ISAÍAS 41:12 - Biblia Guarani Tumpa Iñee

¹² Reeka tëita nderovaicho reta, ërei ngaraa reväe chupe; opaeteita okañɨtei jókuae oñeraro ndekotɨ vae reta.

ISAÍAS 41:12 ပူးပေါင်းရင်းမြစ်များ

ISAÍAS 17:14

Kaaru yave yavaete tovaicho reta, ërei köe-pota yave mbaetɨ etei ma. Köraita ko oasa oyuvanga yanderé vae reta, jare opa mbaembae opɨ̈ro yandegüi vae reta.

ISAÍAS 29:8

Pɨ̈tu yave yɨmbɨaɨ reve oke vae opaɨu ramita, ike pe okaru, ërei opa yave jekuaeñoi ichuri ipoä, ani iɨuve yae reve oke vae opaɨu ramita, ike pe oɨu, ërei opa yave jekuaeñoi iɨuve jare otini iyaseo, jökoraita ko oasa opaete jókuae jeta tëtaguasu reta oñeraro Sión ndive vae.

ISAÍAS 34:12

Ngaraa ye ma oime güɨnoi mburuvicha guasu, opaeteita juvicha reta okañɨtei.

ISAÍAS 49:25

Ërei yandeYa jei körai: “Ipuere ko, sundaro jëia vae güi oñepɨ̈ro mbae ñeraroa güi güerugüe, ipuere ko, tembipɨɨ otekuarai mburuvicha jëia vae güi. Che tañemoë, oñeapo nderé vae reta kotɨ, che etei aroasayepeta nemembɨ reta.

SOFONÍAS 3:19

Jókuae ara che, añemopüata opaete oiporarauka ndeve vae reta kotɨ. Amborɨta vecha iköcho vae, aru yeta okañɨgüe; amboeteukata jare jërakua yaeta opaete ɨvɨ rupi.