ISAÍAS 41:2 - Biblia Guarani Tumpa Iñee

² ¿Kia pa omopüa kuaraɨ oëa kotɨ metei mburuvicha guasu, oyapo vaerä che jae vae? ¿Kia pa opa oñono ipo pe tëtaguasu reta, jare mburuvicha guasu reta opa omomichi jóvai; ikɨsepuku pe jare juvɨ pe opa omboai jare omoai moai vaerä kapii rami?

ISAÍAS 41:2 ပူးပေါင်းရင်းမြစ်များ

GÉNESIS 11:31

Jare Taré oë tëta Ur güi, Caldeaɨgua reta iɨvɨ güi, ojo vaerä ɨvɨ Canaán jee vae kotɨ. Güɨraja jupíe taɨ Abram, jare jɨmɨmino Lot, jare taɨtatɨ Sarai. Ërei yogüɨraja ma oväe reta tëta Harán jee vae pe yave, joko pe opɨta reta oñemoëta.

GÉNESIS 17:1

Abram noventa y nueve año güɨnoi yave yandeYa oyeechauka chupe, jare jei chupe: —Che ko jae Tumpa Imbaepuere yae ete vae; eiko cheróvai rupi jare eyapo jupi vaeño,

2 SAMUEL 22:43

¡Ɨvɨkúi rami opa amongúi reta! ¡Tuyuapo tape rupigua rami apɨ̈ro jese reta!

2 REYES 13:7

Echa jókuae kuimbae oporoepɨ vae ndei ou mbove, mburuvicha guasu Joacaz pe mbaetɨ ma jeta jembɨre sundaro, jaeño ma jembɨre chupe cincuenta kuimbae kavayu regua reta, payandepo käretou ñeraro pegua, jare diez mil kuimbae ɨvɨ rupigua, echa mburuvicha guasu Siria pegua opa oyuka, jare opa oeya ɨvɨkúi rami.

2 CRÓNICAS 36:23

“Ciro mburuvicha guasu Persia pegua jei körai: ‘YandeYa Tumpa ara pegua, omee chepo pe opaete mborookuaía reta ɨvɨ pegua, jare cheokuai amopüa vaerä chupe tupao Jerusalén pe, jae ko ɨvɨ Judá pe. Jayave oipotagüe pegüi reta jókuae ɨvɨ pegua, yandeYa imbae ko vae, yandeYa Tumpa tapemborɨ, pekua jokotɨ.’ ”

ESDRAS 1:2

“Ciro mburuvicha guasu Persia pegua jei körai: ‘PeYa Tumpa ara pe oï vae omee chepo pe opaete mborookuaía reta ɨvɨ pegua, jare cheokuai amopüa vaerä chupe tupao Jerusalén pe, ɨvɨ Judá pe.

ISAÍAS 40:24

Jae reta ko temitɨ ipɨau vae rami, jaeramo etei japo oyepota oï vae rami. Tumpa oipeyu yave, jaema voi opa ipiru reta, kusumirou ou yave, opa güɨraja kapii rami.

ISAÍAS 41:25

Ɨvɨtuguasu kotɨ amopüa metei kuimbae, jare outa; kuaraɨ oëa kotɨ güi aenɨita. Opɨ̈rota mburuvicha reta re tuyuapo re rami, oñaeu-apo vae opɨ̈ro ñaeu re rami.

ISAÍAS 41:3

¿Oporoaɨkuemoña, jare ojo güɨrave oiko jenonde kotɨ, ɨvɨ oikuaambae vae rupi ojo?

ISAÍAS 42:6

“Che ndeYa ko roenɨi jupi vae peguarä, jare ropokota rogüɨroata; roñovatuta jare ayapota nderupi morogüɨrökuavee päve opaete vae reta peguarä, jare tembipe rami tëtaguasu reta pe.

ISAÍAS 45:1

YandeYa jei jembiparavo Ciro kotɨ. Che ko aipoko araja ipo pe, opaete tëtaguasu reta oñemomichi vaerä jae jeia re, mburuvicha guasu reta re güɨnoi vaerä mbaepuere. Che peYa aipeata öke reta Ciro japerä pe, ngaraa kia ipuere oyokenda chugüi. Jei ye vi chupe:

ISAÍAS 45:13

Che ko añono Ciro oporomoamɨri vaerä, che amboipeta opaete tape chupe; jae omopüa yeta tëta guasu chembae, jare oyorata chembae vae reta tembipɨɨrä mombɨrɨ rupi ñogüɨnoi vae, okovarambae reve jese.” YandeYa Imbaepuere yae ete vae jei jökorai.

ISAÍAS 46:11

Kuaraɨ oëa kotɨ güi aenɨi metei güɨraké rami vae, matɨ güi outa metei kuimbae aiparavo vae, outa oyapo ayemongeta ayapo vaerä vae. Jae vae, ayapota ko, ayemongeta ayapo vaerä vae, ambopota ko.

ISAÍAS 48:15

Che ko jae, che ko aenɨi jare che ko aru, jáeramo, ojoa rupi, ojo kavi yaeta ko.

LAMENTACIONES 1:15

YandeYa opa omoamɨri chegüi kuimbae reta jëia yae vae. Ombou chekotɨ jeta vae reta, opa vaerä omokañɨtei chegüi taɨrusu reta. ¡YandeYa opɨ̈ro imbae vae Judá pegua reta re, uva re oñepɨ̈ro oñetɨami rami!

Hebreos 7:1

Kuae Melquisedec ko jae Salem pegua mburuvicha guasu, Tumpa tuichagüe vae isacerdote. Jae oë oövaiti Abraham ou ye omoamɨri güire mburuvicha guasu reta. Jare Melquisedec jei ñee kavi chupe.

Apocalipsis 16:12

Jare araɨgua ovaa opɨyere kopa güɨnoi vae ɨ̈aka guasu Éufrates re. Jare tɨpa, oñemokätɨro mburuvicha guasu reta kuaraɨ oëa kotɨgua oasa vaerä.

Apocalipsis 7:2

Jare aecha ïru araɨgua ou kuaraɨ oëa kotɨ güi, jare jókuae güeru Tumpa oikove vae oporomokañɨmaa pɨpe vae. Jare iñeeäta reve jei jókuae irundɨ araɨgua reta oñemee mbaepuere güɨrokomegua vaerä ɨvɨ jare ɨguasu vae pe,