ISAÍAS 41:4 - Biblia Guarani Tumpa Iñee

⁴ ¿Kia pa oyapo kuae? ¿Kia pa oyapo iyɨpɨ güive kërai yogüɨreko vaerä kuimbae reta? Che peYa, jae ko Tumpa, oikoño mai vae.

ISAÍAS 41:4 ပူးပေါင်းရင်းမြစ်များ

SALMOS 102:27

Ërei ngatu nde ko oyepoepɨmbaei vae, neaño reta opambae vae ko.

SALMOS 102:28

Nderembiokuai taɨ reta yogüɨrekota oipoɨumbae reve, jare iñemuña reta yogüɨreko aveita nderóvai.

ISAÍAS 40:12

¿Kia pa ojäa ipo mbɨte pe ɨguasu, ani ojäa ipoäka pe ara reta, jare mboapɨ ipoäka pe omboatɨ ɨvɨkúi ɨvɨ pegua, jare ojäa mbaejäaka pe ɨvɨtɨ guasu reta jare ɨvɨtɨ reta?

ISAÍAS 40:26

Perovaɨva pemae ara kotɨ: ¿Kia pa oyapo opaete jókuae mbaembae reta? Jae ko oipapa jare oñono jenda pe kavi kavi, ombojee metei ñavo, ngaraa metei ave oata. Jökorai ko imbaepuere yae jare ipɨ̈rata yae.

ISAÍAS 41:20

opaete vae pe reta peecha vaerä jare peikuaa vaerä, kërai che peYa ko ayapo chembaepuere rupi kuae, che, Tumpa Iyoambae Israel pegua ko ayapo kuaekuae.”

ISAÍAS 41:26

¿Kia pa kuae omombeu iyɨpɨ güive voi ma roikuaa vaerä? ¿Kia pa omombeu arakae kuae regua, roikuaa vaerä jupi ko vae? Mbaetɨ ko kia ave omombeu kuae, mbaetɨ kia ave oendu pemombeu kuae regua.

ISAÍAS 41:3

¿Oporoaɨkuemoña, jare ojo güɨrave oiko jenonde kotɨ, ɨvɨ oikuaambae vae rupi ojo?

ISAÍAS 42:24

¿Kia pa omee Israel, Jacob iñemuña reta, oñepɨ̈rouka jare oyepɨɨuka vaerä? YandeYa ko oyapo jókuae, yandeYa yandeyoa ikotɨ vae; mbaetɨ peipota peguata jae jeia rupi, mbaetɨ peipota peyapo iporookuai reta.

ISAÍAS 43:10

YandeYa jei: “Pe reta ko jae pemombeu cheregua vae, cherembiokuai che aiparavo vae, chekuaa vaerä, perovia vaerä cheré, jare chekuaa vaerä kia ko che vae. Mbaetɨ yé ïru tumpa tenonde voi ma oiko chegüi vae, jare cheraɨkue rupi ngaraai vi oime ïru.

ISAÍAS 43:13

Che ko Tumpa oikoño mai vae. Mbaetɨ kia ipuere chemboavai. Mbaetɨ kia ipuere omboai che ayapogüe.”

ISAÍAS 46:10

Che amoërakua mbaembae oasata vae, iyɨpɨ güive voi ma, jare arakae güive voi ma amoërakua mbaembae oasata vae. Che ayemongeta vae, oyeapota ko, ayemongeta ayapo vaerä vae, ayapota ko.

ISAÍAS 48:12

“Peyeapɨsaka Israel, Jacob iñemuña reta, che roenɨi vae ko nde. Che ko Tumpa jaevaeño vae, che ko, oikoño mai vae.

San Mateo 1:23

Echa jei körai: “Mase, metei kuñatai mbaetɨ etei oasa kuimbae ndive vae ipuruata jare oata imembɨ kuimbae raɨ. Jare ombojee retata Emanuel.” (Kuae tee oipota jei: “Tumpa oime yande ndive.”)

San Mateo 28:20

Pemboe reta opaete che poyókuai vae re. Jare che aïta pe ndive opaete ara kuae ɨvɨ iyapɨ regua. ¡Amén!

Hechos 15:18

Che peYa aikuaauka kuae arakae güive vae, jae körai.”

Hechos 17:26

Jae oyapo metei kuimbae güi opaete vae reta yogüɨreko vaerä ɨvɨ iárambo. Tumpa etei ko omee ɨvɨ pegua reta pe kërai yave jare kia pe yogüɨreko vaerä.

DEUTERONOMIO 32:39

Pemae añave, che ko jae Tumpa jae vaeño, mbaetɨ ïru tumpa chegüi, che amee tekove jare che aekɨ, che aporombopere jare che aporopoano; ¡mbaetɨ kia ipuere oporoepɨ chepo güi!

Apocalipsis 1:11

jare jei: “Che ko jae Alfa jare Omega, tenondegua ete jare taɨkuegua ete. Eikuatía metei tupapire pe nde reecha reï vae, javoi emondo chiu tëta reta Asia pegua pe oporogüɨrovia vae reta pe, jae ko: Efeso, Esmirna, Pérgamo, Tiatira, Sardis, Filadelfia jare Laodicea pe.”

Apocalipsis 1:17

Jare aecha yave, aa jóvai omano vae rami. Jayave jae oñono ipo iyakatu cheré jare jei cheve: “Agüɨye ekɨɨye. Che ko jae tenondegua ete jare taɨkuegua ete,

Apocalipsis 1:8

YandeYa jei: “Che ko jae Alfa jare Omega”, iyɨpɨ ete jare iyapɨ ete, jae ko iyɨpɨ güive, añave jare outa vae, Imbaepuere yae ete vae.

Apocalipsis 2:8

Eikuatía Esmirna pegua oporogüɨrovia vae reta iaraɨgua pe: Tenondegua ete jare taɨkuegua ete, omano, ërei oikove ye vae jei:

Apocalipsis 22:13

Che ko jae Alfa jare Omega, iyɨpɨ ete jare iyapɨ ete, tenondegua ete jare taɨkuegua ete.”