ISAÍAS 42:16 - Biblia Guarani Tumpa Iñee

¹⁶ Jesambae reta arajata tape, jae reta oikuaambaea rupi, jae reta japerä rupi pɨtumimbi amoembipeta, tape pɨ̈chɨi vae ambokavita. Kuaekuae, ayapota chupe reta, mbaetɨta aeya reta jae aeño.

ISAÍAS 42:16 ပူးပေါင်းရင်းမြစ်များ

SALMOS 94:14

YandeYa ngaraa oeya imbae vae reta, ngaraa oeya iyangarekoambae imbae vae reta.

ECLESIASTÉS 1:15

¡Mbae ñape oï vae, ngaraa yandepuere yambosɨmbi, ngaraa yaipapaiño mbae ñanoimbae reve!

ECLESIASTÉS 7:13

Emae kavi Tumpa jembiapo re; echa ¿kia pa ipuere ombosɨmbi jae omoapegüe?

ISAÍAS 26:7

Jupi vae reta jeko isɨmbi ko, nde cheYa jupi vae ko, reñono kavi jupi vae japerä.

ISAÍAS 29:18

Jókuae ara, oendumbaese vae reta oenduta, tembikuatía oyemongeta chupe reta yave, jare jesambae vae reta oechata.

ISAÍAS 29:24

Jare ipɨa jopa yepi yogüɨreko vae reta, iyarakuaata, jare iñeenguruse vae reta, oyeapɨsakata yemboe reta re.”

ISAÍAS 30:18

Ërei yandeYa oärota, güɨnoi vaerä mboroparareko peré, oïndaivi oï oechauka vaerä mboroparareko peve, echa yandeYa jae ko Tumpa jupi vae. ¡Oyekou, opaete jese oyeko vae reta!

ISAÍAS 30:21

Pepia pota tëi tape güi yave, peenduta pekupe kotɨ ñee jei peve: “Kuae ko jae tape, peguata kuae rupi. Agüɨye pepia ketɨ ave yepe.”

ISAÍAS 32:3

Jayave ikɨ̈reɨ oecha vae reta, ipuereta oecha, jare ikɨ̈reɨ oendu vae reta, ipuereta oendu;

ISAÍAS 35:5

Jayave, jesambae reta omaeta, iyapɨsambae reta oenduta;

ISAÍAS 35:8

Jare jokoropi oimeta tape, jókuae tape jeeta: “Tape Oñeñono tee vae”. Mbaetɨta oasa jokoropi ikɨa oï Tumpa jóvai vae; mbaetɨ iyarakuaa vae reta, ngaraa oguata kuae tape rupi.

ISAÍAS 40:4

Opaete ɨvɨtɨ päu reta toyemboyovake, jare opaete ɨvɨtɨ guasu jare ɨvɨtɨ toyembosɨmbi; opaete ɨ̈vɨa toyembosɨmbi, jare ipe kavimbae toyemboipe.

ISAÍAS 41:17

Paravete vae reta oeka tëi ɨ, ërei mbaetɨ oväe. Ikü otini iɨuve güi; ërei che, peYa ayemoambekota jese reta, che, Israel iTumpa, ngaraa aeya reta.

ISAÍAS 41:3

¿Oporoaɨkuemoña, jare ojo güɨrave oiko jenonde kotɨ, ɨvɨ oikuaambae vae rupi ojo?

ISAÍAS 45:2

“Che ajata nderenonde, tape pɨ̈chɨi vae amboipe kavita, öke reta jiero iyu vae pegua aakɨota jare jiero öke imotätaka reta opata aakɨo kɨo.

ISAÍAS 45:7

Che ko ayapo tembipe jare pɨtumimbi, che ayapo mbɨakatu jare tembiporara. Che, opaete iYa ko ayapo opaete kuae mbaembae.”

