ISAÍAS 42:1 - Biblia Guarani Tumpa Iñee

¹ “Mase, ko oï cherembiokuai, che ayangarekota jese vae; cherembiparavo, chepɨa oyerovia jese vae; jese añono cheEspíritu; jae güeruta jupi vae opaete tëtaguasu reta peguarä.

ISAÍAS 42:1 ပူးပေါင်းရင်းမြစ်များ

GÉNESIS 49:10

Judá güi ngaraa kia ipuere opɨ̈ro mbaepuere, ngaraa vi ipo pegua oro pegua vae ave, ou regua Siloh, jókuae ipo pegua oro pegua iya, chupe opaete vae omeeta mbaemboete.

SALMOS 72:4

¡Toporookuai mburuvicha guasu jupi rupi, oiporara vae reta re! ¡Toepɨ oata mbae re vae reta imichia reta! ¡Togüɨnoi mbaepuere oporogüɨrekoasɨ katu vae reta re!

SALMOS 89:4

“Neñemuña reta pe ameeta jekuae avei pegua oporookuai vaerä nderendagüe pe.”

ISAÍAS 2:4

Jare oporojäata opaete tëtaguasu reta re, jare ombosɨmbita jeta vae reta jeko. Jare opata oyapo reta ikɨsepuku reta arao itïrä, jare imii reta oyapota tembiporu hozrä. Tëtaguasu reta mbaetɨta ma oñoraro, jare ngaraa ye ma oime yemboe ñeraro peguarä.

ISAÍAS 32:16

Sɨmbi vae jare jupi vae oimeta opaete kuae ɨvɨ pe.

ISAÍAS 41:8

“Ërei nde Israel, Jacob iñemuña, agüɨye ekɨɨye cherembiokuai ko nde, che ko roparavo, chevɨa-ïru Abraham iñemuña reta:

ISAÍAS 41:9

Che ko rogüeru matɨ ɨvɨ iyapɨ kotɨ güi, che ko roenɨi matɨ ɨvɨ jembeɨ kotɨ güi, jare jae ndeve: ‘Nde ko cherembiokuai.’ Che ko roparavo jare mbaetɨ rogüɨröɨro.

ISAÍAS 42:2

Ngaraa osapúkai, jare ngaraa iñeeäta, ngaraa ave iñee oenduka kaye rupi,

ISAÍAS 43:10

YandeYa jei: “Pe reta ko jae pemombeu cheregua vae, cherembiokuai che aiparavo vae, chekuaa vaerä, perovia vaerä cheré, jare chekuaa vaerä kia ko che vae. Mbaetɨ yé ïru tumpa tenonde voi ma oiko chegüi vae, jare cheraɨkue rupi ngaraai vi oime ïru.

ISAÍAS 50:10

Opaete pe reta peipoɨu yandeYa güi vae, jare peendu jembiokuai iñee vae: Pɨtumimbía rupi peguata yave, ani mbaetɨ jembipe ete kavi mbatee peve yave, peyeko yandeYa re, peyeko peTumpa re.

ISAÍAS 52:13

Mase, cherembiokuai oyekou yaeta ko, oyembotuichaukata jare jërakua yaeta.

ISAÍAS 53:11

Oechata oiporaragüe jekovia, jare ipɨakatuta opɨta; cherembiokuai jupi vae iyarakuaa katu rupi ombojupita jeta vae, güɨrajata jae reta iyoa.

ISAÍAS 59:21

YandeYa jei: “Kuae jae cheporogüɨrökuavee päve ayapo pe reta ndive vae, chembaepuere jare cheporomboe ngaraa oata peve jare peñemuña reta pe.” Jei yandeYa jekuae avei pegua.

ISAÍAS 61:1

YandeYa Tumpa iEspíritu oï cheré, echa yandeYa ko cheparavo; chembou amoërakua vaerä ñee ikavi vae oiporara vae reta pe, ambogüera vaerä ipɨatɨtɨ vae reta, amoërakua vaerä yeyora tembipɨɨ reta pe, jare tembipɨɨrɨru oyepea vaerä tembipɨɨ reta pe;

ISAÍAS 63:1

—¿Kia pa kuae ou ɨvɨ Edom güi, tëta Bosra güi vae, jemimonde moropɨ̈ta ou vae? ¿Ipöra yae jemimonde vae, jare oguata imbaepuere yae reve vae? —Che ko, mbaejupi vae omoërakua vae, chembaepuere yae rupi oporoepɨ vaerä vae.

HAGEO 2:23

Jókuae ara roepɨta Zorobabel, Salatiel taɨ chemborɨa, ayangarekota nderé chepoäka-vera re rami; echa che roparavo, jei yandeYa Imbaepuere yae ete vae.’ ”

ZACARÍAS 3:8

Eendu añave, sacerdote tenondegua Josué, nde jare ndevɨa-ïru reta oguapɨ nderóvai vae, echa pe reta ko jae yembojaangaa. Mase, ko che aru cherembiokuai jokɨ pɨau vae.

