ISAÍAS 41:23 - Biblia Guarani Tumpa Iñee

²³ pemombeu oreve mbaembae ko outa kuri vae, roikuaa vaerä añetete ko pe reta jae tumpa reta vae. Peechauka oreve ikavi vae ani ikavimbae vae yepe, oremiari vaerä jese jare orepɨakañɨ vaerä.

ISAÍAS 41:23 ပူးပေါင်းရင်းမြစ်များ

ISAÍAS 19:12

¿Jama pa jókuae iyarakuaa katu vae reta?, tei reta ndeve añave, tomombeu reta ndeve, mbae ra yandeYa Imbaepuere yae ete vae oyemongeta Egipto kotɨ vae.

ISAÍAS 42:9

Mase, kërai oyembopo opaete mbaembae amoërakua iyɨpɨ güive voi vae, jare añave amoërakua ye mbae ipɨau vae, amombeu peve ndei oyekuaa mbove.”

ISAÍAS 43:9

Toyemboatɨ opaete tëtaguasu reta jare opaete tëta reta. ¿Kia pa chugüi reta arakae omombeu kuae mbaembae oasata vae, ani arakae mbaembae oasagüe reta ndei oasa yave voi ma omoërakua reta vae? Oime kia oecha jae reta jeigüe oyembopo ko vae yave, tou jare timiari kuae pe añetete ko vae.”

ISAÍAS 45:21

Pemiari oyoupii jare peikuaauka oyoupe, peparandu oyoupe: ¿Kia ra omombeu kuae regua iyɨpɨ güive voi? ¿Kia ra jei arakae güive voi ma? Che ko, che peYa ko ayapo jókuae. Mbaetɨ yé ko ïru Tumpa chegüi. Mbaetɨ yé ko chegüi ïru Tumpa jupi vae jare oporoepɨ vae.

ISAÍAS 45:3

Che ameeta ndeve opaete mbaembae jepɨ vae, oñeomi oï vae, oyekuaambaea pe oñeomi oï vae, reikuaa vaerä, che ko jae ndeYa Israel iTumpa, che ko roenɨi nderee pe vae.

ISAÍAS 46:7

Jare ovoɨ reta güɨraja iyatiɨ re, güɨraja reta oñono jenda pe, joko pe opɨta, mbaetɨ omɨi jókuae jenda güi. Yepe tëi osapúkai reta oyerure chupe, ërei mbaetɨ oyapo iyerure chupe reta, ani mbaetɨ ipuere güɨroasayepe ipɨatɨtɨ güi.

JEREMÍAS 10:5

Sɨmbi, omɨimbae oyemboɨ reta karandaɨ rami, mbaetɨ imiari reta, ovoɨ reta güɨraja, echa mbaetɨ ipuere oguata reta. Agüɨye pekɨɨye chugüi reta, echa mbaetɨ ipuere reta oyapo ikavimbae ani ikavi vae ave.”

DANIEL 2:9

Mbaetɨ yave peikuaauka cheve chepaɨu, oime meteiño yemongeta oï pekotɨ. Echa peñomomiari päve peï peapu vaerä jare pere vaerä cheve jupimbae vae, pemboasauka vaerä ara reta. Pemombeu cheve chepaɨu, jökorai aikuaata pepuere ko peikuaauka cheve vae.

San Juan 13:19

Kuae amombeu peve añave ndei oyeapo mbove, oyeapo ma yave perovia vaerä CHE KO vae.

Hechos 15:18

Che peYa aikuaauka kuae arakae güive vae, jae körai.”