ISAÍAS 40:4 - Biblia Guarani Tumpa Iñee

⁴ Opaete ɨvɨtɨ päu reta toyemboyovake, jare opaete ɨvɨtɨ guasu jare ɨvɨtɨ toyembosɨmbi; opaete ɨ̈vɨa toyembosɨmbi, jare ipe kavimbae toyemboipe.

ISAÍAS 40:4 ပူးပေါင်းရင်းမြစ်များ

PROVERBIOS 2:15

jeko kavimbae reta, teko kavi oeya vae reta güi.

ISAÍAS 40:3

Ñeeäta oyeendu ñuu pe körai: “Peñono kavi tape yandeYa pe; pembosɨmbi tape ñaneTumpa pe, tapembaea rupi.

ISAÍAS 40:5

YandeYa omboyekuaata iyemboetea, jare opaete kuimbae reta oecha päveta. Echa yandeYa etei ko jei.”

ISAÍAS 42:11

Toyerovia ñuu reta jare pɨpegua tëta guasu reta, Cedar iñemuña reta jëta raɨ raɨ rupi. Totairari Sela pegua reta oyerovia güi, tosapúkai reta ɨvɨtɨ reta iyapɨte güi.

ISAÍAS 45:2

“Che ajata nderenonde, tape pɨ̈chɨi vae amboipe kavita, öke reta jiero iyu vae pegua aakɨota jare jiero öke imotätaka reta opata aakɨo kɨo.

ISAÍAS 49:11

Ayapota tape ɨvɨtɨ rupi jare tape amboipe kavita.’

ISAÍAS 62:10

Peasa, peasa öke reta rupi, peipea tape chembae vae reta peguarä. Peñono kavi tape oyeguata jupi vae, pembosɨrɨ tape güi ita reta, peupi bandera, oecha vaerä opaete vae tëtaguasu reta.

EZEQUIEL 17:24

Jare opaete ɨvɨra reta oikuaata che ko jae peYa vae. Che amboai ɨvɨra ɨvate yae vae, jare amboɨvate ɨvɨra ɨ̈vɨi vae; che amboɨpi ɨvɨra jokɨ vae, jare ɨvɨra yɨpi vae ambojokɨ. Che peYa jae kuae, jare ayapota.’ ”

EZEQUIEL 21:26

Che ndeYa Tumpa jae körai: Opɨ̈rota ndegüi neäka-regua, jare äka-regua jembipe vae, jare opaete oyepoepɨta. ¡Oyembotuichata, oñemomichi yogüɨreko vae reta jare oñemomichita, oyembotuicha yogüɨreko vae reta!

ZACARÍAS 4:7

¿Mbae pa nde ɨvɨtɨ? Zorobabel jóvai repɨtata ñuu ipe kavi vae rami; jae oekɨta tenondegua ita jeta vae isapúkai reve: ¡Ikavi yae ko! ¡Ikavi yae ko!’ ”

San Lucas 18:14

Che jae peve, Tumpa iñɨ̈ro jókuae mburuvicha peguarä okovara vae pe iyoa re, jökorai ojo ye jëta pe. Ërei mbaetɨ iñɨ̈ro jókuae fariseo pe iyoa re. Echa kia nunga oyembotuicha vae, oñemomichiukata ko. Jare oñemomichi vae, oyembotuichaukata ko.”

San Lucas 3:5

Opaete ɨvɨtɨ päu reta oñemotɨnɨeta ɨvɨ pe. Jare opaete ɨvɨtɨ guasu jare opaete ɨvɨtɨ reta oyembosɨmbi. Jare tape ñape vae reta oyembosɨmbiukata. Jare tape ikavimbae vae reta ipe kavita.

1 SAMUEL 2:8

Jae güɨnoe paravete vae mbaravete güi, jare jae güɨnoe paravete vae, ɨtɨ oyemomboa pe oyevɨka vae güi, jare omboguapɨ mburuvicha reta ndive omboguapɨ mburuvicha jenda re omboeteuka vaerä; echa yandeYa imbae ko opaete ɨvɨ iguapɨka, jare jese ko omboguapɨ kuae ɨvɨ.