ISAÍAS 40:26 - Biblia Guarani Tumpa Iñee

²⁶ Perovaɨva pemae ara kotɨ: ¿Kia pa oyapo opaete jókuae mbaembae reta? Jae ko oipapa jare oñono jenda pe kavi kavi, ombojee metei ñavo, ngaraa metei ave oata. Jökorai ko imbaepuere yae jare ipɨ̈rata yae.

ISAÍAS 40:26 ပူးပေါင်းရင်းမြစ်များ

GÉNESIS 1:14

Javoi Tumpa jei: “Toime omoembipe vae reta ara oasavi vae re. Omboyao vaerä ara pɨ̈tu güi; jökorai ipuere vaerä oyepapa ara reta jare año reta, iroɨ jare araku iara.

GÉNESIS 1:16

Tumpa oyapo jókuae mókoi tuichagüe omoembipe vae reta; jókuae tuicha yae vae, omoembipe vaerä ara pe. Jókuae michi äve vae, omoembipe vaerä pɨ̈tu yave. Oyapo vi yasɨtata reta.

SALMOS 102:25

Iyɨpɨ ete pe nde ko reyapo ɨvɨ, jare ara jae ko nderembiapo.

SALMOS 119:91

Neñee rupi jekuaeño yogüɨreko opaete mbaembae reta, echa opaete jókuae reta oiko nde rerea re.

SALMOS 121:1

Amae ɨvɨtɨ reta kotɨ jare jae: “¿Ketɨ güi ra outa yemborɨ cheve?”

SALMOS 19:1

Ara oikuaauka Tumpa iyemboetea, ara ipo reta oikuaauka Tumpa jembiapo.

SALMOS 66:3

Pere Tumpa pe: “Oporomopɨakañɨ yae nderembiapo reta. Ndembaepuere tuicha yae vae rupi nderovaicho reta yogüɨrekota nde rerea re;

ISAÍAS 34:16

Pemongeta yandeYa iñee reta oyekuatía oï vae, emongeta, oime ra oata mbae nunga mɨmba; mbaetɨ metei pe ave oata iñeïrurä, echa yandeYa ko jei jökorai, iEspíritu etei ko opata omboatɨ.

ISAÍAS 42:5

Körai jei yandeYa Tumpa, ara Iyapoa, jae oyapo ara; jae oyapo ɨvɨ jare mbaembae oñemuña pɨpe vae; jae omee ɨvɨ ipo reta pe ipɨ̈túe vaerä, jare tekove, ɨvɨ iárambo yogüɨreko vae reta pe vae:

ISAÍAS 44:24

Körai jei yandeYa, ndeReepɨ vae, ndei rea mbove voi ma ndeapo vae: “Che peYa, jae ko opaete mbaembae iyapoa, che ko ayapo ara jare ɨvɨ, mbaetɨ kia chemborɨ reve.

ISAÍAS 45:12

Che ko ayapo ɨvɨ jare pɨpegua kuimbae reta, che ko ayapo ara jare amboyekuaa opaete pɨpegua reta.

ISAÍAS 45:7

Che ko ayapo tembipe jare pɨtumimbi, che ayapo mbɨakatu jare tembiporara. Che, opaete iYa ko ayapo opaete kuae mbaembae.”

ISAÍAS 48:12

“Peyeapɨsaka Israel, Jacob iñemuña reta, che roenɨi vae ko nde. Che ko Tumpa jaevaeño vae, che ko, oikoño mai vae.

ISAÍAS 48:13

Che ko ayapo ɨvɨ, jare chepoäka pe ko ajäa ara reta; aenɨi reta jee rupi yave, mókoi reve voi oyekuaa reta.

ISAÍAS 51:6

Pemae ara kotɨ, pemae ɨvɨ re; echa ara ipo reta opata okañɨ tätati rami, ɨvɨ indechita temimonde indechi vae rami, jare pɨpegua reta jaeramiño vi opa eteita okañɨtei. Ërei cheporogüɨroasayepe jekuae aveita, jare cheporojäa ngaraai iyapɨ.

ISAÍAS 66:2

¡Che ko ayapo opaete kuae mbaembae, jáeramo ko oime opaete kuaekuae reta! Che, peYa ko jae. Che ayangarekota jókuae kuimbae oyemombaravete jare oñemomichi ipɨa pe vae re, cheñee omboete vae re.

DEUTERONOMIO 4:19

Ani pemae yave ara kotɨ jare peecha kuaraɨ, yasɨ jare yasɨtata, jare opaete ara ipo reta jare petindɨ pemboete ani peyeokuai chupe; echa yandeYa Tumpa ko oyapo kuae mbaembae, opaete vae reta peguarä.