MALAQUÍAS 1:11

Opaete tëtaguasu ñavo rupi chemboete, jare oipota rupi kuae ɨvɨ pe oapɨ reta ikäti kavi vae incienso cheree re jare omee reta mbota ikavi vae cheve, echa cheree jërakua opaete tëtaguasu reta rupi.

San Mateo 17:5

Pedro imiari oï ramboeve, amapɨtu jembipe vae omboyasoi reta, jare jókuae amapɨtu güi oyeendu ñee jei: “Kuae ko jae cheRaɨ aaɨu yae vae. Chemboyerovia vae. Peyeapɨsaka jese.”

San Lucas 3:22

Jare oyekuaa Espíritu Santo ogüeyɨ Jesús re pɨkasu rami. Jayave oyeendu ñee ara güi, jei: —Nde ko jae cheRaɨ roaɨu yae vae. Chemboyerovia yae vae.

San Lucas 4:18

“YandeYa iEspíritu oï cheré, echa cheparavo amombeu vaerä ñee ikavi vae iparavete vae reta pe. Chembou ambogüera vaerä ipɨatɨtɨ vae reta, amoërakua vaerä yeyora tembipɨɨ reta pe, jare amomae vaerä jesambae reta. Chembou vi ayora vaerä yogüɨrekoasɨ katu vae reta.

San Lucas 4:19

Chembou vi amoërakua vaerä yandeYa ipɨakavi re.”

San Lucas 9:35

Jayave oyeendu ñee amapɨtu güi jei: “Kuae ko jae cheRaɨ aaɨu yae vae. Peyeapɨsaka jese.”

San Juan 16:32

Ërei ou ma ara oväe, ko ma oï, opa vaerä peñemoai moai, chereeyata cheño etei. Ërei mbaetɨ ko cheño aï, echa cheRu ko oï che ndive.

San Juan 3:34

Jókuae Tumpa ombou vae imiari Tumpa iñee, echa Tumpa omee chupe iEspíritu.

San Juan 6:27

Agüɨye peparavɨkɨ tembíu mbaetɨta ɨma oiko peve vae reño. Ërei peparavɨkɨ tembíu opambae vae pegua re, jae ko tekove opambae che Kuimbaerä ayeapo vae ameeta peve vae. Echa cheRu Tumpa jaerä ko chembou.

Hechos 10:38

kërai Tumpa oiparavo Espíritu Santo rupi jare mbaepuere rupi Jesús Nazaret pegua, jare kërai jae ojo opaete kerupi oyapo ikavi vae, jare kërai ombogüera opaete aña guasu oiporarauka chupe vae reta. Echa Tumpa oiko jae ndive.

Hechos 11:18

Jayave Pedro jei chupe reta vae oendu yave, mbaetɨ mbae jei reta, jare omboete reta Tumpa, jei reta: —¡Tumpa omee vi yepe judiombae vae reta pe oeya vaerä iyemongeta ikavimbae vae ipɨa pe oï vae, güɨnoi vaerä tekove opambae vae!

Hechos 28:28

Peikuaa kuae, añave güive Tumpa iporomboasa güeru judiombae vae reta pe. Jare jae reta oyeapɨsakata jese.

Hechos 9:15

YandeYa jei chupe: “Ekuaño, echa che aiparavo ma kuae kuimbae ojo vaerä omoërakua cheregua judiombae vae reta pe, mburuvicha guasu reta pe jare Israel pegua reta pe.

Efesios 1:4

jae yandeparavo jese ndei ɨvɨ oyeapo mbove, ñañeñono tee yaiko vaerä ikɨambae jae jóvai;

Efesios 1:6

ipɨakavi yae oyemboete vaerä, jókuae rupi yandeapo taɨrä, Taɨ oaɨu vae rupi;

Efesios 3:8

Yepe tëi che ko michi yae opaete oporogüɨrovia vae michi yae vae güi, ërei oñemee cheve Tumpa ipɨakavi, amoërakua vaerä judiombae reta pe ñee ikavi vae, Cristo imbaeyekou yaipapa rapembae vae re,

Filipenses 2:7

ërei jae oeya jare oyeapo kuimbaerä, oyeapo tembiokuairä.

Colosenses 1:13

YandeRu yandereepɨ ma mbaepuere pɨtumimbi pegua güi, jare yandereroyakavo ma Taɨ oaɨu vae iporookuaía pe;

1 Pedro 2:4

Peyemboya yandeYa re, jae ko jókuae ita oikove vae, ɨvɨ pegua reta güɨröɨro jókuae ita. Ërei Tumpa peguarä ko oyeparavogüe jare ikavigüe.

1 Pedro 2:6

Echa Tumpa Iñee jei vi: “Mase, ko añonota Sión pe metei ita, o ekina iguapɨka okúembae, ita oyeparavogüe, ikavi yae vae, jese güɨrovia vae ngaraa oñemomaraiuka.”