ISAÍAS 41:19 - Biblia Guarani Tumpa Iñee

¹⁹ Ñuu rupi ambokuakuaata jeta ɨ̈vɨrare, ɨvɨra reta acacia, arrayán jare olivo jee vae; ɨvɨ otini yaea rupi ambokuakuaata jeta ciprés, ɨvɨra reta pino jare bojes jee vae,

ISAÍAS 41:19 ပူးပေါင်းရင်းမြစ်များ

ISAÍAS 27:6

Outa oväe metei ara Jacob iñemuña reta oyembojapo vaerä, Israel iñemuña reta jokɨ pɨau yeta jare ipotɨta, jare ia omotɨnɨeta opaete ɨvɨ.

ISAÍAS 32:15

Ërei yandeYa iEspíritu outa yanderé ɨvate güi, jayave ɨvɨ ipombae, ikavi yeta oñemaetɨ pɨpe vaerä, jare ɨvɨ kavi jeiete yaeta ikavi.

ISAÍAS 35:1

Toyerovia ñuu, ɨvɨ ipombae vae; tijokɨ ñana jare tipotɨ,

ISAÍAS 43:19

mase, ko ayapota mbae ipɨau vae, jare peechata añave voi. Aipea yeta tape ñuu rupi, jare ɨvɨ otini vae rupi ɨ̈aka reta.

ISAÍAS 51:3

Ambopɨakatuta Sión, tëta guasu opaetei oyemboai oï vae. Iɨvɨ ipombae oï vae amopörata, Edén pe ko raɨ añono rami. Joko pe oimeta yerovia jare vɨakatu, tairari mbaemboete pegua.

ISAÍAS 55:13

Ñurati jekovia pe oñemuñata ɨvɨra ciprés jee vae, jare ïru ñana yuu reve vae reta jekovia pe okuakuaata ɨvɨra mí arrayán jee vae; kuaekuae reta re yandeYa jee oyemboeteukata, jare opɨta retata kañɨmaa opambae vaerä, ngaraa ye ma oyemboai.”

ISAÍAS 60:13

YandeYa jei Jerusalén pe: “Líbano pegua mbaeyekou oyereruta ndeve: Ɨvɨra reta pino, ciprés jare bojes jee vae, remopöra vaerä pɨpe chero mbaemboetea, rembokavi vaerä che aikoa.

ISAÍAS 60:21

Opaete nerëta pegua reta jupi yaeta, jae reta ko ɨvɨ iyarä jekuae avei pegua, ɨvɨra jeñɨigüe, che etei añotɨ vae ko, mbaravɨkɨ che ayapogüe, aechauka vaerä cheyemboetea.

ISAÍAS 61:11

Echa ɨvɨ pe jokɨ ɨvɨra, jare kó raɨ pe jokɨ pɨau temitɨ vae rami ko, jökorai yandeYa Tumpa oyapota jupi vae, jare opaete tëtaguasu reta otairarita ombaemboete.

ISAÍAS 61:3

amee vaerä opaete Sión pe ipɨatɨtɨ ñogüɨnoi vae reta pe, oime vaerä mbaemboete, mbɨatɨtɨ jekovia pe, yerovia katu toñemee mbae ikäti vae rami temimonde mbɨatɨtɨ pegua jekovia pe; asoya yerovia pegua, mbɨatɨtɨ jekovia pe. Jare oyembojeeuka retata: “Ɨvɨra jupi vae”, yandeYa jemitɨ, jae iyemboetea peguarä.

EZEQUIEL 47:12

Ɨ̈aka jembeɨ jovaicho icho rupi okuakuaata oipotagüe ɨvɨra oime ia vae, mbaetɨta osururu joo reta jare ia aveita. Jarembae mbae iata, echa tupao güi ɨ oë vae omoäkɨta. Iagüe ikavita oyeu vaerä jare joogüe moarä.

OSEAS 14:8

Efraín jeita: ‘Ngaraa ye ma aeka tumpa-raanga reta.’ ¡Che ayeapɨsakata jare ayangarekota chembae vae reta re! Che ko jae metei ɨvɨra jokɨ katu avei vae rami, cheré toväe chembae vae reta mbae ikavi vae.”

ZACARÍAS 1:8

Metei pɨ̈tu aecha, metei kuimbae kavayu pɨ̈ta vae re opo oï ñana pɨte pe ɨvɨtɨ päu ipea pe; jare jaɨkue kotɨ ñogüɨnoi kavayu pɨ̈ta vae reta, ipara jare tïi vae reta.