ISAÍAS 41:28 - Biblia Guarani Tumpa Iñee

²⁸ Amae yave, mbaetɨ metei ave aecha tumpa-raanga, aparandu kuae mbaembae reta re yave, mbaetɨ kia ave omombeu vaerä, aparandu tëi vaerä yave, mbaetɨ kia ave omombeu vaerä cheve.

ISAÍAS 41:28 ပူးပေါင်းရင်းမြစ်များ

ISAÍAS 46:7

Jare ovoɨ reta güɨraja iyatiɨ re, güɨraja reta oñono jenda pe, joko pe opɨta, mbaetɨ omɨi jókuae jenda güi. Yepe tëi osapúkai reta oyerure chupe, ërei mbaetɨ oyapo iyerure chupe reta, ani mbaetɨ ipuere güɨroasayepe ipɨatɨtɨ güi.

ISAÍAS 50:2

¿Maera pa ayu yave, mbaetɨ etei kia aväe chupe? ¿Maera pa aporoenɨi tëi yave, mbaetɨ kia ave omoë iñee? Jae reta iyemongeta pe, mbaetɨ potaecha ndipo aepɨ reta, mbaetɨ potaecha ndipo chepuere ayora reta iyeupe. Cheñee peño ko opa amondɨpa ɨguasu jare ɨ̈aka reta opa amotini; jevae ɨ rupigua reta opa omano ɨ oata jeko pegua.

ISAÍAS 59:16

Jare yandeYa ipɨakañɨ, oecha yave mbaetɨ kia oyapo kavi kuaekuae; jayave jae etei oyapo imbaepuere rupi, jare oporomoamɨri.

ISAÍAS 63:5

Amae, jare aecha mbaetɨ kia chemborɨ vaerä, chepɨakañɨ aecha ramboeve mbaetɨ etei kia chemborɨ vaerä. Cheyɨva pe ko ayereroasayepe, jare chearasɨ rupi cherëia yae.

ISAÍAS 65:12

che pomeeta pemano ñeraro pe, opaete pe reta peyetavatɨkata peäka oyeasɨa vaerä. Echa poenɨi tëi, ërei mbaetɨ pemboyevɨ cheve; pomomiari tëi, ërei mbaetɨ peendu cheve; peyapo ikavimbae cheróvai, peiparavo peyeupe, mbaetɨ etei ipöra cheve vae.”

DANIEL 5:8

Jayave opaete yarakuaa katu vae reta, mburuvicha guasu pe oyeokuai vae reta güɨroike jóvai, ërei mbaetɨ ipuere reta omongeta oyekuatía oï vae jare mbaetɨ vi ipuere oikuaauka mburuvicha guasu pe mbae ko oipota jei vae.