ISAÍAS 40:28 - Biblia Guarani Tumpa Iñee

²⁸ ¿Mbaetɨ pa reikuaa, mbaetɨ pa reendu yandeYa jae ko Tumpa oiko avei vae, jae ko oyapo opaete ɨvɨ vae? Mbaetɨ ko ipɨtu, mbaetɨi vi ikangɨ, jare iyarakuaa katu mbaetɨ kia ipuere omboyovake.

ISAÍAS 40:28 ပူးပေါင်းရင်းမြစ်များ

GÉNESIS 21:33

Abraham oñotɨ metei ɨvɨra tamarisco jee vae Beerseba pe, jare oyerure joko pe yandeYa Tumpa opambae vae jee re.

JOB 38:18

¿Reikuaa pa ɨvɨ ipɨguasugüe? Reikuaa yave ere opaete kuaekuae reta.

SALMOS 138:8

¡CheYa, rembopota ndeyemongeta cheré! CheYa Tumpa, ndeporoparareko jekuae avei pegua ko. ¡Agüɨye chereeya, che nderembiapo!

SALMOS 139:6

Jókuae arakuaa katu chemopɨakañɨ yae, ¡tuicha yae, mbaetɨ chepuere aikuaa!

SALMOS 145:3

CheYa, ndembaepuere yae ko, jupi ko reyemboeteuka yae vaerä, ndembaepuere roipapa rapeä ko.

SALMOS 147:5

Tuicha yae ko yandeYa, jare imbaepuere yae, iyarakuaa yamboapɨ rapeä etei.

SALMOS 90:2

Arakae, ndei ɨvɨtɨ reta oyeapo mbove güive voi ma, ndei kuae ɨvɨ oyeapo güive voi ma, arakae güive jare arakae regua jekuaekuae avei rupi, nde ko Tumpa.

ISAÍAS 37:26

¿Mbaetɨ pa reikuaa, che Tumpa ko ayapo opaete kuae mbaembae reta vae? Arakae güive voi ma ko opa amboyupavo añono kuaekuae, jae ko aru ma oyeapo añave; jáeramo ko nde remoamɨri tëta guasu reta ikësea kavi vae, jare opaetei remboaiasɨ reeya.

ISAÍAS 40:21

¿Mbaetɨ pa peikuaa? ¿Mbaetɨi pa peendu? ¿Mbaetɨi pa kia omombeu peve? ¿Mbaetɨ pa kia pemboe jese arakae güive?

ISAÍAS 42:4

Ngaraa ikangɨ jare ipɨtu, oñono regua jupi vae opaete kuae ɨvɨ pe; jare tëtaguasu reta ɨguasu jembeɨ rupigua reta oärota mborookuai jae omeeta vae.”

ISAÍAS 45:22

Opaete ɨvɨ pegua reta, perovia cheré peasayepe vaerä, echa che ko Tumpa, mbaetɨ yé ko ïru.

ISAÍAS 57:15

Echa Tuicha yae ete vae, oikoño mai vae, jae ko jee iYoambae, jae jei: “Che aiko ɨvate jare oñeñono teea pe, ërei aiko vi oiporara jare ipɨatɨtɨ vae reta ndive, amee chupe tekove, jäta ngatu vaerä.

ISAÍAS 59:1

YandeYa mbaetɨ ko ipo ombosɨrɨ, mbaetɨ vaerä oporogüɨroasayepe, mbaetɨ ko oyopia iyapɨsa, mbaetɨ vaerä oendu.

ISAÍAS 66:9

¿Maera pa mbaetɨta amaeño oa? Echa, che peYa ko amee oa vaerä michia.” Jei yandeYa.

JEREMÍAS 10:10

Ërei yandeYa Tumpa jae ko añetete vae, jae ko Tumpa oikove vae jare Mburuvicha guasu opambae. Iyarasɨ yave, okana ɨvɨ; tëtaguasu reta mbaetɨ jösa chupe.

JEREMÍAS 32:17

‘CheYa Tumpa, nde ndembaepuere pe reyapo ara jare ɨvɨ. Mbaetɨ etei mbae yavai ndeve.

JEREMÍAS 4:22

YandeYa jei: “Tëta chembae vae yarakuaambae ko, mbaetɨ chekuaa. Jae ko cheraɨ reta oyemongetambae, mbaetɨ omae reta iyeupe vae; ikavimbae oyapo vaerä yarakuaa katu yae, ërei ikavi vae oyapo vaerä, mbaetɨ.”

