!

San Juan 5:30

Cheyeugüi aeño mbaetɨ chepuere mbae ayapo. Che aporojäa aendu rupi. Jáeramo aporojäa jupi rupi. Echa mbaetɨ ayapo cheremimbotaño. Ayapo ko cheRu chembou vae jemimbotaño.

Apocalipsis 19:11

Jayave aecha ara oyepea. Jare joko pe oyekuaa metei kavayu tïi vae, jare opo jese vae jee Jupi vae jare Añetete vae, jae oporojäa jare oñeraro jupi rupi.