ISAÍAS 48:17

Körai jei yandeYa, ndeReepɨ vae, Tumpa Iyoambae Israel pegua: ‘Che ko jae ndeYa Tumpa, ndemboe kavi yae vae, ndemboe kërai reiko vaerä vae.

ISAÍAS 52:12

Echa ngaraa peë rai rai, jare ngaraa petekuarai; echa yandeYa ojota perenonde, Israel iTumpa ko pemboatɨta.

ISAÍAS 54:13

Jare opaete nemembɨ reta che ndeYa etei amboeta; jare oyekou yaeta mbɨakatu re.

ISAÍAS 58:10

remee nderembíu oata chupe vae pe yave, remborɨ yave ipɨatɨtɨ vae, jembipeta reyekuaa pɨtumimbía pe, kuaraɨ ara mbɨte pe oï rami reyekuaata.

ISAÍAS 62:12

Israel iñemuña reta pe jei retata: “Tëta oñeñono tee vae.” “IYa Tumpa oepɨgüe.” Nde ndembojee retata: “Tëta guasu ipotaa yae vae.” “Tëta guasu mbaetɨ oyeeya vae.”

EZEQUIEL 14:23

Pepɨakatuta peikuaa ma yave kërai ko yogüɨreko jare ikavimbae ko oyapo reta vae. Jayave peikuaata mbae jeko pegua ko aiporarauka kuaekuae Jerusalén pe. Che peYa jae.’ ”

OSEAS 2:14

Ërei che amokɨ̈reɨta; arajata ñuu pe, jare añataita ipɨa.

OSEAS 2:6

Jáeramo ayopiata jape ñurati pe jare aroyereta kesemba jese, agüɨye vaerä oväe japerä.

AMÓS 5:8

Peeka yasɨtata yatɨ yatɨ Pléyades jare Orión jee vae iyapoa, jae ko oyapo ara jare pɨ̈tu; jae ko oenɨi ɨ ɨguasu güi, jare opɨyere ɨvɨ iárambo; jae omee mɨ̈rata ipɨ̈rata vae güi omaepɨ̈ro vae pe, jare ombou omaepɨ̈ro vae tëta ipɨ̈rata yae vae re. Jae ko jee yandeYa.

San Lucas 3:5

Opaete ɨvɨtɨ päu reta oñemotɨnɨeta ɨvɨ pe. Jare opaete ɨvɨtɨ guasu jare opaete ɨvɨtɨ reta oyembosɨmbi. Jare tape ñape vae reta oyembosɨmbiukata. Jare tape ikavimbae vae reta ipe kavita.

Hechos 26:18

reipea vaerä jesa reta, jare oyepoepɨ reta vaerä pɨtumimbi güi tembipe pe jare Satanás imbaepuere güi Tumpa kotɨ. Cheré güɨrovia reta yave Tumpa iñɨ̈rota chupe reta iyoa reta re jare omboresive retata vi imbaerä vae ïru oñeñono tee Tumpa peguarä vae reta ndive.

Efesios 5:8

Echa tenonde yave peikose pɨtumimbi pe rami. Ërei añave peiko tembipe rami yandeYa re. Peiko tembipe pe yogüɨreko vae reta rami.

Hebreos 13:5

Agüɨye peipotarai korepoti. Peyerovia mbaembae penoi vae re, echa Tumpa jei: “Ngaraa poeya peangarekoambae.”

JOSUÉ 3:4

Jökorai peikuaa vaerä kerupi peo; echa pe reta mbaetɨ peikuaa kuae tape. Ërei agüɨye peya käjou re, metei kilómetro rupi peiko jaɨkue; agüɨye peya jese.”

1 Pedro 2:9

Ërei pe reta ko jae ñemuña oyeparavogüe, sacerdote reta, tëtaguasu oñeñono tee vae, Tumpa peparavo jae imbaerä, pemoërakua vaerä mbae tuichagüe oyapogüe, perenoe pɨtumimbi güi peiko vaerä jembipe ikavi yae vae pe.