ISAÍAS 41:16 - Biblia Guarani Tumpa Iñee

¹⁶ Remboveveta jare opata ɨvɨtu güɨraja; kusumirou opata omoai moai. Ërei nde reyeroviata ndeYa re, reyemboeteta Tumpa Iyoambae Israel pegua re.

ISAÍAS 41:16 ပူးပေါင်းရင်းမြစ်များ

SALMOS 1:4

Ërei iyoa vae reta mbaetɨ jökorai, mbae javiyugüe ɨvɨtu güɨroveve vae rami.

ISAÍAS 12:6

Pesapúkai jare petairari peyerovia güi, pe Sión pegua reta, echa Tumpa, Iyoambae Israel pegua tuicha yae vae, oime oï pepɨte pe.”

ISAÍAS 17:13

Ërei Tumpa iñeeäta rupi matɨ opa otekuarai reta; ɨvɨtu jenonde ɨtɨ güɨraja vae rami, kusumirou güɨraja ɨvɨkúi vae rami.

ISAÍAS 25:9

Jókuae ara jei retata: “Kuae ko jae ñaneTumpa ñaäro yaiko vae, jese yarovia jare jae yandemborɨta. Yayerovia jare yavɨa, echa jae ko yandemborɨta.”

ISAÍAS 28:5

Jókuae ara yandeYa Imbaepuere yae ete vae oïta tëta imbae vae jembɨregüe reta peguarä äka-regua yemboete pegua rami, jare mbae imopöraka ikavi yae vae rami,

ISAÍAS 29:19

Jayave oñemomichi vae reta, oyerovia yeta yandeYa re, jare paravete yae vae reta, oyerovia yeta Iyoambae Israel pegua re.

ISAÍAS 29:5

Ërei güɨramoiño, outa yandeYa Imbaepuere yae ete vae oiporarauka vaerä nderovaicho reta pe ara rɨapu rupi, ɨvɨkana rupi, mbae täta jɨapu vae rupi, ama ɨvɨtuai reve jare kusumirou guasu rupi, jare tata yavaetegüe rupi. Jare jókuae nderovaicho jeta yae vae opɨtata ɨvɨkúi rami, jare jëia yae vae reta opɨtata ɨtɨ rami.

ISAÍAS 35:10

yandeYa oyoragüe reta oyerovata, jae reta oiketa Sión pe tairari yerovia pegua ndive, yogüɨreko aveita yerovia katu rupi, güɨnoi retata yerovia katu, opata okañɨ mbɨatɨtɨ jare yaeo.

ISAÍAS 40:24

Jae reta ko temitɨ ipɨau vae rami, jaeramo etei japo oyepota oï vae rami. Tumpa oipeyu yave, jaema voi opa ipiru reta, kusumirou ou yave, opa güɨraja kapii rami.

ISAÍAS 51:3

Ambopɨakatuta Sión, tëta guasu opaetei oyemboai oï vae. Iɨvɨ ipombae oï vae amopörata, Edén pe ko raɨ añono rami. Joko pe oimeta yerovia jare vɨakatu, tairari mbaemboete pegua.

ISAÍAS 60:19

Ngaraa ma reipota kuaraɨ omboesape vaerä ndeve ara pe, ani yasɨ ave omboesape vaerä ndeve pɨ̈tu yave, echa, che ndeYa jae ko tembipe opambae; che, neTumpa, jae ko ndemboesape vae.

ISAÍAS 65:18

Ërei pepɨakatuta jare peyerovia katuta jekuae avei, mbaembae che ayapo pɨau ye vae re; echa, ko che aruta Jerusalén pe yerovia katu, jare pɨpegua reta pe vɨakatu.

JEREMÍAS 15:7

Opa amoai moai nerëta pegua reta kapii rami, opa anoe tëta guasu reta güi; aeya imichiambaeño chembae vae reta, opa amokañɨtei, echa mbaetɨ oipota oeya jeko reta ikavimbae vae.

JEREMÍAS 51:2

Ambouta Babilonia pe, jovaicho reta oyapo vaerä chupe, trigo ipire omboveve ɨvate vae reta oyapo rami; jare iɨvɨ opaeteita oitɨvɨro. Echa oväeta ara kañɨtei pegua, oporepeñata jese oipota rupi güi.

JEREMÍAS 51:20

“¡Babilonia, nde ko jae chemartillo rami, cherembiporu ñeraro pegua rami! nde rupi amboai tëtaguasu reta, nde rupi amboai mborookuaía reta.

JEREMÍAS 51:33

Echa yandeYa Imbaepuere yae ete vae Israel iTumpa jei körai: “¡Babilonia, mbaembopiriría renda pe mbae oyembopiririta ma vae rami ko, oväeta ete ma iara oyepoo vaerä!”

DANIEL 2:35

Jayave opa vi ikuruvi jiero, ñaeu oyɨgüe, jiero iyu vae, korepoti jare oro, jare opa okañɨ kuaraɨ guasu pe trigo oyembopiriri vae javiyugüe ave opaetei ɨvɨtu güɨroveve rami, mbaetɨ etei mbae ave opɨta chugüi rami. Ërei jókuae ita ou oa jese vae oyeapo metei ɨvɨtɨ guasurä, opaetei omotɨnɨe ɨvɨ.

OSEAS 11:9

Ngaraa ayapo chearasɨ jeia rupi: Ngaraa ave amboai Efraín, echa Tumpa ko che, kuimbaeä ko che. Pepɨte pe Ikɨambae ko che, ngaraa aike amboai tëta guasu.”

JOEL 2:23

¡Sión pegua reta, pe reta vi peyerovia katu jare pevɨakatu yandeYa Tumpa re! Echa ombou peve iara pe kavi tenondegua ama; jare ombou ñotai peve tenondegua ama jare taɨkuegua ete, tenonde rupi rami.

MIQUEAS 5:8

Körai eteita ko Jacob iñemuña reta jembɨregüe, ïru tëtaguasu reta rupi; yaguapope, mɨmba ñanaɨgua reta ipɨte rupi rami, yaguapope raɨ vecha reta ipɨte rupi rami; kuae oasa yave mɨmba reta ipɨte rupi, mbaetɨ ipuere ojoyepe chugüi vae.

San Mateo 3:12

Jae güeru ipo pe imbaembovevea, omboveve vaerä trigo; oñovatuta trigo jɨru pe. Ërei oapɨta ɨtɨ tata ogüembaea pe.”

Romanos 5:11

Jare mbaetɨ kuaeño, yayerovia vi Tumpa re yandeYa Jesucristo rupi, echa Cristo rupi yamboresive yembopɨakatu.

Filipenses 3:3

Echa yande ko jae añetete oyembocircuncida vae reta, echa yande yamboete Tumpa Espíritu rupi, mbaetɨ etei yayeko yandesoo pe oyeapo vae re.