San Marcos 16:14

Kuae jaɨkue rupi Jesús oyekuaa jókuae once reve jemimboe reta pe etei, jae reta okaru ñogüɨnoi ramboeve, jare omboeta chupe reta, mbaetɨ oporogüɨrovia jare ipɨatäta ramo. Echa mbaetɨ güɨrovia reta Jesús oikove ye vae oecha vae reta re.

San Marcos 9:19

Jayave Jesús jei chupe reta: —Oporogüɨroviambae reta. ¿Kërai regua pa aikota pe reta ndive? ¿Kërai regua pa pogüɨropɨata? Peru cheve kuae pe.

San Lucas 24:25

Jayave Jesús jei chupe reta: —¡Yarakuaambae reta! Mbegüe rupi yae perovia opaete ñeemombeúa reta jei vae.

San Juan 14:9

Jesús jei chupe: —Ɨma ma aiko pe reta ndive, ¿mbaetɨño pa chekuaa Felipe? Chereecha vae oecha ma ko cheRu. ¿Maera pa rere: “Eechauka oreve ndeRu”?

San Juan 5:17

Ërei Jesús jei chupe reta: —CheRu mbaetɨ ko opoi iparavɨkɨ güi, jare che vi aparavɨkɨ.

Hechos 13:47

Echa yandeYa oreokuai körai: “Poñono tembipe rami judiombae vae reta pe, peraja vaerä yemboasa opaete ɨvɨ pegua reta pe.”

Romanos 16:26

Ërei añave oyekuaa, ñeemombeúa reta oikuatía Tumpa Iñee vae rupi, Tumpa oiko ñomai vae iporookuai rupi, oikuaauka opaete tëtaguasu reta pe, oporogüɨrovia reta vaerä;

1 Corintios 2:16

Echa “¿kia pa oikuaa yandeYa iyemongeta? ¿Kia pa ipuereta omboe?” Ërei yande ñanoi Cristo iyemongeta.

1 Corintios 6:16

¿Mbaetɨ pa peikuaa kuimbae oasa metei kuña iyaguasa pota vae ndive vae, oyeapo ko metei jete jae ndive vae? Echa Tumpa jei körai: “Mókoi reve toyogüɨreko metei ramiño.”

1 Corintios 6:19

¿Mbaetɨ pa peikuaa perete ko jae Espíritu Santo jo? Echa Tumpa ombou peve Espíritu Santo, jare jae oiko pepɨa pe. Jáeramo perete pembaeä ma ko.

1 Corintios 6:9

¿Mbaetɨ pa peikuaa jupimbae vae reta ngaraa yogüɨreko Tumpa iporookuaía pe vae? Agüɨye peyavɨ. Aguasa oyapo vae reta, itumpa-raanga pota vae reta, menda re oyuvanga vae reta, kuimbae kuña jeko omomora vae reta, kuimbae oyoupii oyogüɨreko vae reta,

DEUTERONOMIO 33:27

Tumpa oikove avei vae ko jae peñepɨ̈roka, imbaepuere opambae ko peñepɨ̈roa; jae ko ombotekuarai perenonde güi tovaicho reta, jare peokuai pemboai vaerä.

Filipenses 1:6

Aikuaa katu, Tumpa omboɨpɨ ma oyapo metei mbaravɨkɨ ikavi vae pepɨa pe vae, jae etei ko jekuaeñota oyapo Jesucristo ou ye regua.

1 Timoteo 1:17

Jáeramo, yamboete yae jekuaekuae avei rupi Mburuvicha guasu opambae vae, omanombae vae, oyeechambae vae, jaeño ko Tumpa yarakuaa yae vae. ¡Amén!

Hebreos 9:14

Vɨtei pa Cristo jugüɨ, echa jae Espíritu Santo oikoño mai vae rupi oñemee Tumpa pe ikɨambae etei, jókuae rupi oitɨo yandeyemongeta ikavimbae mano pegua güi, yayeokuai vaerä Tumpa oikove vae pe.

1 SAMUEL 2:10

YandeYa omoamɨrita jovaicho reta, yavaete yaeta ama-tiriri rami. YandeYa ojäata opaete ɨvɨ pegua reta; omeeta mbaepuere jae oiparavo mburuvicharä vae pe jare jae ombotuichata imbaepuere.”