ISAÍAS 41:15 - Biblia Guarani Tumpa Iñee

¹⁵ Ko che roñono mbaembopiririka rami, mbaembopiririka ipɨau vae, jeta jäi vae; rembosururuta ɨvɨtɨ guasu opa emongúi, kapii rami eeya opaete ɨvɨtɨtï reta.

ISAÍAS 41:15 ပူးပေါင်းရင်းမြစ်များ

JOB 41:30

Ipɨtía re güɨnoi ipireäta jaimbe vae, tuyuapo oikɨ̈ti oeya ipɨtía pe.

SALMOS 18:42

¡Amongúiasɨ reta ɨvɨkúi ɨvɨtu opa güɨroveve vae rami! ¡Apɨ̈ro jese reta, tape rupi tuyuapo re oñepɨ̈ro rami!

ISAÍAS 17:13

Ërei Tumpa iñeeäta rupi matɨ opa otekuarai reta; ɨvɨtu jenonde ɨtɨ güɨraja vae rami, kusumirou güɨraja ɨvɨkúi vae rami.

ISAÍAS 21:10

Tëta chembae, trigo oyembopiriri jare oyembovevegüe rami vae, amombeu ndeve aendu yandeYa Imbaepuere yae ete vae güi vae, jae ko Israel iTumpa.

ISAÍAS 28:27

Echa eneldo jare comino mbaetɨ ko oyembopiriri trigo rami; trigo oyembopiriri mbae ipoɨ vae pe ani käretou iruera oñemopɨ̈ro jese, ërei mbegüe pe kavi, agüɨye vaerä opa omonguruvi; ërei eneldo jare comino oyembopiriri vaerä oñenupa ko ɨvɨra pe.

ISAÍAS 29:5

Ërei güɨramoiño, outa yandeYa Imbaepuere yae ete vae oiporarauka vaerä nderovaicho reta pe ara rɨapu rupi, ɨvɨkana rupi, mbae täta jɨapu vae rupi, ama ɨvɨtuai reve jare kusumirou guasu rupi, jare tata yavaetegüe rupi. Jare jókuae nderovaicho jeta yae vae opɨtata ɨvɨkúi rami, jare jëia yae vae reta opɨtata ɨtɨ rami.

ISAÍAS 42:15

Opata amboai ɨvɨtɨ jare ɨvɨtɨ guasu, opata amombiru ñana reta jokoropigua; opata ɨ̈aka reta jare ɨupa reta amondɨpa.

ISAÍAS 64:1

Remondoro yave mona ara, javoi regüeyɨ, nderóvai opata ko tɨkui ɨvɨtɨ reta,

JEREMÍAS 51:20

“¡Babilonia, nde ko jae chemartillo rami, cherembiporu ñeraro pegua rami! nde rupi amboai tëtaguasu reta, nde rupi amboai mborookuaía reta.

JEREMÍAS 51:33

Echa yandeYa Imbaepuere yae ete vae Israel iTumpa jei körai: “¡Babilonia, mbaembopiriría renda pe mbae oyembopiririta ma vae rami ko, oväeta ete ma iara oyepoo vaerä!”

JEREMÍAS 9:10

Peäpiro peräse reve ɨvɨtɨ reta, peäpiro ñuu kapii jenda reta, echa opaetei oyemboai opɨta, mbaetɨ ye kia oasa jokoropi; guaka iñee ave mbaetɨ oyeendu, güɨra jare mɨmba pochɨ vae reta ave opa yogüɨraja.

EZEQUIEL 33:28

Jókuae ɨvɨ opata amboai jare opɨtata ipombae, ambopaata imbaepuere re oyembotuicha yae vae. Jare ɨvɨtɨ reta Israel pegua opɨtata ipombae; mbaetɨ eteita kia ave oasa jokoropi.

DANIEL 2:35

Jayave opa vi ikuruvi jiero, ñaeu oyɨgüe, jiero iyu vae, korepoti jare oro, jare opa okañɨ kuaraɨ guasu pe trigo oyembopiriri vae javiyugüe ave opaetei ɨvɨtu güɨroveve rami, mbaetɨ etei mbae ave opɨta chugüi rami. Ërei jókuae ita ou oa jese vae oyeapo metei ɨvɨtɨ guasurä, opaetei omotɨnɨe ɨvɨ.

MIQUEAS 4:13

¡Tëta guasu Sión, epüa jare embaembopiriri!, echa Tumpa jei: “Roapota toro ipɨ̈rata yae vae rami, toro jäti jiero rami jare ipɨ̈sa jiero iyu vae rami; remoamɨri vaerä jetagüe tëta guasu reta, jare reñono teeta cheve, jae reta opɨ̈rogüe, imbaeyekou reta reñono teeta opaete ɨvɨ iYa pe.”

MIQUEAS 5:8

Körai eteita ko Jacob iñemuña reta jembɨregüe, ïru tëtaguasu reta rupi; yaguapope, mɨmba ñanaɨgua reta ipɨte rupi rami, yaguapope raɨ vecha reta ipɨte rupi rami; kuae oasa yave mɨmba reta ipɨte rupi, mbaetɨ ipuere ojoyepe chugüi vae.

HABACUC 3:12

Ndearasɨ reve repɨ̈ro opaete ɨvɨ; tëtaguasu reta re repɨ̈ro ndearasɨ rupi.

ZACARÍAS 4:7

¿Mbae pa nde ɨvɨtɨ? Zorobabel jóvai repɨtata ñuu ipe kavi vae rami; jae oekɨta tenondegua ita jeta vae isapúkai reve: ¡Ikavi yae ko! ¡Ikavi yae ko!’ ”

JOSUÉ 17:18

jókuae ɨvɨ pembaerä ko; yepe tëi ɨvɨra katuai, pe opata peitɨ jare pepɨ̈rota pembaerä opaetei; echa opata pemoë pemombo cananeo reta, yepe tëi käretou jiero pegua güɨnoi reta ani imbaepuere yae reta tëi reve.

JUECES 6:16

Jare yandeYa jei chupe: —Añetete che aïta nde ndive, remoamɨrita Madián iñemuña reta metei kuimbae vae ramiño.